1 Endagembogut 4:13 - Ala Wone Peenok Peebi Mbanak

¹³ Aap Mben-Nggebet nen o kota Aramot-Nggileyat inom, aap Manate aput Yayit mendek yi awi ndi awi o Nggileyat wonogo menggam inom, o nggwok Mbatan o mbuuluk Aregop kota 60 mondok nggwok yugum yagat wurik, pak ambe mbuti tembaga paga mban mbanak wonagagerak nogome inom, wone lengganogo yorage,

1 Endagembogut 4:13 ပူးပေါင်းရင်းမြစ်များ

2 Endagembogut 9:1

Ti'nuk, ne ti eyom paga at Ala nen yoge kagak yoraga Elita nen it aap Ala nen yorage kagak yoraga aago inenggela'me ambi wiige nagagerik, wage mbareegi, yoge logonet, “Kayum kaa'ndok keele perembatinuk, tayitun amburu toolak yi, wonok o Aramot-Nggileyat time nak o.

2 Endagembogut 9:14

At Yoram inom, Iterali abok aret inom, o Aramot-Nggileyat nogome tum wakwi wonogwe me, aap Aram inowe endagembogut Katayen nogo inom wim nambuko logonet, awuri Aram mendek nen aap endagembogut Yoram nogo maale wareegwaarak awin lek aruwak nduk, o Yiteren nagagerak nogo awo wonage me, at Nimiti ombooluk Yotapat aput Yeku nogo nen Yoram imbirak wim eerikit nduk, awuri inom wone mbaneegerak. Inom wone mbanggo logonet, aap Yeku nen, “An eeriyak yo'negaarak nogo, Op aret, mbakotak kenok, kit ambi o kota yime nen kumaak-kumaak wundi nanuk, wone yogoorak yi, o Yiteren yora noorak mage o.”

1 Mbinineegwaarak 2:23

Unde wonagagerak kwe, at Nggetut inom, Aram inom, nen it aakumi Yayit wonogo menggam yaga'lelo-yaga'lelo inom, kota Kenat inom, enaagan-ambokan yaga'lelo mbuulogwe inom, lambuk togon kota 60 wonage nogo, tebenit nogogwaarak. O kota-kota time wonogogwaarak nogo ti, aap Nggileyat ogoba Makit paga wiganak nogo wonogo menggam aret o.

Ndawi 22:12

Lembu ngguunok kwak Ninom wim mbanak apit nen wangge'nakwi, Tapi ngguunok inigen mbolokwi O Mbatan mendek kwak nen wanggeppaninuk wonogwe,

Ndawi 68:15

Puut Mbatan ti, abu tiyanak iya aret me, Puut Mbatan elaganggen ndarogo nappit nagagerak Ambik aret wonage o.

Linggineegwaarak 32:41

Ndi, Manate ombooluk wiganak mendek endage Yayit nogo o ilin-ilin inawi wurik wonogwe me, unggwi nanuk, tebenggolage nagagerik, o nogo endage Kawot-Yayit toonogo pege,

Pelaareegerak 3:10

O Mbatan paga aap endagembogut Ok unde menggim o kobak nabunogo pereegim tiyarogon wonage nogo inom, o Nggileyat abok aret inom, panggombunuk, nugwa o Mbatan paga o Talaka inom, Erereyi inom, kuli aret kologogurak.

Pelaareegerak 3:4

Inooko logonet, ne ti eyom paga aret aap endagembogut Tikon unde menggim Ketibon yi kota ndi kota paga aap inom, kumi inom, elege-aabologwe inom, abok aret nit nen inooreegurak nogo ndak-ndak aret o Mbatan aap Ok unde menggim kota 60 apit aret inawi pak yugum paga tiyarogon wurik inom, pak wurik tungga mbuti owak paga karo-karo nabenak inom, ndi, o kota ambik lombok inawi yugum paga wurik lek nogo inom, ambit-ambi teppuulik o Arogop nenaarak yi kota ndi kota tigitogon aret yigirik-noonom eerogo pit nogo nogogurik, o nogo nit aret tebenggologogurak.

Pelaareegerak 3:8

Eeko nogogurik, ne ti eyom paga aret aap Amori mendek inendagembogut mbere ti, ineenggime nen inanggween nit ndinggologogurak nogo ti, niyo Yoraran aa'nggi ene paga oonegen lagi wage menggim pa'nggwe niyo Aronon panggombunuk, nugwa puut Keromon kuli aret kologogurak o.

Pelaareegerak 4:43

Agap ndarak logowak nduk, o kota-kota unggwi noorak leenogo pereegerak nogo ti, karume tiyarogon kobak nabunogo pereegim o Mbetet ti, aap Uruben mendek inake leenogo piige, o Nggileyat kota Aramot ti, aap Nggat mendek inake leenogo piige, ndi, o Mbatan kota Nggolan ti, aap Manate mendek inake leenogo piige, eereegerak.

Yotuwa 20:8

Ndi, o Yeriko wunggandigin oonegen wundi wage menggim pa'nggwe niyo Yoraran enebagan anebunu Uruben mendek inanggween karume kobappaga o endage Mbetet leenogo pugwi, anebunu Nggat mendek inanggween mbanak Nggileyat nogo paga o endage Aramot aret leenogo pugwi, anebunu Manate inanggween mbanak Mbatan nogo paga o endage Nggolan aret leenogo pugwi, eerogo pereegwaarak.

Yotuwa 21:38

Anebunu Nggat mendek inanggween mbanak paga aap wappunuk, wakwi iyo, agap ndakko'nok unggwage logowam o Nggileyat kota Aramot inom, kota Makanayim inom,