1 Endagembogut 3:28 - Ala Wone Peenok Peebi Mbanak

²⁸ At endagembogut Talomo nen kumi ti inawone mbaneegerak paga it aakumi Iterali mendek abok aret konenggo nogogwaarik, “Ala nen aakumi inawone amburu mbangge logowak nduk, iniki warak eeppereegerak ninowe endagembogut yi, Wi!” yinuk, pi wareegwaarak.

1 Endagembogut 3:28 ပူးပေါင်းရင်းမြစ်များ

1 Endagembogut 10:9

At Aliku kogoba Ala nen inikilom kombake logonet, aakumi Iterali inowe kendagembogut logonet wone lengganogo yorage logonok nduk, mippagareegerak me, endage tiyappogo logowok o. At Aliku ALA nen it Iterali mondok-mondok iniki kunik eeginake menggerak me, it abe mban koonggwi, li'lak mban eekwi, eekwi iigak, inarum logonok nduk, kendagembogut mippagareegerak o,” yinuk, yoreegerak.

1 Endagembogut 3:27

Yoge mbareegi, at endagembogut Talomo nen, “Elege ti, wariyak mage o. At kwe aa'nduk oone yegerak ti, aagaluk aret me, elege eenik wonage ti, at aret wogo'nip o,” yinuk, yoragagerak.

1 Endagembogut 4:1

At Talomo nogo aakumi Iterali mendek abok aret inowe endagembogut age nagagerik, wone lengganogo yorage kagak,

1 Mbinineegwaarak 29:24

Ndi, it aap endagembogut inom eeko menggaarak inom, it aap wim nambuka inoweewi inom, at endagembogut Ndawut apuri apit aret inom, it abok nen yogo logonet, “At Talomo ti, ninowe endagembogut aret me, oone konenggo logowok o,” yinuk, yereegwaarak.

Etara 7:25

Ndi, kat Etara wae. It aap o nggwok niyo Eparat enebaga oonegen kilu nage menggim pa'nggwe wonogwe nogo, abok aret inarum wonogwe, inowak loonggwi, eeko logowak nduk, it aap kogoba Ala wone eeko logorak yugu nogo ineenu kero, kogoba Ala iniki warak lombok kat wokkereegerak paga koonogo mippiige, ndi, it aap Ala wone yugu ineenggo'lek iinok mamuninake, eeke logomunggun o.

Ndawi 72:2

Ti eeke keenok, Iniki abe koonak logonet kapuri inowak loongge, Iniki a'me nggelengga logonet, Kapuri tebenogo piinok wonogwe nogo inawone li'lak mbangge, Eerigin o.

Ndawi 72:4

It aakumi inenggela'me tebenak wonogwe nogo, Aap endagembogut nen inawone liirogon mban mbangge, Ineenggi lek inapuri nogo yeenggwaarage, Eeke logogin kwe, It aap tebenogo piiga nogo perak, Aan lebenogo piige logogin o.

Wundeegwaarak 14:31

It aakumi Iterali mendek nen Aliku ALA omaawi paga it Metit mendek eeginabeegerak nogo iigo nogogwaarik, Aliku ALA ayuk wuko logonet, at Aliku ALA inom, ayeloman Muta nogo inom, inoone abet mbareegwaarak.

Kini Wuppiige 16:10

Aap endagembogut nen Ala kwak wone lengganogo yorage menggerak me, Eekaatak liippunuk, aakumi inowak loongge logowak o.

Kini Wuppiige 24:21

Napuluk yi wae. Yorogwe ineebi mbakwi iinok, it imbirak nen aaninggin mendek yini-panip inoba nappi woraagun me Ndi, nano mendek nappi woraagun nogo aap ta nen eenu wonage mbaken? Lek aret me, Aliku ALA inom, aap endagembogut inom, yorogwe iinok, “Eeriyak nineebi o,” yogo menggaarak nogo kinom ariyak mage o. Ata, it imbirak nogo ti, inayuk wuppunuk, inoone konengge logot o.

Kini Wuppiige 25:2

At Ala nen wone kumaarogo pege kenok, ayuk wukwi, Aap inendagembogut nen wone kin paga agan nogwe iinok, inayuk wukwi, Eeko menggaarak o.

Kini Wuppiige 8:15

An ari neenok, it aap inendagembogut wone lengganogo yorogwe, Aap inoweewi nagawan-nagawan nen eekaatak a'me nggelok eeppiigo logorak wone koonogo pugwi,

Wone Alom Kibingga 7:19

O kota ambi it aap ineebe 10 unde wonogwe paga o omaawi negen menggerak kwe, Aap iniki warak ambit nen iniki warak logonet, eerit nage paga ti, at omaawi mondok alik iya negen menggerak o.

