1 Endagembogut 4:26 - Ala Wone Peenok Peebi Mbanak

²⁶ At Talomo aguda nggweendo nikkenok nega inanggenogo empat ribu wurik wonage, ndi, awuri ineegin warak kuda paga nega ineebe dua belas ribu aret wonogwe, eeko nogogwaarak.

1 Endagembogut 4:26 ပူးပေါင်းရင်းမြစ်များ

2 Tamuwen 8:4

Tebenogo piinok, at Ndawut nen anggweendo wim eeka kuda nen nikkenok nega nogo seribu piginake, awuri ineegin warak kuda paga yarugu nogo menggaarak ineebe tujuh ribu piginake, ndi, it aap wim eeka iniyok paga nugu menggaarak ineebe dua puluh ribu piginake, eeke nagagerik, kuda piginabeegerak nogo, abok aret iniyok andelen inomanggen mbanogo piige logonet, eegu we 100 mban nggweendo wim eeka nigiren nugu logowak nduk, teppiyareegwaarak.

1 Endagembogut 4:27

It aap inoweewi wone lengganogo yorogo menggam lombok nen aap endagembogut Talomo ake inom, at awuri inom mbi nonggo menggaarak inake inom, “Tut ambit, ndi penenak paga wonok ira wogo logorak,” yugu nogo, yi mendek ndi mendek ambi yobonogo wuppogo logolik abok aret li'luk ee'nuk ira wogo nogogwaarak.

1 Endagembogut 9:19

yi mendek ndi mendek pegak kota-kota inom, nggweendo wim eeka logorak kota-kota inom, nikkenok nega kuda logorak inawi kota-kota inom, o Yerutalem ilik, puut Libanon paga a, at endagembogut logonet, unde menggim nogome abok aret at wuriyak mbaketak nogo aret wurogo pit nage nagagerak.

2 Mbinineegwaarak 1:14

At Talomo nen nggweendo wim eeka ineebe seribu empat ratus inom, kuda wim eeka ti, dua belas ribu inom, kuwak eeppiige nagagerik, o kota-kota nggweendo wim eeka logorak wureegim nogome piige, at wonageme o Yerutalem piige, eereegerak.

2 Mbinineegwaarak 9:25

At Talomo nen kuda logorak inanggenogo inom, nggweendo wim eeka logorak awi inom, ti, empat ribu aret wonagagerak. Ndi, kuda ineebe ti, dua belas ribu aret me, o kota-kota nggweendo wim eeka logorak wureegim nogome piige, at wonage me o Yerutalem piige, eereegerak.

Ndawi 20:7

It ando inanggweendo paga iniki panggombugwi, It ando inaguda paga iniki panggombugwi, Eeko menggaarak kwe, Nit perak, niniki Aliku ninogoba Ala oba panggonak ogoorik o.

Pelaareegerak 17:16

Aap ti, mippugwi kiinok, at nen kuda ambik unde wakkolage, ndi, Aliku ALA nen, Ne ambi paga kit o Metit yime kiniyokan woroorak mage o, yinuk, yokkiragagerak kagak, at nen kit yokkirage logonet, O Metit paga kuda kuni nanip o, yinuk, yokkirage, eeke logorak mage o.