1 Endagembogut 5:8 - Ala Wone Peenok Peebi Mbanak

⁸ Ari nagagerik, at Kiram nen Talomo wonage me wone eerogo nappiya wage logonet, “Eyo nggabina inom, kilu-kilu inom, nake pipuk eeru o, yinuk, eerogo nappiya wagandak nogo, an muk konenggirak me, kat mbakendak ti, ndak-ndak aret pipuk eeke logogin o.

1 Endagembogut 5:8 ပူးပေါင်းရင်းမြစ်များ

2 Tamuwen 6:5

at Ndawut aakumi Iterali mendek abok aret inom inale'nggen alik negen inikime nggelok ari logonet, at Aliku ALA enggaanom paga nggitat mbuuluk mendek inom, nggitat nggwok mendek inom, togolowak oone lobale inom, nggawiwak mbanak inom, togolowak tabak pu ndale eeka inom, oone eekak ti mendek abok aret oone eerit kwirabik-kwirabok agan ndawi warit wogogwaarak.

1 Endagembogut 5:7

At Talomo nen wone eerogo nappiyareegerak nogo, at Kiram yori nogogwaarak konengge nagagerik, iniki ale'nggen abu alik negen age logonet, “At Aliku ALA nen aakumi ambik aret wonogwe ti, inowe endagembogut logonet, wone lengganogo yorage logowak nduk, Ndawut aput iniki warak lombok eeppegerak me, an yogondak Aliku ALA endage alut eeke agarik o.”

1 Endagembogut 5:9

Pipuk eerogo punuk, nawuri puurom Libanon nen wonok niyo nggwok yenggenak laut paga pi wambi wogwe iinok, keele maarogo niyo ogombaga lumbunuk, wonok pi woroorak yo'negenom time aret keele piinogo endekem wumbi wage neenok, kat nen wonok namunggun o. Ndi, it an name ninom minggirak inake, Inambi ndogop wo'niriyak o, ari neenok, nogo aret pipuk eerogo panege logomunggun o,” yinuk, eerogo nappiya wagagerak.

1 Endagembogut 6:15

O wurik inikime ti, eyo nggabina poorak paga nggween paga nen nabenit agi pelan warak kuli pege, ndi, eyo kilu-kilu kole poorak nogo paga, nggween paga ndoongge, eereegerak.

1 Endagembogut 6:34

Mbangge nagagerik, eyo kilu-kilu paga tungga mbere ogobakkigirogo punuk, nakwi-paakwi eeko logowak nduk, tungga mbere nogo irip agi-ogu pulu kunogo pereegerak.

2 Mbinineegwaarak 2:16

puut Libanon paga eyo kat uugwe mbakendak nogo ndak-ndak abok aret mbanogo pogo logomonggoorik, mbanak nogo keele maarogo niyo kole yenggenak laut paga punuk, wonok, o Yapo kiri wogwe niinok, kat nen wonok o Yerutalem pi namunggun o,” yinuk, eerogo nappi wagagerak.

2 Mbinineegwaarak 3:5

O Ala awi nogo wuke logonet, ko nggwok ogoorak kobat ti, eyo nggabina poorak paga nabenogo pit nage, kobat obaga mbuti emas at mendek paga abu abe nabenogo pit nage, eeppunuk, eyo nggabu ogut eerogo pit nage, yi mendek ndi mendek anggen mendaarak negen eerogo pit nage,