1 Endagembogut 5:7 - Ala Wone Peenok Peebi Mbanak

⁷ At Talomo nen wone eerogo nappiyareegerak nogo, at Kiram yori nogogwaarak konengge nagagerik, iniki ale'nggen abu alik negen age logonet, “At Aliku ALA nen aakumi ambik aret wonogwe ti, inowe endagembogut logonet, wone lengganogo yorage logowak nduk, Ndawut aput iniki warak lombok eeppegerak me, an yogondak Aliku ALA endage alut eeke agarik o.”

1 Endagembogut 5:7 ပူးပေါင်းရင်းမြစ်များ

Wakkagagerak 33:5

Ti'nuk, at Etawu nogo enegen tiya ari logonet, it kumi inom, wologwe inom, wonogwe iige nagagerik, “Aakumi kinom wonogwe yi, taani o?” Yoge mbareegi, at Yakup nen ari logonet, “Lek o. Wologwe yi ti, Ala nabuwa nen wo'negerak kayeloman an napuri aret o.”

1 Endagembogut 1:48

At Aliku Iterali inogoba Ala nen o ne yogondak yi paga, Endagembogut logonet, wone lengganogo yorage menggim obaane'me mippege neyaawako, yinuk, nombakerak nogo, o yogondak yi paga nobaane'me mippegerak kagarak me, endage tiyappege agarik o, yinuk, yoge kagarak o,” yoreegerak.

1 Endagembogut 10:9

At Aliku kogoba Ala nen inikilom kombake logonet, aakumi Iterali inowe kendagembogut logonet wone lengganogo yorage logonok nduk, mippagareegerak me, endage tiyappogo logowok o. At Aliku ALA nen it Iterali mondok-mondok iniki kunik eeginake menggerak me, it abe mban koonggwi, li'lak mban eekwi, eekwi iigak, inarum logonok nduk, kendagembogut mippagareegerak o,” yinuk, yoreegerak.

1 Endagembogut 3:9

it kapuri aakumi Iterali ineebe woneemaluk wonogwe yi, ta nen inawone op mbangge logorak mbaken? An meek aret me, inawone mbangge logonet, Yi maluk, yi obeelom, liippunuk, inawone mbangge logokit nduk, an kayeloman niniki warak lombok eerogo panu o,” yoreegerak.

1 Endagembogut 4:7

It aakumi Iterali wonogo menggam unde menggaarak abok aret nen, aap endagembogut ake inom, at ame yabu eeko menggaarak inake inom, tahun ambi tut ambit penengge paga at ambi nen mbi kuwak eerogo pi wagak, at ambi nen mbi kuwak eerogo pi wagak, eeko logowak nduk, at Talomo nen aap o unde ineebe 12 leenogo mippiyareegerak.

1 Endagembogut 5:6

Togop aret me, it aap o Tiron mendek eyo muukwi ineenu mengga kwak, aap nit ninenggela'me yime togop ambi muukwi ineenggo'lek nogo ti, kat keenu aret me, an nake eyo nggabina puut Libanon wonage nogo, kat kawuri nen muuppunuk, mbanogo panugo logowak nduk, yoret o. Mbanogo panugwi iinok, an nawuri nen kat kawuri yeenggwaarogo logogun me, kawuri yabu eeremenggaarak onggo, Yogop kuli wogoroorak o, yo'nege keenok, aret wokkirigin o,” yinuk, wone eerogo nappiyareegerak.

1 Endagembogut 5:8

Ari nagagerik, at Kiram nen Talomo wonage me wone eerogo nappiya wage logonet, “Eyo nggabina inom, kilu-kilu inom, nake pipuk eeru o, yinuk, eerogo nappiya wagandak nogo, an muk konenggirak me, kat mbakendak ti, ndak-ndak aret pipuk eeke logogin o.

Ndawi 137:6

Ndi, kat nami eerogo pagage, kat Yerutalem paga Niniki ale'nggen lombok kombake nogo lek age, Eeke neenok, ndawi ambinom waka'lek namili nalelaan paga nabenak mban wonage, Eeriyak op aret o.

Kini Wuppiige 10:1

Aap Talomo nen wone alom eenu paga kini wuppiige nagagerak wone nogo yi o. Wulaga iniki warak wonage paga ogoba iniki ale'nggen eeppege menggerak kwe, Iniki lek wi negen eerit nage paga agalo iniki puru eerogo pege menggerak o.

Kini Wuppiige 13:1

Wulaga ambi iniki warak kenok, ogoba nen aruk wake liippege menggerak kwe, Wulaga ambi meek eerogo piiga ti perak, aruk wakwi nogo aruk konenggeelik o.

Kini Wuppiige 15:20

Apuluk iniki warak wonage paga ogoba iniki ale'nggen eeppege menggerak kwe, Wulaga iniki yuundurak wonage paga agalo meek eerogo pege menggerak.

Kini Wuppiige 23:24

Aap ambi iniki abe koonak wonage kenok, ogoba ale'nggen ambik aret mbake, Ndi, aap ambi apuluk iniki warak nen eerit nage paga at inikilom aret mbake, Eeko menggaarak.

Yetaya 8:18

An Aliku ALA nen wo'nereegerak napuri ninom yime aret ogoorik o. It Iterali ineenu ogwe, in wakkagak wonogwe, eeko logowok nduk, At Omaawi Lombok Menggerak Aliku ALA o puut Tiyon menggerak nogo nen nappinani wagaarak wonogo ogoorik o.

Yetaya 9:6

Elege ambi nit ninake muk nda'nage, Wulaga ambi muk aret wo'nirage, Eereegerak me, At wone lengganogo yo'nirage logorak ti, at obaalombok aret logogin o. At endage ti, Wone Kooninaka Mondok Iya, Omaawi Lombok Menggerak Ala, Ninogoba Kanggeelik Mondok Eenik Menggerak, Aakumi Lambuninaka Endagembogut o, yinuk, yogo logogun.