1 Endagembogut 7:27 - Ala Wone Peenok Peebi Mbanak

²⁷ Ti eeke nagagerik, niyo toolak wonok negak mbuti tembaga paga 10 kuli ogobakkigike logonet, inambe agi-ogu inom, aru-ogwe inom, ti metet mbere paga mban wakkage, inirip nggorek metet ambit eeppunuk, ambi oolo abu'me negen wakkage, eereegerak.

1 Endagembogut 7:27 ပူးပေါင်းရင်းမြစ်များ

1 Endagembogut 7:26

Togolowak obogum kumbin pereegerak nogo ti, aakumi ineenggi tabak kokwak aret. Ndi, ambe ti, mangkok ambe waambi anggen awo ambe pagangge menggi kwak aret me, togolowak nogome niyo tooliyak kenok ti, nderom dua ratus dua puluh me, tooliyak pogom aret wonagagerak.

1 Endagembogut 7:28

Ti eereegerak nogo ti yogop aret. Niyo toolak wonok negak nogo ti, owak unggut-unggut mippunuk, eyo tabak paga eeben agi-ogu aru-ogwe nabenogo pege,

1 Endagembogut 7:38

Ti abu aret eeppege nagagerik, togolowak tenggap kwak tembaga paga 10 kuli ogobakkigirogo pege logonet, ambe kole metet mbere wakkagak eerogo pege, inikime tooliyak ti, 4 nderom me, tooliyak kwak aret ogobakkigirogo pege, eerogo pit nage nagagerik, niyo toolak wonok negak 10 ogobakkigireegerak nogo paga eengge ndak-ndak aret kwippit nagagerak.

2 Endagembogut 16:17

Ti eeppunuk, at aap Akat nen niyo toolak wonok negak eyo tabak paga eeben agi-ogu, aru-ogwe nabenak nogo minogo pege, togolowak tenggap kwak ogobakkigirik nogo waganogo wuppi wage, togolowak kole endage, Niyo Yenggenak, mbuti tembaga paga tapi inogut eerak paga kwi'ndak wonage nogo, waganogo yugum ndoonak paga kwippege,

2 Endagembogut 25:13

Eeke mbareegi, at awuri Mbaben mendek nen Aliku ALA awi wurik eyak mbuti tembaga paga ogobakkigirik mippugu nogo inom, Aliku ALA awi wurik me ineenggi kookak niyo toolak wonok negak inom, togolowak kole endage, Niyo Yenggenak, mbuti tembaga paga ogobakkigirik nogo inom, minogo punuk, mbuti tembaga kero mban, o Mbaben wonok nawok nduk, ponggonogo waganggwi,

2 Endagembogut 25:16

Ti waganeegerak nogo ti, at Talomo nen Aliku ALA awi wuke logonet, o awe eyak imbirak ti, agi nggorek metet 8 wakkagak ogobakkigirogo punuk, irip kwippuurak mbuti tembaga paga agi nggorek metet ambi eeppunuk, ambi oolo paga wakkagak ogobakkigirogo punuk, mbuti omanggen paga yum ogut negen yigogo tugumbunuk, tembaga paga eyo delima anggen ogut negen yendok-wandok eerogo pit nage, ndi, o eyak ore nogo togop aret ogobakkigirogo punuk, mbuti omanggen tembaga paga yum ogut negen yigogo tugumbege, eereegerak nogo inom, Aliku ALA awi wurik me logowak nduk niyo toolak ineenggi kookak wonok nega inom, togolowak kole endage, Niyo Yenggenak, nogo inom, minogo punuk, mbuti tembaga mban ponggonogo waganeegwaarak nogo ti, ambik me aaninggin wakkoorak meek kagak waganeegwaarak.

2 Mbinineegwaarak 4:14

niyo toolak wonok negak togolowak tenggap kwak eengge ndak-ndak ogobakkigireegerak inom,

Yeremiya 27:19

Aap Mbaben inowe endagembogut Nebukanetat nen aap Yekura endagembogut Yoyakim aput Yoyakin nogo o kota Yerutalem nen o Mbaben wonok pi noorak eeke logonet, it o Yekura mendek kunduk, Yerutalem mendek kunduk, inoweewi inengga warak inom wogoren naakit nduk, Ala awi wurik o awe eyak inom, togolowak kole endage, Niyo Yenggenak, nogo inom, ineenggi kookak niyo toolak wonok negak inom, yi mendek ndi mendek eekak ando inom, o kota yime mbo punuk nagagerak nogo at Omaawi Lombok Menggerak Aliku ALA nen ari logonet,

Yeremiya 52:17

Eeke mbareegi, at awuri Mbaben mendek nen Aliku ALA awi wurik eyak mbuti tembaga paga ogobakkigirik mippugu nogo inom, Aliku ALA awi wurik me ineenggi kookak niyo toolak wonok negak inom, togolowak kole endage, Niyo Yenggenak, mbuti tembaga paga ogobakkigirik nogo inom, minogo punuk, mbuti tembaga kero mban, o Mbaben wonok nawok nduk, ponggonogo waganggwi,

Yeremiya 52:20

Ti waganeegerak nogo ti, at Talomo nen Aliku ALA awi wuke logonet, o awe eyak imbirak ti, agi nggorek metet 8 wakkagak ogobakkigirogo pege, obate paga komaarak metet 5 eeppunuk, ambi oolo wakkagak ogobakkigirogo pege, ndi, oolo mbo punuk, ambe yendok-wandok ineenggi tabak kwak eerogo pege, eeke nagagerik, irip kwippuurak mbuti tembaga paga agi nggorek metet ambi eeppunuk, ambi oolo paga wakkagak ogobakkigirogo punuk, mbuti omanggen paga yum ogut negen yigogo tugumbunuk, tembaga paga eyo delima anggen ogut negen yendok-wandok eerogo pit nage, ndi, o eyak ore nogo togop aret ogobakkigirogo punuk, mbuti omanggen tembaga paga yum ogut negen yigogo tugumbege, eeke logonet, eyo delima anggen ogut negen yendok-wandok eerak ti 96 aret eerogo pege, ndi, yum ogut negen yigogo tugunik irimbaga ti, 100 aret eerogo pege, eereegerak nogo inom, Aliku ALA awi wurik me logowak nduk niyo toolak ineenggi kookak wonok nega inom, togolowak kole endage, Niyo Yenggenak, nogo inom, minogo punuk, mbuti tembaga mban ponggonogo waganeegwaarak nogo ti, ambik me aaninggin wakkoorak meek kagak waganeegwaarak.