1 Endagembogut 5:6 - Ala Wone Peenok Peebi Mbanak

⁶ Togop aret me, it aap o Tiron mendek eyo muukwi ineenu mengga kwak, aap nit ninenggela'me yime togop ambi muukwi ineenggo'lek nogo ti, kat keenu aret me, an nake eyo nggabina puut Libanon wonage nogo, kat kawuri nen muuppunuk, mbanogo panugo logowak nduk, yoret o. Mbanogo panugwi iinok, an nawuri nen kat kawuri yeenggwaarogo logogun me, kawuri yabu eeremenggaarak onggo, Yogop kuli wogoroorak o, yo'nege keenok, aret wokkirigin o,” yinuk, wone eerogo nappiyareegerak.

1 Endagembogut 5:6 ပူးပေါင်းရင်းမြစ်များ

Wakkagagerak 10:15

Ndi, aap Kanan nogo nen apuluk manggu Tiron aret ndake, ti'nuk, Ket ndake, eereegerak.

1 Endagembogut 10:26

Ti eekwi iigak, at Talomo nen nggweendo wim eeka ineebe seribu empat ratus inom, kuda wim eeka dua belas ribu inom, kuwak eeppiige nagagerik, o kota-kota nggweendo wim eeka logorak wureegim nogome piige, at wonage me o Yerutalem piige, eereegerak.

1 Endagembogut 5:7

At Talomo nen wone eerogo nappiyareegerak nogo, at Kiram yori nogogwaarak konengge nagagerik, iniki ale'nggen abu alik negen age logonet, “At Aliku ALA nen aakumi ambik aret wonogwe ti, inowe endagembogut logonet, wone lengganogo yorage logowak nduk, Ndawut aput iniki warak lombok eeppegerak me, an yogondak Aliku ALA endage alut eeke agarik o.”

1 Endagembogut 6:16

Eeke nagagerik, o wurik irip me akem time Ala inom lambunggak o mage lombok logowak nduk, metet 9 paga wakkagak ogoorogo punuk, nggween paga nen nok, pelan warak kuli eyo nggabina poorak paga nabenogo pit laganeegerak.

1 Endagembogut 6:20

agi-ogu inom, aru-ogwe inom, agi nippereegerak inom, abok ndak-ndak metet 9 mban wakkanet nagagerak. Wakkanet nage nagagerik, kobat akem nogo ti, mbuti emas at mendek paga mban tabak-tabak eerak paga nabenogo pege, obari abe kani kunggak eyo nggabina paga ogobakkigirik nogo paga nabenogo pege,

1 Endagembogut 9:19

yi mendek ndi mendek pegak kota-kota inom, nggweendo wim eeka logorak kota-kota inom, nikkenok nega kuda logorak inawi kota-kota inom, o Yerutalem ilik, puut Libanon paga a, at endagembogut logonet, unde menggim nogome abok aret at wuriyak mbaketak nogo aret wurogo pit nage nagagerak.

1 Endagembogut 9:27

Ndi, at Kiram apuri nogo ti, laut paga yiiro wonok nugwi ineenu me, at Talomo apuri yi yiiro ndi yiiro wonok nogwe iinok, inom wonok nawok nduk, at Kiram nen apuri nappiya wage mbareegi, wogo nogogwaarik,

1 Mbinineegwaarak 22:4

ndi, it aap Tiron mendek inom, Tirut mendek inom, nen eyo nggabina mbanak ambik aret at Ndawut ake wonok iri wogogwaarak me, eyo nggabina mbanak ineenggi lingginiyak meek aret wogorage, eereegerak.

2 Mbinineegwaarak 1:14

At Talomo nen nggweendo wim eeka ineebe seribu empat ratus inom, kuda wim eeka ti, dua belas ribu inom, kuwak eeppiige nagagerik, o kota-kota nggweendo wim eeka logorak wureegim nogome piige, at wonageme o Yerutalem piige, eereegerak.

