1 Endagembogut 3:26 - Ala Wone Peenok Peebi Mbanak

²⁶ Yorage mbareegi, kwe aagaluk eenik wonage nogo nen aagaluk abuwa nggwok lombok mbake nagagerik, aap endagembogut Talomo yoge logonet, “Ai, nogoba. Elege eenik wonage ti, wariyak mondok mage o. Ata, kwe ti aret wogoru o.” Yoreegerak kwe, kwe ore nogo nen, “Op aret yegerak me, poorogo puwak aret. Poorogo pege kenok, kat inom, an inom, nimbirak terak togon ninaagalogwe lek aret logowok o.”

1 Endagembogut 3:26 ပူးပေါင်းရင်းမြစ်များ

Wakkagagerak 43:30

Yoge nagagerik, at Yutup nogo awuluk lombok nogo aret mbareegi, abuwa nen iniki puru agan nage logonet, le yuurak aret eeke mbareegi, mi'na'nuk, at nogo yege menggim unggwage nagagerik, le yereegerak.

1 Endagembogut 3:25

“Elege eenik wonage ti, paloowi paga oolo muundak poo'nipo. Pooppunuk, peenok kwe ore wogogwi, peenok kwe ore wogogwi, ee'nip o,” yinuk, awuri yoragagerak.

1 Endagembogut 3:27

Yoge mbareegi, at endagembogut Talomo nen, “Elege ti, wariyak mage o. At kwe aa'nduk oone yegerak ti, aagaluk aret me, elege eenik wonage ti, at aret wogo'nip o,” yinuk, yoragagerak.

Ndawi 39:3

Noone yuurak kani omoonuk negen ee'nake, Ninikime koonit nage neegak, Kani eyak ndi wuke menggi kwak ee'nake, Eeke nagaatik, Noone yoge logonet,

Yetaya 49:15

Ari kenok, at Ala nen ari logonet, “Kwe ambi aagaluk awo elak nengge kagak ami age, Ndi, at lombok nen ndareegerak nogo abuwa mbaka'lek mbo pege, Eeriyak op mbaken? At aagaluk mari eerogo pemenggerak kwe, an perak, kat o Tiyon nogo koba mari eerogo pagagin lek o.

Yeremiya 31:20

At Eparayim nogo ti, naput niniki kunik eeke, Napuluk ninikilom mbake, Eeke minggirak nogo lek a? Kulinik aret mberigitak kwe, oba aberak wonage me, Kaakit lak, ao, yinuk, niniki nggilu ari, Abuwa lombok mbake, Eeke minggirak o,” yinuk, Aliku ALA nen aret yegerak o.

Oteya 11:8

It togop eekwi iigak kwe, an nonggop togon it Eparayim ti teppiige, It Iterali ti, nenegen aanggot iinok, nonggoti mbo piige, Eeriyak mbakop? It aakumi Arama mbo piyareegi kwak, it Eparayim mbo piige, It Teboyim eeppiyareegi kwak it Iterali eeppiige, Eeriyak ti nonggoti o? Niniki nenaame ari wage logonet, inabuwa lombok mbake me,

Oroma 1:31

iniki lek logonet, wone yoragaatak liirogon eeka'lek mbo pugwi, inabuwa mbakulik inogogumbuk wonogwe,

Pilipi 1:8

At Keritut Yetut nen kinabuwa mbake logonet, iniki kunik eekkinake menggerak nogo kokwak, an togon kit ninom niniki mondok kunik me, “It iyaakit lak, ao,” kinombake nogo ti, Ala eenu aret o.

Pilipi 2:1

Keritut kinom kunik me, kiniki eyak wappinagage, at kinabuwa mbake logonet kiniki yanggongginake, eeke kagak, Aberiniki kinom kunik wonogwe, kit mban-mban niniki-kiniki kunik eeko logonet, obeelom eeppiinet nugwi, eeko logorak eekkinake kogotak kenok,

2 Timotiyut 3:3

Ti eerit nugu logonet, inowe-inawot inabuwa mbakwi, inom lambuniyak mbakwi, eeka'lek aret logogun o. Aakumi inabok mbanit nugwi, eeriyak aganake kenok tebenogo pugwi lek mondok eerit nugwi, inanini wulo lombok logonet, aakumi mondok inoorit nugwi, obeelom eeriyak mondok ineebi mbarit nugwi,

1 Yaya 3:17

Aap ambi eenggi warak nen ore aaninggin oba agaarak enegen kage kwe, abuwa mbaka'lek, “Obaalombok o,” yinuk, mbo pege kenok, Ala nen aakumi inabuwa mbake menggerak nogo mendek inikime wonage abu lek aret mbako logowok o.