1 Endagembogut 6:1 - Ala Wone Peenok Peebi Mbanak

¹ Aakumi Iterali mendek nogo o Metit mbo punuk wundi wogogwaarak iigak, tahun empat ratus delapan puluh eereegerak me, at Talomo nogo aakumi Iterali inowe endagembogut a'nuk, wone lengganogo yorage kagak, tahun kenagan eeppunuk, ambi eeke tut ambi penembunuk, tut ambi endage Tiwi penengge paga at Talomo nen Aliku ALA awi wurikit nduk, eereegerak.

1 Endagembogut 6:1 ပူးပေါင်းရင်းမြစ်များ

1 Endagembogut 6:2

Ndi, wuke logonet, irip nggorek agi-ogu nogo ti, metet 27 paga wakkagak wuke, ambe aru-ogwe ti, metet 9 paga wakkagak wuke, ndi, oolo kirin nggorek nogo ti, metet 13 eeppunuk, ambi oolo paga wakkagak mippege, eeke nagagerik,

1 Endagembogut 6:37

At Talomo nen Aliku ALA awi wureegerak nogo ti, at endagembogut logonet, aakumi Iterali inarum wonage kagak, tahun kenagan eeppunuk, ambi eeke tut endage Tiwi penembunuk, owak kwippege,

1 Mbinineegwaarak 29:19

ndi, an naput Talomo nogo nen, Eerikit aret, mba'nuk iniki aganggen kerek togon, Yogop ee'nu ndogop ee'nu, wone yugu inom, eeko logorak wone inom, wone lengganak inom, nggirik-nggerok porogo logonet eerit nage, o nggwok abe wuriyak an nen yi mendek ndi mendek kuwak eerogo pigirak nogo paga wuke, eeke logowak nduk, eeppege, eeru o,” yinuk, tamban eereegerak.

1 Mbinineegwaarak 6:10

ndi, Yokanan nen Atariya ndake, eereegwaarak me, at Atariya nogo, at Talomo nen Ala awi Yerutalem wureegim nogome Ala unde logonet, eeke nagagerak.

2 Mbinineegwaarak 3:3

Ala awi wuriyak nduk, keele aa'nduk wakkogo nogogwaarak nogo paga wakkage logonet, ogowa irip nggorek agi-ogu nogo ti, metet 27 kuli wakkagak wuke, ambe aru-ogwe ti, metet 9 paga wakkagak wuke, eereegerak.

Etara 5:11

it nen onggo yo'niragaarak nogo yi aret. Nit yi nogo, at o mbogut-nggween unde menggerak Ala ayeloman mini aret me, o obaane'me wukwi yi, yi tahun ndi tahun eekoorak yi, eeka'lek kagak o maan togon aap nggwok lombok Iterali inowe endagembogut nen Ala awi wuppunuk, li'luk eerogo pereegerak kwe,

Ndawi 78:69

At logowam abu abe tiyarogon wuke, Nggween alom yarogo pereegerak mondok menggi kwak, at awi togop aret nu'lek wurogo pege, Eereegerak.

Wundeegwaarak 12:41

Ndi, tahun empat ratus tiga puluh abu eeppunuk, ko'lu aret tahun ambi eeriyak panggo ari kagak, at Aliku ALA apuri aakumi Iterali mendek inawuri lombok leenak nogo o Metit nen wundi wogogwaarak.

Wundeegwaarak 12:51

Ndi, ne ti eyom paga aret at Aliku ALA nen it Iterali mendek inawuri leenok lombok abok aret o Metit nen wogoren wundi wagagerak.

Yetikiyen 41:1

Ti'nuk, aap nogo nen an wo'neren Ala awi wurik ko nggwok ogoorak endekenggwe nogome pani unggunuk, tu nggambe nigabak yugum paga wurik peenok-peenok nogo wakkage logonet, ambin wiganak ti, metet kenagan paga mban wakkage,

Agayi 1:8

It eeginabit nage ti, iniki liippogo logowak o. Yogondak aret puut paga lagi nanuk, eyo nggubuninuk an nawi obaane'me wuri woraawak o. Ti wukwi iinok, an nale'nggen inombake, an nendage tiya ari kaawak nduk eeppiige, eeke logogin o, yinuk, Aliku ALA nen aret yegerak o.