2 Mbinineegwaarak 2:10

It kayeloman mini nen eyo muurogo mbanogo nigakwi iigak, inambi nunggo logorak inake gandum ti, karun empat puluh ribu kuli yonggolak inom, waabuk negen jelai ti togon karun empat puluh ribu kuli yonggolak inom, anggur amburu ti, dua ribu nderom toolak inom, ndi, tayitun amburu ti, dua ribu nderom toolak inom, nappi woraagin o,” yinuk, wone eerogo nappiyareegerak.

2 Mbinineegwaarak 2:8

Ndi, nogoba kat wonage me time it aap kayeloman mini aap eyo muurogo mbangga ineenu wonogwe an neenu aret me, kat nen eyo puut Libanon mendek kilu-kilu inom, nggabina inom, ndiindi inom, mbanogo an wonage me yime nappi woraawak nduk, yorage keenok, an nayeloman mini nen kat kayeloman mini yeenggwa iraawak nduk, nappiya woraagin o.

Etara 3:7

Ti eeko nogogwaarik, at aap Peritiya mendek inowe endagembogut Koret nen eeriyak yoragagerak nogo ndak-ndak, it aap o yugum paga wuka inom, eyo paga wuka inom, wu wogorogwe, ndi, it aakumi o Tiron mendek inom, Tirut mendek inom, eyo nggabina o Libanon nen wonok niyo laut paga o Yapo pi woraawak nduk, mbi eege, niyo eege, wam amburu toolak eege, wogorogwe, eereegwaarak.

Ndawi 29:5

Aliku ALA oone paga eyo nggabina yigirogo wurake, Eyo nggabina Libanon mendek kalenogo nappit nage, Eeke menggerak o.

Takariya 11:12

Ineenu ogo mbareegwa, an nen it yorage logonet, “An nen kinake yabu eeke nagagirak onggo wo'niriyak op aret mbakwi kiinok, wo'nugwi, ndi, wo'niriyak lek mbakwi kenok, mbo pugwi, ee'nip o.” Yorage mbareegi, it onggo wu mbuti perak we 30 iluk wo'nereegwaarak.

Oroma 12:17

Maluk onggo-onggo eeko logogup o. Ata, aakumi nen obeelom eeriyak mbakwi nogo mban eeko logonip o.

Epetut 4:7

Ala wone liiru mbanak paga nen ari logonet, “At agi tiyarogon lagi nage logonet, It aakumi keele maarogo piirogo wonogwe nogo, apit aret ndineren lagi nage nagagerik, At amendek onggo lek we aret tumburiragagerak o,” yinuk, yereegerak nogo ndak-ndak, nit togon, at eyabu eeko logowok nduk, Keritut nen, “At ti mendek eeke logowak,” kooneegerak nogo, iniki kunik nen ninalitik-ninalitak togop aret unde eeppinaneegerak.

Pelaareegerak 17:16

Aap ti, mippugwi kiinok, at nen kuda ambik unde wakkolage, ndi, Aliku ALA nen, Ne ambi paga kit o Metit yime kiniyokan woroorak mage o, yinuk, yokkiragagerak kagak, at nen kit yokkirage logonet, O Metit paga kuda kuni nanip o, yinuk, yokkirage, eeke logorak mage o.

Pilipi 4:8

Noreewi o. Wone irip paga ambiriluk yi, yokkira o. Wone abet mban agan nugwi, iya eeriyak kenok mban eerit nugwi, a'me nggelok mban eeppiinet nugwi, kumi inabok yaga'lek wonogwe, kinoone abe kigirikwe mban agan nugwi, “Wone abe yigi,” yuwak nduk agan nugwi, eekwi ti mendek abok aret eekwi kiinok, aakumi nen, “Yi abu obeelom aret eekwi iigo o,” yinuk, tiyappogo logorak aret me, ti mendek mban eeko logobagip nduk, kiniki koonggo logonip o.