1 Endagembogut 6:9 - Ala Wone Peenok Peebi Mbanak

⁹ Eeppege nagagerik, Ala awi eebe wurik pelan nippereegerak inom, oo'ngget negen eyo poorak paga yendok-wandok maareegerak inom, ti eyo nggabina paga mban mondok paalo eerogo wureegerak.

1 Endagembogut 6:9 ပူးပေါင်းရင်းမြစ်များ

1 Endagembogut 6:10

Eeke nagagerik, o eebe wurik eraanu ta'mban-mban wureegerak ogu nggween paga inom, oolo inom, irimbaga inom, alitak ogu nen agi metet mbere eeppunuk, ambi oolo abu'me negen wakkagak eerogo wureegerak nogo ti, oo'ngget negen eyo nggabina paga mban nabenogo pereegerak.

1 Endagembogut 6:14

At Talomo nen Ala awi eebe wurogo pege nagagerik, inikime amuni mbaneegerak nogo yi aret.

1 Endagembogut 6:38

ndi, inowe endagembogut logonet inarum wonage kagak, tahun 10 eeppunuk, ambi eeke tut 7 penembunuk, tut ambi endage, Mbun, penengge paga, “Ala awi ndogop aret wurikit o,” yinuk, iniki kooneegerak nogo abok aret li'luk age yobok togon wurogo pereegerak. Wuke kagak, tahun 7 aret eereegerak.

1 Endagembogut 6:8

O nggween paga ogoorogo wureegerak tungga o ame unggwi nage menggim pa'nggwe mbaneegim nogo paga aakumi unggunuk, o oolo wurik me laganggak yuurak nduk, ya'na wurogo pege, ti'nuk, o oolo nen irimbaga laganggak ya'na wurogo pege, eereegerak.

1 Endagembogut 7:51

Yi mendek ndi mendek Aliku ALA awi wurik me logorak nogo at endagembogut Talomo nen abu li'luk eerogo wuppege nagagerik, at ogoba Ndawut nen Ala ake leenogo pereegerak mbuti perak inom, mbuti emas inom, yi mendek ndi mendek Ala awi wurik me eekak inom, abok aret waganogo Aliku ALA awi wurik me pogo logowam nogome pi unggwagagerak.

1 Endagembogut 9:25

At Talomo nen tahun ambit aago ne kenagan paga Aliku ALA ake warogo wogogo logorak ogobakkigireegerak nogo paga Aliku ALA ake warogo kani kungge, Ala inom lambunik logorak ake warogo wogoge, eeke nagagerak. Ti eeke logonet Aliku ALA enggaanom paga obari abe kaga nogo inom kani kungge nagagerak. Ti eereegerak nogo ti, Aliku ALA awi wuppunuk, eeko logorak wone yugu nogo ndak-ndak aret eereegerak.

Wundeegwaarak 40:33

Ti eeke nagagerik, ooliya wurik nogo inom, kani kunggo logowam nogo inom, mangga wagak eyo owa'nagat owak yengget-wangget wuppit nage nagagerik, ti paga yum tabak tugunogo wuppit nage, owa'nagat wurik tungga'nggi paga yum tugunogo wurabit wage, eereegerak. Aliku ALA nen yoreegerak nogo Muta nen mondok li'luk eerogo pereegerak nogo ti aret.

Ndawi Iya 1:17

Nit ninawi ti, eyo nggabina arelen paga wurabak wurik wonage, Ninawi pelan nogo ti, eyo ndiindi paga warak wonage, Eerak menggerak o.