1 Endagembogut 3:1 - Ala Wone Peenok Peebi Mbanak

¹ Ti'nuk, at Talomo nogo aap endagembogut Metit mendek Pirawun apuluk kolaga waganeegerak paga, imbirak kunggolage nagagerik, Pirawun apuluk nogo wonok Ndawut Agota nogome pi wagagerak time wonage kagak, at awi o nggwok abe inom, Aliku ALA awi inom, yugum pak o Yerutalem yendok-wandok inom, abu aret wurogo pereegerak.

1 Endagembogut 3:1 ပူးပေါင်းရင်းမြစ်များ

1 Endagembogut 11:1

Aap endagembogut Talomo nogo Pirawun apuluk iniki kunik wonage kagak, kumi Iterali lek kumi alik it Mowap mendek inom, Amon mendek inom, Erom mendek inom, Tiron mendek inom, Ket mendek inom, apit aret iniki kunik eeginabeegerak.

1 Endagembogut 2:10

At Ndawut nogo aap endagembogut age nagagerik, Iterali wone lengganogo yorage kagak, tahun 40 eereegerak. O Keboron wone lengganogo yorage kagak, tahun 7 eeke, ndi, o Yerutalem wone lengganogo yorage kagak, tahun 33 eeke, eereegerak. Eeppunuk, kangge nagagerik, ombomini kambunuk nogogwam inom yonggonggola nage mbareegi, at Agota kanggwi piya unggwogo menggam nogome eebe pi unggwogogwaarak.

1 Endagembogut 6:1

Aakumi Iterali mendek nogo o Metit mbo punuk wundi wogogwaarak iigak, tahun empat ratus delapan puluh eereegerak me, at Talomo nogo aakumi Iterali inowe endagembogut a'nuk, wone lengganogo yorage kagak, tahun kenagan eeppunuk, ambi eeke tut ambi penembunuk, tut ambi endage Tiwi penengge paga at Talomo nen Aliku ALA awi wurikit nduk, eereegerak.

1 Endagembogut 7:1

At Talomo nen awi o nggwok abe age yobok togon wukkolage kagak, tahun 13 aret eereegerak.

1 Endagembogut 7:8

Ti eerogo punuk, o wurik kagak ambokan tayorogon time Talomo awi o nggwok abe logowam wureegerak nogo ti, o aakumi inowak loongge logowam inikime eyo nabeneegerak ti ndak-ndak nabenogo pege nagagerik, ti'nuk, at akwe aap Pirawun apuluk waganeegerak awi nogo ti, inowak loongge logowam inikime eyo nabeneegerak nogo ndak-ndak mban aret nabenogo pereegerak.

1 Endagembogut 9:1

At Talomo nen Aliku ALA awi inom, at endagembogut awi o nggwok abe inom, abu aret wurogo pege, ndi, at eeriyak iniki kooneegerak nogo abu ndak-ndak aret li'luk eerogo pege, eeke mbareegi,

1 Endagembogut 9:10

At Talomo nogo Aliku ALA awi inom, at endagembogut awi o nggwok abe inom, wuke kagak, tahun 20 aret eereegerak.

1 Endagembogut 9:24

Kwe Pirawun apuluk nogo, Ndawut Agota nen ake awi o nggwok abe Talomo wureegim nogome ari wagagerak wonage kagak, at Talomo nogo nen o Yerutalem wurik eraanu endekenggwe nggween pit laganeegerak.

1 Mbinineegwaarak 11:7

Tebenogo piinok, at Ndawut nogo o kota yugum pak wurogo pereegim nogome ye mbanggolage nagagerik, wonagagerak me, aakumi nen o ti endage, “Ndawut agota aret o,” yinuk, yogo nogogwaarak.

2 Mbinineegwaarak 18:1

Aap Yotapat nogo eenggi warak lombok wonage, endage tiyanak lombok wonage, eeke logonet, at aput nen aap Akap apuluk kolagagerak paga Akap imbirak kunggolagagerak.

2 Mbinineegwaarak 8:11

At Talomo nen ari logonet, “Aliku ALA aloobut mbanak mambit nogo menggam ti, abu alik leenak menggim aret me, nakwe ti, Iterali inowe endagembogut Ndawut awi o nggwok abe wurik me time logorak meek kagi,” ari nagagerik, Pirawun apuluk at akwe nogo Ndawut agota nen wonok at awi wurogo pereegim logowak nduk, pi wagagerak.

Etara 5:11

it nen onggo yo'niragaarak nogo yi aret. Nit yi nogo, at o mbogut-nggween unde menggerak Ala ayeloman mini aret me, o obaane'me wukwi yi, yi tahun ndi tahun eekoorak yi, eeka'lek kagak o maan togon aap nggwok lombok Iterali inowe endagembogut nen Ala awi wuppunuk, li'luk eerogo pereegerak kwe,

Etara 9:14

Togop aret eeppinanggendak me, wone, Yogop ee'nu ndogop ee'nu, yereegindak nogo ambinom taganogo punuk, it aakumi maluk ogole warak mendek eeko menggaarak yi, inapuri nit wogonakwi, nit ninapuri it wogonakwi, eeriyak op mbaken? Eekwi niigak, kat kanini nen pup eerogo pinanege logonet, ando iluk ninooka'lek yumbunogo teppinanege, ando mbuuluk iluk mbaganuwok nduk, mbo pinanege, eeriyak mbaken?

Pelaareegerak 23:8

Inapuri ndarak inom, inombowologwe inom, kit Aliku ALA apuri kuwak eekwi me time kinom kuwak eeko logorak lek kwe, it inombowologwe inapuri kenok perak, kinom kuwak eeko logorak op aret o,” yoragagerak.