1 Endagembogut 3:12 - Ala Wone Peenok Peebi Mbanak

¹² kat mi'naga'lek keegak wonogogwaarak inom, mi'nagandak keegak logorak inom, ti kat ndak-ndak ambi lek aret o. Kat nggino yo'negendak ndak-ndak kiniki warak inom, yi wone ndi wone liippunuk yelok kage logorak inom, eeppagagin o.

1 Endagembogut 3:12 ပူးပေါင်းရင်းမြစ်များ

1 Endagembogut 2:6

kat kiniki warak nen eeriyak mbake nogo eeppege logonet, at eeruwak kenen mbambunuk, aakumi kambunuk nogo menggam enaani nawak nduk, teppuurak mage o.

1 Endagembogut 2:9

An togop aret yoreegirak kwe, kat aap kiniki warak me at eeppuurak mbaremenggendak nogo eeppege logonet, at eeppaneegerak wonage kagak, kat nen, Oba lek o, yinuk, teppege keenok, iniki ugun nege logomenggerik, at eeruwak kenen mbambunuk, kambunuk nogo menggam enaani nawak nduk, teppuurak mage o. Ata, amiya tene agan aret unggwi nawak nduk, eeppunu o,” yinuk, yoreegerak.

1 Endagembogut 3:28

At endagembogut Talomo nen kumi ti inawone mbaneegerak paga it aakumi Iterali mendek abok aret konenggo nogogwaarik, “Ala nen aakumi inawone amburu mbangge logowak nduk, iniki warak eeppereegerak ninowe endagembogut yi, Wi!” yinuk, pi wareegwaarak.

1 Endagembogut 5:12

Ndi, at Aliku ALA nen, “Kiniki warak eeppagagin o,” yinuk, Talomo yoreegerak nogo ndak-ndak aret eeppereegerak me, at Kiram Talomo imbirak iniki ambit eeppunuk, “Nit yogop aret eeko logowok o,” yinuk, wone koonogo pereegwaarak.

1 Endagembogut 5:9

Pipuk eerogo punuk, nawuri puurom Libanon nen wonok niyo nggwok yenggenak laut paga pi wambi wogwe iinok, keele maarogo niyo ogombaga lumbunuk, wonok pi woroorak yo'negenom time aret keele piinogo endekem wumbi wage neenok, kat nen wonok namunggun o. Ndi, it an name ninom minggirak inake, Inambi ndogop wo'niriyak o, ari neenok, nogo aret pipuk eerogo panege logomunggun o,” yinuk, eerogo nappiya wagagerak.

1 Mbinineegwaarak 29:25

Ndi, it aakumi Iterali abok aret inigen iigak, at Aliku ALA nen Talomo endage mondok iya tiyappege nagagerik, at endagembogut aga'lek kagak it Iterali inoweewi inendagembogut inendage tiyanak wonogogwa kwak lek at endage mondok alik negen tiyappege mbareegi, endage wiganinuk nage nagagerak.

2 Mbinineegwaarak 2:12

Ari nagagerik, ambinom yoge logonet, “Wulaga ambi iniki warak inom, iniki ngget inom, liippunuk, koongge logorak mendek inom, nogo mendek wonage menggi kwak, liippunuk, ndaruwak nduk, Ala nen aap endagembogut Ndawut eeppege mbareegi, Ndawut ndareegerak nogo nen Aliku ALA awi wurogo pege, ndi, kat kawi o nggwok abe wurogo pake, eeriyak kooneegindak me, at mbogut nggween wakkagagerak aakumi Iterali inogoba Aliku Ala endage alut eeke agarik o.

Nekemiya 13:26

Kit eekwi yogobi it Iterali inowe endagembogut Talomo nogo nen eerit nage logonet, maluk eereegerak lek mbakop? At Ala nen iniki kunik eeke nagagerik, aakumi Iterali abok aret inowe endagembogut mippereegerak yi aakumi ndi aakumi inoweewi inendagembogut at ndak-ndak ambi lek aret kwe, kumi alik mendek wogonabeegerak nen maluk eerit nawak nduk, inikime mambereegwaarak.

Ndawi 10:17

Kaliku ALA wae. It aap nggween paga mendek nen Aap iniki ma'naruwak nduk ambinom eeginako logokwak, It aakumi tebenak wonogwe iniki, “Ao,” mbakwi nogo, Kat liippiige, iniki eyak wappiige, Inale yogo logonet, yokkugwi nogo karuk konengge, Eeke logonet, It elege moono inom, it aap tebenak wonogwe inom, Inili eerogo piige menggendak o.

Wone Alom Kibingga 1:13

Wonage logonet, yi wone ndi wone alom maloppege, niniki warak paga mbogut abu'me yime eeko menggaarak abok aret liippege, eerikit nduk, niniki mbere lek ambit eeppunuk, eereegirak. Ala nen it aakumi inoba ariyak kooneegerak nogo mondok aaninggin lombok inoba wonage kagagirak.

Wone Alom Kibingga 1:16

Ti kage nagagirik, niniki mbake logonet, “Aap an mi'naga'lek neegak, o Yerutalem wone lengganogo yorogo nogogwaarak nogo abok aret ndak-ndak lek an mban nendage nggwok age, niniki warak lombok age, eeke logonet, an niniki warak lombok age, yi wone ndi wone ambik neenu age, eekirak kagi,” mbareegirak.

Yetaya 65:24

It awo nggino yo'nega'lek iigak, yo'niriyak mbakwi nogo onggo muk yorage, Ndi, awo tamban eekwi iigak, an muk aret naruk konengge, Eeke logogin o.

Ndaniyen 1:17

It aap tawe ineebe 4 yi nogo, Ala nen yi wone ndi wone ineenu aruwak nduk eeppiige, it aap Mbaben mendek yogo nogogwaarak inom, eeko nogogwaarak liiru mbanak inom, yelok kaawak nduk eeppiige, eereegerak. Ndi, at Ndaniyen nogo, inabinggaanggo kogwe nogo mendek inom, inabi kogwe nogo mendek inom, abok aret alom telanogo yorage logowak nduk, eeppereegerak.

Matiyut 12:42

Kwe nggwok o ame pa'nggwe nen at Talomo iniki warak logonet, wone koongge menggerak nogo, aruk konenikit nduk wagagerak kwe, at Talomo ti, aap mbuuluk negen. Ndi, at ambi yime wonage yi perak, abu nggwok aret kagak, kit at oone konengga'lek wonogwe me, peebi aakumi inowak looniyak eyom paga at kwe nggwok nogo nen mi'na'nuk, kit yogondak wonogwe yi, Kinenggali o, yinuk, yokkirage kaamunggup o,” yinuk, yoragagerak.

Pelaareegerak 34:9

Wonogogwaarik, at Muta nen at obaane'me mippuurak aap Nun aput Yotuwa nogo muk anobak tebeneegerak me, iniki warak lombok Ala nen wogoreegerak kenok, it aakumi Iterali mendek abok aret at Yotuwa oone mban liirogon konenggo logonet, at Aliku ALA nen it eeko logorak Muta yoreegerak nogo abok aret eeko nogogwaarak.

Kolote 2:3

Ala iniki warak nen mondok liippinaninuk, eeppinaniyak alom inom, yi wone ndi wone nineenu ariyak alom inom, kumaarak wonage nogo, kin kaawok nduk, tu paake menggerak kunci nogo ti, Keritut eebe aret o.