1 Endagembogut 5:14 - Ala Wone Peenok Peebi Mbanak

¹⁴ Leenogo piyareegerak nogo yabu eekwi iigak, tut ambit penengge, ndi, iname wa'nuk wonogwe iigak, tut mbere penengge, eeko logowak nduk, ineebe sepuluh ribu mban nappiigak eeke nagagerak. Ti eekwi iigak, oone omaawi paga lengganogo yorage logorak inowe Aroniram aret mippereegerak.

1 Endagembogut 5:14 ပူးပေါင်းရင်းမြစ်များ

1 Endagembogut 10:1

At Talomo nen Aliku ALA endage tiyappege logonet, eerit nage paga endage wiganinuk nage nogo, kwe nggwok o Tiyeba mendek aruk konengge nagagerik, “At Talomo eeke yogwe ti, nonggop ari kaamun? Abut mbani na,” mbake nagagerik,

1 Endagembogut 12:18

Ti'nuk, aap endagembogut Erekabeyam nogo nen aap Aroram oone omaawi paga yabu lengganinake logorak mippereegerak nogo, it Iterali iniki yanggoninabuwak nduk, nappege mbareegi, it aakumi Iterali nen yugum paga wareegwaarak aret kambeegerak. Warogo punuk, aap endagembogut Erekabeyam wariyak nduk eeko mbareegwa, mbaganit woroorak meek aret kwe, kagak, mbet-mbet aret anggweendo paga lagangge nagagerik, mbaganit o Yerutalem wagagerak.

2 Mbinineegwaarak 10:18

Ti'nuk, aap endagembogut Erekabeyam nogo nen aap Karoram oone omaawi paga yabu lengganinake logorak mippereegerak nogo, aakumi Iterali iniki yanggoninabuwak nduk, nappege mbareegi, it aakumi Iterali nen yugum paga wareegwaarak aret kambeegerak. Warogo punuk, aap endagembogut Erekabeyam wariyak nduk eeko mbareegwa, mbaganit woroorak meek aret kwe, kagak, mbet-mbet aret anggweendo paga lagangge nagagerik, mbaganit o Yerutalem wagagerak.