1 Endagembogut 8:1 - Ala Wone Peenok Peebi Mbanak

¹ Ne ti eyom paga aap endagembogut Talomo nen Aliku ALA aloobut mbanak me wone yugu yonggolak Ndawut Agota o Tiyon wonage nogo, piyaninuk woraawak nduk, aakumi Iterali inoweewi inom, it Iterali inogobamini wone kenaaka inom, it Iterali ndarak ndegek lombok inarum menggaarak inom, abok aret, “Nowagam o Yerutalem wa'nip o,” yinuk, yoragagerak.

1 Endagembogut 8:1 ပူးပေါင်းရင်းမြစ်များ

2 Tamuwen 6:6

Togop eerit aap Nakon gandum agabolo mbelangge menggim nogome ari wogo nogogwaarik, tapi Ala aloobut mbanak wonok wogwe nogo iniyogobit lik togon a'nggan nggininogo wuppuwak nduk, eeko mbareegwa, at Uta nogo nen Ala aloobut mbanak nogo eenggi pigaganeegerak.

1 Endagembogut 2:10

At Ndawut nogo aap endagembogut age nagagerik, Iterali wone lengganogo yorage kagak, tahun 40 eereegerak. O Keboron wone lengganogo yorage kagak, tahun 7 eeke, ndi, o Yerutalem wone lengganogo yorage kagak, tahun 33 eeke, eereegerak. Eeppunuk, kangge nagagerik, ombomini kambunuk nogogwam inom yonggonggola nage mbareegi, at Agota kanggwi piya unggwogo menggam nogome eebe pi unggwogogwaarak.

1 Endagembogut 3:15

Yoge mbareegi, at Talomo nogo eenik age nagagerik, “Yi Ala nen aret nabi paga yo'negerak kagi,” mbake nagagerik, iyokan o Yerutalem woraanuk, Aliku ALA aloobut mbanak wone yugu yonggolak wonage me enaame taati mi'ndak logonet, Ala ake warogo wogogwi nogo mendek warogo kani kungge, Ala inom lambunik logorak ake warogo wogoge, eeke nagagerik, at awuri inom yabu eeko menggaarak nogo inake laago nggwok lareegerak.

1 Mbinineegwaarak 11:7

Tebenogo piinok, at Ndawut nogo o kota yugum pak wurogo pereegim nogome ye mbanggolage nagagerik, wonagagerak me, aakumi nen o ti endage, “Ndawut agota aret o,” yinuk, yogo nogogwaarak.

1 Mbinineegwaarak 15:25

Leenogo piinok, at Ndawut inom, it Iterali inoweewi inom, it aap ineegin warak ineebe seribu lombok aago inoweewi inom, Aliku ALA aloobut mbanak me wone yugu yonggolak nogo, aap Obet-Erom ame nen inale'nggen paga wonok woraawok nduk, nogogwaarak.

1 Mbinineegwaarak 15:29

Aliku ALA aloobut mbanak me wone yugu yonggolak nogo wonok, at Ndawut agota paga pi wogwe iigak, at Tawun apuluk kolaga Mikan nogo, pugagi mbanak me nen ena wunggage nagagerik, at aap endagembogut Ndawut nogo, ndawi lubuk ari, ale'nggen nen ku'mbonggak wage, eeke nogo, kage nagagerik, “Aap yi, agan wage abu neebi a,” yinuk, mbareegerak.

1 Mbinineegwaarak 15:3

Aliku ALA aloobut mbanak wonok o puurak ake pipuk eerogo pereegim nogome pi woraawak nduk, at Ndawut nen it aakumi Iterali mendek abok aret o Yerutalem kuwak eerogo piyareegerak.

1 Mbinineegwaarak 28:1

At Ndawut nen it aakumi inanebunu lombok inarum menggaarak inoweewi inom, aap endagembogut ake eeka ineegin warak aago nogo inoweewi inom, ineegin warak ineebe seribu lombok inoweewi inom, ineegin warak ineebe 100 lombok inoweewi inom, aap endagembogut amendek unde menggaarak inom, at apuri inom inaanggumi inarum menggaarak inom, aap endagembogut inom eeko menggaarak inom, wim wone mbangga inom, aap wakaa'ngget ineegin warak inom, it aap Iterali inoweewi ti abok aret, o Yerutalem kuwak eeri woraawak nduk, inayonggo pereegerak kuwak ari wogogwaarak.

