1 Endagembogut 22:8 - Ala Wone Peenok Peebi Mbanak

⁸ Yoge mbareegi, it Iterali inowe endagembogut nen onggo Yotapat yoge logonet, “Ninake Aliku ALA yoriyak aap Yimila aput Mika wonage kwe, Wone yo'niru o, yoge neenok, at wone obeelom yo'nege lek maluk mban yo'nege kage me, aap ti mondok neebi o.” Yoge mbareegi, at Yotapat nen, “Kat kendagembogut aret me, togop yugun o.”

1 Endagembogut 22:8 ပူးပေါင်းရင်းမြစ်များ

Wakkagagerak 37:8

“Kat ninowe kendagembogut arikit nduk yagan a? Kabu'me pinanege logomenggendik, wone lengganninake logorak mbaken ya?” yinuk, yogo nogogwaarik, at Yutup abi kagagerak mbininogo yoragagerak paga mondok inanini oba pereegwaarak.

1 Endagembogut 18:4

Ti eyom paga kwe Iteben nen aap Aliku ALA nen yorage kagak yoraga ambik inoorit nage kenok, at Obaya nen it aap Ala wone yoraga nogo ineebe 100 wogoren ndo ambime 50 kumaappiige, ndi, ndo ambime 50 kumaappiige, eeke nagagerik, inambi-inagi wogorage nagagerak.

1 Endagembogut 19:10

Yoge mbareegi, at Eliya nogo nen wone onggo yoge logonet, “Nogoba o. Kaliku Komaawi Lombok Menggendak Ala kake nanggena luk togon eerit nage minggirak kwe, it kapuri Iterali nogo nen wone kinom koonogo pereegindak nogo mbo punuk, kake warogo wokkegak ogobakkigirik nogo minogo pugwi, inobaloowi paga it kat yorage keegak yoraga nogo inookwi, eeko logonet, nalik aret mbo panggaarak me, yogondak an inom aret nooriyak nduk eeko mbaka, yime agarik o.”

1 Endagembogut 19:14

Yoge mbareegi, at Eliya nogo nen wone onggo yoge logonet, “Nogoba o. Kaliku Komaawi Lombok Menggendak Ala kake nanggena luk togon eerit nage minggirak kwe, it kapuri Iterali nogo nen wone kinom koonogo pereegindak nogo mbo punuk, kake warogo wokkegak ogobakkigirik nogo minogo pugwi, inobaloowi paga it kat nen yorage keegak yoraga nogo inookwi, eeko logonet, nalik aret mbo panggaarak kwe, yogondak an inom aret nooriyak nduk, eeko mbaka, yime agarik o,” yinuk, yoreegerak.

1 Endagembogut 21:20

Yoreegerak nage mbareegi, Akap nogo Eliya nage enegen kage nagagerik, “Kat nimbirak ogoorak monggoorak yi, o yogondak aret kwaa'naken o.” Yoge mbareegi, at Eliya nen at onggo yoge, “Abet aret kwaakkeegi o. Maluk ayeloman arikit o, yinuk, miike nagandik, Aliku ALA enegen kagak, maluk eerit nage menggendak me,

1 Endagembogut 22:13

Yogwe iigak, aap Mika wa nawak nduk nappereegerak nogo nen wonok wage logonet, Mika yoge, “An wone ambi yokkege me, liippu o. It peebi eeriyak wone yoraga nogo nen inoone ambit eeppunuk, aap endagembogut wim eeri noorak, Op aret, yogwi me, it yogwi ndak-ndak kat togon, Eeri noorak op aret, yorumunggun o.”

1 Endagembogut 22:18

Yoge mbareegi, it Iterali inowe endagembogut nogo nen Yotapat yoge, “At yi, obeelom eeppaniyak yo'negeelik maluk eeppaniyak yo'nege menggerak yokkigirak nogo ari yi kagan a?”

