1 Endagembogut 5:12 - Ala Wone Peenok Peebi Mbanak

¹² Ndi, at Aliku ALA nen, “Kiniki warak eeppagagin o,” yinuk, Talomo yoreegerak nogo ndak-ndak aret eeppereegerak me, at Kiram Talomo imbirak iniki ambit eeppunuk, “Nit yogop aret eeko logowok o,” yinuk, wone koonogo pereegwaarak.

1 Endagembogut 5:12 ပူးပေါင်းရင်းမြစ်များ

Wakkagagerak 21:32

It imbirak o Mberetiyeba nogome wone abu aret abuk nggaruk togon mbambogo nogogwaarik, at Abimelek at awuri yigin unde inowe aap Pikon nogo imbirak aap Pilitin iname time iniyokan nogogwaarak.

1 Endagembogut 15:19

“An nogoba inom, kat kogoba inom, imbirak nen yogo logonet, Nimbirak ogoorak logorak lek o, yinuk, wone koonogo pereegwaarak nogo ndak-ndak, kat nimbirak wone togop aret koonogo punuk, it Iterali inowe endagembogut Mbayeta kimbirak wone koonogo pogotak nogo, woronogo punuk, an wonage me nen wundi noorak onggo mbuti emas inom, perak inom, kake nappi wagarak ti kolet o,” yinuk, eerogo nappiyareegerak.

1 Endagembogut 3:12

kat mi'naga'lek keegak wonogogwaarak inom, mi'nagandak keegak logorak inom, ti kat ndak-ndak ambi lek aret o. Kat nggino yo'negendak ndak-ndak kiniki warak inom, yi wone ndi wone liippunuk yelok kage logorak inom, eeppagagin o.

1 Endagembogut 4:29

At Talomo nogo iniki warak inom, yi wone ndi wone mbet-mbet yelok koorak inom, ndi, mbini niyo aa'nggi paga neyanak menggi kwak, yi wone ndi wone alom abok eenu ariyak inom, Ala nen eeppereegerak me,

1 Endagembogut 5:13

Ndi, aap endagembogut Talomo nen oone omaawi paga lengganogo yorage kagak, eeko logowak nduk, aakumi Iterali inanebunu abok aret inenggela'me nen ineebe tiga puluh ribu aret leenogo piyareegerak.

2 Mbinineegwaarak 1:12

kat nggino yo'negendak ndak-ndak kiniki warak lombok eeppagage, wone yelok kenok koongge logorak mendek eeppagage, eerigin o. Ti eeppagage logonet, obaga lunogo eeppagarak nogo ti, keenggi warak eeppagage, yi mendek ndi mendek wokkege, kendage tiyappagage, eerigin ti aret o. Ti eerogo pagagin nogo ti, kat mi'naga'lek keegak inendagembogut mi'nogogwaarak inom, mi'ndak keegak logorak inom, ti, kat ndak-ndak ambi lek aret o,” yinuk, yoreegerak.

Ndawi 127:1

Aliku ALA nen o wuriyak mbaka'lek kagak, It aap o wuka nen o wukwi nogo Aanom warogo wuko menggaarak o. Aliku ALA nen o kota arum wonageelik kenok, It aap o arum waka nogo, We aanom warogo aret tum menggaarak o.

Kini Wuppiige 1:1

Aap Ndawut aput Iterali inowe endagembogut Talomo nen wone alom eenu paga kini wuppiige nagagerak yi aret o.

Wone Alom Kibingga 12:9

At wone alom kibingga nogo ti, iniki warak aret wonagagerak. Ndi, iniki warak logonet, it aakumi at apuri nogo wone ineenu aruwak nduk mamunirage, aakumi yogo nogogwaarak wone abok aret liippege, kuwak eerogo liiru mbangge, peebi-aa'nduk yogo logorak nogo koonogo pege, eereegerak.

Ndawi Iya 1:1

Ndawi abok tebenak kagak, aap Talomo nen ndawi ambi abu tiyanak lombok pereegerak yi aret.

Amot 1:9

At Aliku ALA nen ari logonet, “It aakumi o Tirut menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo teppiyaagin lek eeppiyaagin aret o. Ninom kunik logorak wone yugu nogo kobak eerogo punuk, It aakumi ambi mendek abok aret wogoren aap Erom mendek inayeloman mini logowak nduk ineenggime piya nogogwaarak me,

Yakobut 1:5

Kit nen eeriyak ambi kineenggo'lek kenok, “Ala yo'nip o.” Yogwi kiinok, at eebi mbakeelik yanggonak paga yi aakumi ndi aakumi abok aret kalo logonogo wogorage menggerak nogo nen ambi eerumunggup nduk, kineenu eeppinagage logogin o.