2 Mbinineegwaarak 30:1

Aap endagembogut Kitikiya inom, at inom eeko menggaarak inom, it aakumi kuwak aago o Yerutalem wonogwe inom, nen yogo logonet, “It aap Ala unde ineebe ambik lek mbereeret mban inoba mbeenogo pakwi, ndi, it aakumi o Yerutalem kuwak ari waga'lek puk wonogwe, eekaarak paga laago endage, Obagambo Nagagerak, Ndi eyom paga lariyak, yugu nogo lariyak meek agaarak me, tut ambi penenak paga ninale'nggen nen lariyak op aret kogo o,” yinuk, yogo nogogwaarik, “Liiru mbanak ndak-ndak nit aakumi apit aret kuwak eeppunuk laka'lek me, it Iterali wonogwe me o Mberetiyeba nen nok o Ndan kuli aakumi abok aret o Yerutalem wogwe iinok, Aliku Iterali inogoba Ala elaago Obagambo Nagagerak nogo ninale'nggen paga laruwok nduk, yonggo nappiyaawok o,” yinuk, koonogo pereegwaarak. Koonogo pogo nogogwaarik, at Kitikiya nen it aakumi abok aret Aliku ALA awi wurik me o Yerutalem wogo logomenggaarik, Aliku Iterali inogoba Ala elaago Obagambo Nagagerak nogo inale'nggen paga laruwak nduk, it Iterali abok inom, Yekura inom, inake liiru mbangge logonet, it Eparayim mendek kunduk, Manate mendek kunduk, inom inake liiru mbaneegerak.

Etara 3:1

It aakumi Iterali mendek nogo it logowam o kota-kota nogome ye mbambatinuk wonogwe iigak, tut 7 penengge mbareegi, iniki ambit eeppunuk, ambugwi aret o Yerutalem kuwak ari wogogwaarak.

Ndawi 102:21

Togop aret me, yi aakumi ndi aakumi inom, It aap inendagembogut inabu'me piigo menggam inom, Abok aret Aliku ALA alut eeruwok nduk, kuwak eeri wogwe iinok, O Tiyon paga Aliku ALA endage kunogo yorogwe, O Yerutalem paga at endage tiyappugwi, Eeko logogun o.

Ndawi 9:11

Togop me, kit aakumi yi wae. Aap inamiya wunabeegwaarak inamee'nggo wagangga Aliku ALA aret me, at nen aberinake, It tebenak wonogwe nogo nen, “Yeenggwa niret o,” yinuk, yogwe iinok, “Inobaalombok o,” yinuk, mbo piiga'lek aruk konengge, Eeke menggerak me, Aliku ALA wone lengganogo yorage menggim o Tiyon wonage nogo, Alut eeko logonet ndawi wakwi, Eerit nage menggerak nogo, yi aakumi ndi aakumi inenggela'me yoranet nogwe, Eeko logonip o.

Yetaya 28:16

At Aliku Itok Menggerak ALA nen yegerak yi aret. “An nen ogowa pugu mondok nu'lek logowak nduk, Yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, iniki yungguppegak eeke logogin lek o.

Yetaya 46:13

Eereegwaarak onggo ndak-ndak eeppiyaakit nduk woroorak nogo ti, nda lek koorok aret panggoni wage, Kinagap ndarikit nduk, elaambirik logogin lek mbet-mbet aret wage, Eerigin me, It o Tiyon wonogwe nogo wondet eerogo piige, Ndi, an abu tiyanak me, Wi! nugwi nogo, it Iterali ndak-ndak yoraawak nduk, eeppiige, Eerigin o,” yinuk, yegerak o.

Linggineegwaarak 1:4

Inendage mbanggwi ti paga yeenggwa kirogo logonet, it inanebunu ndegek lombok ndegeninako logowak nduk, Iterali inanebunu ndegek lombok wonogwe me inenggela'me nen aap ambit nggigik eerogo mippiyaanip o.

Yotuwa 23:2

at Yotuwa nen it aap Iterali inoweewi inom, aap wone koongga inom, wone owak loongga nogo inom, wim lenggangga nogo inom, abok aret wiiragagerak wogo mbareegwa, yorage logonet, “An ndarak neegak tahun ambik aret eekirak me, abu aakelo aret ari wagarak o.

Yotuwa 24:1

Ti'nuk, Yotuwa nen it aap inanebunu lombok Iterali mendek nogo o Tikem time kuwak eeppiyareegerak. Eeppiige nagagerik, it Iterali inoweewi inom, wone koongga inom, aap owak loongga inom, aap wim wone mbangga nogo inom, wiirage mbareegi, wogo nogogwaarik, it apit aret Ala enggaanom paga ari wogogwaarak wonogwe iigak,