1 Endagembogut 4:25 - Ala Wone Peenok Peebi Mbanak

²⁵ Abolok lek obeelom aret wonagagerak me, at Talomo kangga'lek eenik wonage kagak, it aakumi Yekura mendek inom, it Iterali mendek inom, o Ndan nen nok, o Mberetiyeba kuli, eyo anggur inom, eyo wuli inom, inalitik-inalitak unde wonogo logonet, iniki tayenak inale'nggen paga aret wonogogwaarak.

1 Endagembogut 4:25 ပူးပေါင်းရင်းမြစ်များ

2 Tamuwen 17:11

Togop aret me, kat eeriyak yokkiri o. It aakumi Iterali o Ndan kuli nen nok, o Mberetiyeba kuli, mbini niyo aa'nggi paga menggi kwak menggaarak abok aret kuwak eeppiige logomenggendik, kat nen aret wogoren Ndawut kinom wim namburi nanu o.

2 Tamuwen 24:15

Yoge mbareegi, kugi andi kuubondendok nen nok, “Ndi kuli ari nawak,” kooneegerak nogo aret aakumi Iterali inoba nappi wage mbareegi, aakumi o Ndan nen o Mberetiyeba kuli ineebe tujuh puluh ribu aret kambeegwaarak.

2 Endagembogut 18:31

At aap Atiyut endagembogut nen ari logonet, It o kota nen neya wundi wogo logomenggaarik, ninom lambunuwok o. Ninom lambumbunuk, inalitak lombok ineyabume anggur yarak anggen mbanogo nunggwi, inageyo wuliinggen mbanogo nunggwi, inanggween kabunik me, inaniyo toologo nunggwi,

1 Mbinineegwaarak 22:9

Peebi kat kaput aap ndaremenggendak nogo ti, aakumi iniki ugun nu'lek logowak nduk eerogo piiga aret logogin o. At inom wim mbanak enaagan-ambokan wonogwe nogo, at ineebi mbarugun lek inom lambunik logowak nduk, eerogo piyaagin o. At endage ti, Talomo aret. Ndi, at inowe endagembogut logonet, wone lengganogo yorage kagak aakumi Iterali mendek abok aret wone ambi inoba aga'lek iniki ugun tayenak aret logogun o.

Yetaya 36:16

At aap Atiyut endagembogut nen ari logonet, It o kota nen neya wundi wogo logomenggaarik, ninom lambunuwok o. Ninom lambumbunuk, inalitak lombok ineyabume anggur yarak anggen mbanogo nunggwi, inageyo wuliinggen mbanogo nunggwi, inanggween kabunik me, inaniyo toologo nunggwi,

Yetaya 60:18

Aap iniki worokot nen aakumi maluk eeppiinet nugu agaarik o, yinuk, at wonage me time nen yogwe, O maluk eerogo pugwi, o yigirik-noonom eerogo pugwi, eekaarak o, yinuk, anggween paga time nen yogwe, Eekwi nogo ambinom konenggo logogun lek o. At nen, Nayugum pak wurik ti, Nagap Ndaka o, ari, Ndi, Narunggambe ti, Nalut Eeka o, ari, Eeke logogin o.

Yetikiyen 38:11

At nen koongge logonet, An mi'nage logominggirik, o kota-kota yugum pak wurik lek me oonda mbani unggwage, it aakumi inawi kota-kota pak wurik lek wonage, tungga ogobakkigirik lek ambe pan aago wonage, eerak kagak, aakumi iniki ugun tayenak inale'nggen mban wonogwe me, time inoba kwi'nari unggwage, eeke logominggirik,

Yetikiyen 39:26

Eeke neegak, it Iterali ti, it inanggween paga aakumi ambi nen mbaaniiga'lek iniki ugun tayenak obeelom aret wonogo logonet kwe, an yorage nogo liippunuk, eeka'lek mbo paninuk, maluk eerit nogo nogogwaarak paga inenggali arit nugwi nogo, inami eerogo pugun o.

Mika 4:4

Inalitik-inalitak inageyo anggur alome kwi'ndak wonogwe, Inageyo wuli alome iniki ugun tayenak wonogwe, Eekwi iigak, “Aap ambi nen inogut nggigik yuwak nduk, eeppiyaagin lek aret o,” yinuk, At Omaawi Lombok Menggerak Aliku ALA nen aret yegerak me, yagi o.

Takariya 3:10

Ne ti eyom paga inalitik-inalitak inoreewi inayonggo piigwi iinok, wogo logomenggaarik, inageyo anggur inom, inageyo wuli inom, alome time kwi'ndak iniki ugun aret logogun o, yinuk, Nomaawi Lombok Minggirak Naliku an ALA nen aret yagi o,” yinuk, yegerak me, yokkigi o, yinuk, at Yotuwa yoge kagarak.

Owak Loongga 20:1

Wone mbanggo nogogwaarik, aakumi Iterali nogo apit aret inanebunu Ndan wonogwe me kuli nen nugwa, o Mberetiyeba inom, o Nggileyat mendek inom, aap wim nambuka inawooluwak li'luk aago ineebe empat ratus ribu ambugwi aret at Aliku ALA enggaanom paga o Mitapa aret kuwak eeri wogo logonet, Ala apuri kuwak eerak inanebunu lombok inoweewi inom aret kuwak eereegwaarak.

1 Tamuwen 3:20

It aakumi Iterali o Ndan nen nok-nok, Mberetiyeba kuli wonogogwaarak nogo abok aret, “Aap Tamuwen nogo Aliku ALA nen yoge kagak yoraga logowak nduk, abet aret mippegerak kogo o,” yinuk, mbako nogogwaarak.