1 Endagembogut 8:20 - Ala Wone Peenok Peebi Mbanak

²⁰ At Aliku ALA nen wone koonogo yoreegerak nogo, a'me nggelok ari logonet, at Aliku ALA yoreegerak ndak-ndak, an nogoba Ndawut obaane'me age nagarik, napuri Iterali nabu'me piinok, inawone koongge minggirak me, Aliku aakumi Iterali inogoba Ala endage ki logowak nduk an nen aret at awi wukirak yi o.

1 Endagembogut 8:20 ပူးပေါင်းရင်းမြစ်များ

2 Tamuwen 7:12

Ndi, at perak, nda'nagagerak eyom abu aret panggoni wage kenok, ombomini kambunuk nogogwam wonogwe me, inom yonggonggola nage kagak, an nen at lombok apuluk ndaremenggerak nogo, obaane'me mippege logominggirik, apuluk abu'me piige logowam mondok-mondok logowak nduk, eeppigin o.

1 Endagembogut 1:48

At Aliku Iterali inogoba Ala nen o ne yogondak yi paga, Endagembogut logonet, wone lengganogo yorage menggim obaane'me mippege neyaawako, yinuk, nombakerak nogo, o yogondak yi paga nobaane'me mippegerak kagarak me, endage tiyappege agarik o, yinuk, yoge kagarak o,” yoreegerak.

1 Endagembogut 8:15

“At Aliku aakumi Iterali inogoba Ala oone lombok paga nen nogoba Ndawut koonogo yoreegerak nogo, at nen aret a'me nggelok togon eerogo pereegerak me, endage tiyappuwok o.

Nekemiya 9:8

Kat yoge nogo li'lak mban eeke kenok, it aakumi Kanan mendek inom, Ket mendek inom, Amori mendek inom, Perit mendek inom, Yebut mendek inom, Nggiragati mendek inom, inanggween abok aret at apuri-ombowologwe wogoroorak wone abuk nggaruk togon koonogo punuk yoreegindak nogo, kat abe koonak mban eeke menggendak me, koonogo pereegindak nogo a'me lik togon aret eereegindak o.

Ndawi 138:2

Kat aakumi inabuwa nen kiniki kunik eeginake, Liirogon eeppiinet nage, Yi mendek ndi mendek tebenak iigak, kat kendage inom, Kat eeriyak koonogo pereegindak wone inom, abu tiyappege, Eereegindak me, Kawi wurik alik leenak me nena na'na'nuk, Kendage tiyappagage logogin o.

Yetaya 9:7

At wone lengganogo yorage logowam nggwok wiganinuk nage, Aakumi inom lambunik iniki ugun tayenak wonogwe nogo lek aga'lek kundugu wonage, Eeke logogin o. At Ndawut paga wiganak aret me, At wone lengganogo yorage menggim mi'na'nuk, At abu'me piige menggim wone lengganogo yorage logogin o. At obeelom mban eeppiinet nage, a'me nggelok mban inawone mbangge, Eeke logomenggerak paga At abu'me piige menggim akom kwippiige, Omaawi nu'lek eerogo pege, Eerogo pege kenok, Mondok-mondok aret logogin o. At Omaawi Lombok Menggerak Aliku ALA nen, “Mondok eerikit aret,” mbarit unggwage me, aret eeke logogin o.

Yetikiyen 12:25

Naliku ALA an nen yuurak mbake nogo aret ari neenok, yalanggok arit naga'lek a'me aret age, ndi, it an yorage eeriyak ineebi mbaka awo wonogwe iigak, yoraminggirak nogo ndak-ndak aret age, eerigin o, yinuk, Naliku Nitok Minggirak an ALA nen aret yagi o,” yinuk, yo'nereegerak.

Yetikiyen 37:14

An Naberiniki inikime mambiige neenok, ineenik aremenggaarak piya nage logomenggirik, it inanggween paga time logowak nduk, teppiyaagin o. Ti eeke neenok, Nit eeppinaniyak Aliku ALA yereegerak nogo aret eerogo pinaneegerak kogo o, yinuk, Naliku ALA an aret ineenu arugun o,” yinuk, Aliku ALA nen aret an yo'nereegerak o.

Mika 7:20

O maan iyaalok togon kat nen ninombomini kinom wone abuk nggaruk togon koonogo punuk, kumbuk mbaneegindak nogo ndak-ndak, Kat nen Yakup yoreegindak nogo liirogon eeppege, Abarakam yoreegindak nogo abuwa mba'nuk, ndak-ndak eeppege, Eerumunggun o.

Nappiigak 7:47

at wurulik, Talomo nen aret Ala awi wureegerak.

Oroma 4:21

“At Ala omaawi ambik me yo'negerak nogo ti, abet aret eerigin,” mba'nuk, iniki mondok wone ti paga panggombunuk wonagagerak ti paga,

Pilipi 1:6

“At Ala nen obeelom eekkinaburak nduk, aa'nduk eereegerak kuli nogo nen, kinikime eekkinake tit kagak, o age yobok Keritut Yetut woraagin,” an abet aret mbake logonet, yokkiragi o.

Yotuwa 21:45

Ndi, at Aliku ALA nen aakumi Iterali mendek obeelom eeppiyoorak wone koonogo pereegerak nogo, ambi mbeyok yuulik abok aret a'me nggilik-nggelok eeppiyareegerak.