Yetaya 28:6

At aap inowak loongga nen a'me nggelok mban inowak loongge logowak nduk inikime eeppiige, O kota nogome inawim nen inoori unggwi wogwe iinok, mugogo nappiyaawak nduk, iniki wakaa'ngget agago piige, Eerigin o.

Ndaniyen 1:17

It aap tawe ineebe 4 yi nogo, Ala nen yi wone ndi wone ineenu aruwak nduk eeppiige, it aap Mbaben mendek yogo nogogwaarak inom, eeko nogogwaarak liiru mbanak inom, yelok kaawak nduk eeppiige, eereegerak. Ndi, at Ndaniyen nogo, inabinggaanggo kogwe nogo mendek inom, inabi kogwe nogo mendek inom, abok aret alom telanogo yorage logowak nduk, eeppereegerak.

Ndaniyen 2:21

At nen ne eeke logorak alik koonogo pit nage, Eeke menggim ari wage paga eeriyak koonogo pege, It aap inendagembogut mippiige, kwippiige, It aap iniki warak nogo yi wone ndi wone yelok kaawak nduk eeppiige, It wone liippega nogo, yi wone ndi wone ineenu eeppiige,

Ndaniyen 2:47

Yorage mbareegi, at aap endagembogut nogo nen at Ndaniyen yoge logonet, “Wone nobarak yi, kin paga yo'negendak ti paga kat kogoba Ala ti, yi kugi ndi kugi tebenak iigak, at abu tiyanak lombok wonage, it aap inendagembogut inowe aret wonage, eeke logonet, wone abu nobarak mendek kin paga yorage menggerak ti abet aret kagi o,” yinuk, yoreegerak.

Ndaniyen 5:11

It kugi inayuk warak lombok nen yoragaatak ineenu mengga kwak aap ambi togop aret yogwi iinok, abu eenu me, kat nogoba kabu'me piinok menggenom yime agaarik o. Kat kogoba endagembogut logonet, wone lengganogo yorage kagak, at aap ti, wone mbet-mbet liippege, wone abok eenu logonet ari, kugi ineenu kwak iniki warak lombok wonage, eeke nagagerak. Aap endagembogut kogoba Nebukanetat ti nen it kugi alom ineenu inom, inagugi nen yorogwe iinok yoraga inom, laaluguragan pekkenok yoraga inom, it tili pagangga inom, abok aret at abu'me piinok inowe logowak nduk mippereegerak o. Kogoba endagembogut nogo nen aret eereegerak me yagi o.

1 Korindut 1:24

nit Ala yonggo pinaneegerak Yakuri mendek inom, Yunani mendek inom, nogo nen perak, wone ti konembunuk, “Ala iniki warak logonet omaawi paga ninagap ndariyak kooneegerak nogo ti, Keritut ninake kambeegerak paga aret ee'ninabigin o,” mba'nuk, yorogo monggoorak.

1 Korindut 1:30

Ti kenok, at Ala nen Keritut Yetut ninom kunogo pinaneegerak me, ninom kunik logonet, at Keritut eereegerak paga yi wone ndi wone nineenu eeppinanege agaarik o. Niniki obeelom eerogo pinanege, Ala apuri at ake logowok nduk, leenogo pinanege, ndi, nit keele maarak negen wonogogurak nogo, ninonggo mbanogo punuk, wondet agago pinanege, eereegerak nogo ti, Keritut aret o.

Kolote 2:2

Kit abok kiniki ambit a'nuk, niniki-kiniki kunik eekkologo logonet, Ala wone kote kumaarak wonagagerak nogo ti, Keritut aret me, at eebe liirogon kineenu ogo logomonggotik, “Peebi ndogop eeppinanigin o,” yinuk, yugu nogo abok aret kineenu me, kinagabiti nen kiniki yungguppegak eeka'lek kiniki ale'nggen lombok logobagip nduk, kinake eeke minggirak.

Kolote 2:3

Ala iniki warak nen mondok liippinaninuk, eeppinaniyak alom inom, yi wone ndi wone nineenu ariyak alom inom, kumaarak wonage nogo, kin kaawok nduk, tu paake menggerak kunci nogo ti, Keritut eebe aret o.

1 Tamuwen 12:18

Yorage nagagerik, at Tamuwen nogo nen Aliku ALA yoge mbareegi, ne ti eyom paga aret o ngguurubu eeke, mayu wuppi wage, eeke mbareegi, it aakumi abok aret Aliku ALA inom, Tamuwen inom, it paga inagabiti nen, “Ia!” mbareegwaarak.