1 Endagembogut 4:24 - Ala Wone Peenok Peebi Mbanak

²⁴ At Talomo nogo niyo Eparat oonegen kilu yi nage menggim pa'nggwe yibagan o Tipata panggombunuk nok, Nggata kuli, yi aap ndi aap inabu'me piinok wonogo menggam abok aret inowe endagembogut logonet, wone lengganogo yorage kagak, o time abok aret abolok lek obeelom aret wonagagerak.

1 Endagembogut 4:24 ပူးပေါင်းရင်းမြစ်များ

Wakkagagerak 10:19

inanggween nogo ti, o Tiron nen o Nggerat pa'nggwe Nggata kuli inom, ndi, o Torom, Nggomora, Arama, Teboyim pa'nggwe o Lata kuli inom, aret unde eekkologogwaarak.

1 Endagembogut 4:21

Ndi, at Talomo nogo, niyo Eparat wappunuk nok, aap Pilitin wonogo menggam nen, o Metit kuli, yi aap ndi aap inabu'me piinok wonogo menggam abok aret inowe endagembogut logonet wone lengganogo yorage nagagerak. At Talomo kangga'lek eenik wonage kagak, it aakumi o time wonogwe apit aret nen at Talomo abu'me logonet, at oone mban konenggwi, inarum wonage onggo wogori wogwe, eeko nogogwaarak.

1 Endagembogut 4:23

tapi inanggenogona menggaarak inamok warak 10 inom, tapi inigen wogoren nugu menggaarak 20 inom, kambin-ndomba 100 inom, rusa inom, rusa owak nggorek nogo mendek inom, owak kuwagaluk inom, uuni enggaanok nggorek amok warak inom, ti mendek abok aret ne ambi paga mban nengge nagagerak.

1 Endagembogut 5:4

Togop aret kwe, o yogondak at Aliku nogoba Ala nen an wonage minggim nenaagan-nambokan o abolok lek ugun logowak nduk, eerogo paneegerak me, an ninom wim eekwi, aaninggin ambi noba age, eekwi lek aret o.

1 Mbinineegwaarak 22:9

Peebi kat kaput aap ndaremenggendak nogo ti, aakumi iniki ugun nu'lek logowak nduk eerogo piiga aret logogin o. At inom wim mbanak enaagan-ambokan wonogwe nogo, at ineebi mbarugun lek inom lambunik logowak nduk, eerogo piyaagin o. At endage ti, Talomo aret. Ndi, at inowe endagembogut logonet, wone lengganogo yorage kagak aakumi Iterali mendek abok aret wone ambi inoba aga'lek iniki ugun tayenak aret logogun o.

2 Mbinineegwaarak 9:26

At nen aap inendagembogut wonogo menggam niyo Eparat panggombunuk, nok, aakumi Pilitin wonogo menggam kagak, nugwa, o Metit kuli aret unde wonagagerak.

Ndawi 72:11

Aap inendagembogut abok aret woraanuk, At abu'me tebe yinuk, ayuk wukwi, Yi aakumi ndi aakumi abok aret at ayeloman ogwe, Eeko logogun o.

Ndawi 72:3

Ti eeke kenok, puut-puut tiyanak paga Yi mendek ndi mendek wonage mban me, Kologo logonet, iniki ugun tayenak wonogwe, It puut-puut teberogon paga wonogwe nogo nen Abe koonak mban eerit nogwe, Eeko logogun o.

Yetaya 9:7

At wone lengganogo yorage logowam nggwok wiganinuk nage, Aakumi inom lambunik iniki ugun tayenak wonogwe nogo lek aga'lek kundugu wonage, Eeke logogin o. At Ndawut paga wiganak aret me, At wone lengganogo yorage menggim mi'na'nuk, At abu'me piige menggim wone lengganogo yorage logogin o. At obeelom mban eeppiinet nage, a'me nggelok mban inawone mbangge, Eeke logomenggerak paga At abu'me piige menggim akom kwippiige, Omaawi nu'lek eerogo pege, Eerogo pege kenok, Mondok-mondok aret logogin o. At Omaawi Lombok Menggerak Aliku ALA nen, “Mondok eerikit aret,” mbarit unggwage me, aret eeke logogin o.

Yeremiya 47:1

At Pirawun nen o Nggata awo tebenogo piiga'lek kagak, aakumi Pilitin mendek eeppiyoorak Aliku ALA yoge kagak yoraga Yeremiya yoreegerak nogo yi aret.

Lukat 2:14

“At mbogut irimbaga lombok menggerak Ala nogo, endage tiyappogo logowok o. Ndi, nggween paga yime it aap Ala inikilom inombake menggerak nogo, iniki ugun tayenak aret logowak o,” yinuk, yogogwaarak.

Owak Loongga 1:18

Piigo nogogwaarik, it aap Yekura mendek nen o kota-kota Nggata inom, Atekelon inom, Ekoron inom, tebenggologo logonet, inanggween enaagan-ambokan wonage nogo inom aret kologogwaarak.

Owak Loongga 16:1

Ne ambi paga aap Timoton nogo o Nggata time nagagerak logonet, kwe terak wuka ambi enegen kage nagagerik, imbirak nogo yuwok nduk, ame unggwi nagagerak.