1 Endagembogut 6:7 - Ala Wone Peenok Peebi Mbanak

⁷ Ala awi ti wuke logonet, yugum yanggunggo menggam time nen abu loonak amuni mbanogo pugu paga wukwi me, matelo inom, mbuti tegewa inom, mbuti mendek ogobakkigirik inom, ti mendek paga ogobakkigirogo wukwi, oone luk eekwi, ambi konengga'lek aret wonogogwaarak.

1 Endagembogut 6:7 ပူးပေါင်းရင်းမြစ်များ

1 Endagembogut 6:8

O nggween paga ogoorogo wureegerak tungga o ame unggwi nage menggim pa'nggwe mbaneegim nogo paga aakumi unggunuk, o oolo wurik me laganggak yuurak nduk, ya'na wurogo pege, ti'nuk, o oolo nen irimbaga laganggak ya'na wurogo pege, eereegerak.

Wundeegwaarak 20:25

It an nake warogo kani kunggo logowam yugum paga wuko logonet kenok, mbuti tege paga nggaganogo punuk wuriyak kenok ti, wone mage yugu kagak taganogo punuk wuriyak me, ugun nggaganogo punuk wurugwaarik o. Ata, yugum nggaganak lek tumbu paga mban wuko logowak o.

Kini Wuppiige 24:27

Yabu endekem aa'nduk lek eerogo pege, Keyabume aa'nduk waganogo pege, Eeke logomenggendik, Ti'nuk, kawi wurogo pake logot o.

Yetaya 42:2

Yoranet nage logonet, at oone nggwok paga yorage, Oone panggok togon yoranet nege, Tu paga nege logonet oone omaawi paga yoranet nege, Eeke logogin lek o.

Nappiigak 9:31

Nappogo nogogwaarik, nogome logonet, it Ala apuri o Yureya kuwak eerit nogwe inom, o Nggalileya kuwak eerit nogwe inom, o Tamariya kuwak eerit nogwe inom, ale-pale eeginabit naga'lek iinok, inikiigun logonet, iniki kole ogwe, Aberiniki nen yeenggwaarage kagak inogoba Ala inagabiti mbako logonet, ineebe ambik wigannogwe, eereegwaarak.

Oroma 9:23

Ndi, ninabuwa nen teppinanege logonet, ninom tiyanak logorak nduk leenogo pinaneegerak nogo at mondok obeelom tiyanak logonet, oba ngginik kagak obeelom eeppinanegak mban eeke menggerak nineenu aruwok nduk, iniki mondok liippunuk eeppinanege logorak koongge kenok ti, nonggop o?

2 Korindut 5:5

Nabelan-kabelan wo'niroorak nduk, niniki pipuk eerogo pinanege menggerak nogo ti, Ala aret o. Nit nabelan-kabelan ti, “Abet aret eeppinanigin,” mbaruwok nduk, Aberiniki aa'nduk aret wo'niragagerak me, niniki tayenak ale'nggen aret ogoorik o.

1 Peterut 2:5

Ala nen ari logonet, “An nen yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, enggali arigin lek o,” yinuk, yereegerak liiru mbanak wonage me, it aap Ala unde nen Ala awi wurik me Ala ake warogo pogo mengga kwak, kit togop aret Ala unde at ake leenak logonet, Yetut Keritut eereegerak paga Ala inikilom mbake menggerak mendek aakumi inake eeko logobagip nduk, yugum obaga lu'luk eerogo o wuko mengga kwak, Ala nen kit kineebe paga at awi wukkolage agaarik o.