Takariya 6:15

Yi aakumi ndi aakumi o nda nen wogo logogun nogo nen Naliku an ALA nawi ti, it inom aret wurugun o. Wukwi iinok, it aakumi nen, At Omaawi Lombok Menggerak Aliku ALA nen aret aap Takariya nappi wagaarak kogo o, yinuk, yogo logogun o. Ndi, kogoba Naliku an ALA nen wone yokkege minggirak nogo liirogon konembunuk eeke keenok, wone ti ariyak nogo a'me aret age kaamunggun o,” yinuk, yo'nereegerak o.

Linggineegwaarak 1:1

It aakumi Iterali mendek o Metit nen wundi wogo nogogwaarik, karume puut Tinayi paga wonogwe iigak, tahun mbere eeppunuk, tut ambi penembunuk, ambi penengge tanggal 1 paga at Muta nogo Ala inom lambungge menggim awooliya wurik me wonage me, at Aliku ALA nen at yoge logonet,

Nappiigak 13:19

Ti'nuk, it aakumi o Kanan mendek inanebunu 7 nogo lek eerogo piinok, inobaane'me at apuri ninombomini nogo unde logowak nduk yate kwak inanggween punogo piyareegerak.

Nappiigak 7:47

at wurulik, Talomo nen aret Ala awi wureegerak.

1 Korindut 6:19

Kit kineebe ti, Aberiniki awi wurik wonage nogo kineenggo'lek a? At Ala nen onggo nggwok paga kinonggo mbangge nagagerik, Aberiniki wokkiragagerak kinikime wonage me, kit kineebe ti, kit unde lek o. At Ala aret unde me, at endage tiyak yuwak nduk, kineebe paga obeelom mban eeko logonip o.

Kolote 2:7

Eyo omanggen nggween me yarak nu'lek logonet, mondok mili kwit agan lagangge menggi kwak, kit togop aret Keritut paga kinomanggen yarak logonet, kiniki kole ogwe, ndi, abet mbareegutak nogo nu'lek porogo logobagip nduk mamunggirogogwaarak nogo, ndak-ndak porogo wonogwe, eekkologo logonet, kiniki mondok aganggen kekererak lagi wage logonet, Ala, “Wa!” yogo logonip o.

Iberani 9:11

Keritut perak, Ala unde ninowe nggwok logonet, Ala nen mondok alik negen obeelom eerogo pinaniyak kooneegerak nogo, eeppinanikit nduk wage nagagerik, Ala nen yi mendek ndi mendek ogobakkigirogo pereegerak nggween paga wonage nogo mendek aakumi nen kuwak eeppunuk wureegwam nogome eekeelik o. Ata, at o alik nggwok mondok abe lombok wurik nogome unggwi nage nagagerik, ninake eeke agaarik o.

1 Peterut 2:5

Ala nen ari logonet, “An nen yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, enggali arigin lek o,” yinuk, yereegerak liiru mbanak wonage me, it aap Ala unde nen Ala awi wurik me Ala ake warogo pogo mengga kwak, kit togop aret Ala unde at ake leenak logonet, Yetut Keritut eereegerak paga Ala inikilom mbake menggerak mendek aakumi inake eeko logobagip nduk, yugum obaga lu'luk eerogo o wuko mengga kwak, Ala nen kit kineebe paga at awi wukkolage agaarik o.

Owak Loongga 11:26

Aakumi inawi kota Ketibon inom, Arowet inom, it kota imbirak ti, enaagan-ambokan inawi mbuulogwe-mbaalogwe inom, kota-kota niyo Aronon ambet paga wonogwe inom, it Iterali wonogwe iigak, tahun tiga ratus aret eereegerak o. Eeke kagak, ti eyom paga kat koloolik nonggop nduk teppereegindak?