1 Endagembogut 22:27

Aap endagembogut nen, Aap yi keele maarogo mambiigo menggam time mambogo logomenggaarik, oroti inom, niyo inom, mbuuluk wogoremenggaarak ti mban nengge kagak, an obeelom aret woroorak kuli ari nawak, yegerak, yoraamunggup nduk, eebe pigaanip o.”

1 Endagembogut 22:7

Yoreegwaarak kwe, aap Yotapat nogo nen, “At Aliku ALA yorage kagak yoraga nen yo'niraawak nduk, yime ambi wonage ilik?”

1 Endagembogut 22:9

Yoge mbareegi, it Iterali inowe endagembogut nen at inom yabu eeke menggerak ambi woraawak nduk wiireegerak wage mbareegi, yoge logonet, “Aap Yimila aput Mika nogo mbet wa nak o.”

2 Endagembogut 9:22

Lambunggo nogogwaarik, aap Yoram nen aap Yeku nogo yoge, “Nore Yeku wae. Kiniki ugun wagan ilik, wone ambi kinikime wagan a?” Yoge mbareegi, at Yeku nen Yoram nogo yoge logonet, “Kat kagalo Iteben nen kwe ambi ogonggelo mbo punuk, mbabilu eeke menggi kwak, Ala alut eekwi obaane'me kugi eerit nage, magagirak paga inoorit nage, eerit nage nagagerak paga wigak yereegerak it aakumi eerit nogwe iinok, niniki ugun nonggoti logorak?”

2 Mbinineegwaarak 36:16

at nappiya wagagerak nogo miyuk-meya eerogo piigwi, “Ala wone ti, abe lek o,” yinuk, meek mbakwi, Ala wone yoraga nogo inagi'ndok kanggwi, eekwi paga Aliku ALA anini mi'nage logonet, “Aaninggin mondok alik negen inoba piyaakit o,” yinuk, nggaruk togon koonogo pereegerak me, it mbo noorak mondok meek aret agagerak.

Ndawi 34:21

It maluk eeka nogo inomaluk ti'nen inoorogo piige, It aap iniki abe koonak ineebi inombakwi nogo Inobaalombok nen aaninggin inoba kwippakwi, Eeko menggaarak o.

Kini Wuppiige 15:12

Aap meek eerogo piiga ti, aap nen aruk wakwi koneniyak eebi mbake menggerak me, At nen aap iniki warak wonogwe me, inom wone mbani noorak eebi mbake menggerak.

Kini Wuppiige 29:10

Aap aakumi inamiya nengga nogo nen aap iniki abe nogo ineebi lombok mbako menggaarak kwe, It iniki abe koonak nogo nen aap abe ti, ineebe inili yogo menggaarak.

Kini Wuppiige 9:8

Aap meek eerogo piiga ti nen eebi lombok kinombarukwak, aruk wariyak mage o. Aap iniki warak aruk wakwi kiinok perak, iniki kunik eekkinabigin me, aruk wariyak op aret o.

Yetaya 3:11

Aap maluk mendek ti, maluk inoba arigin me, inabuwa o! It nen aakumi maluk eeppiigo nogogwaarak nogo ndak-ndak eeppiyaagin me, inabuwa o!

Yetaya 30:10

Aap inabi kaga nogo, Kinabi ambinom koorak mage o, yinuk, yorogwe, It aap an nen yorage neegak yoraga nogo, Obeelom eeko logorak kinigen kenok, ambinom yo'niroorak mage o. Ata, wone ninikilom mbakwi mendek mban yo'nirogwe, Ndogop kwak ee'ne, mbakwi nogo mban yo'nirogwe, Eeko logonip o.

Yetaya 49:7

It aakumi nen, Ogole o, yinuk, abu meek ombakwi, It aap o maluk age kero pipporogo wonogwe, Eekwi inayeloman logonet inake eeke nagagerak nogo At Kikak Nakeelik Alik Leenak Wondet Eerogo Piiga Iterali inogoba Aliku ALA nen yegerak nogo yi aret. “An li'lak eeka Naliku ALA nen, Iterali inogoba Kikak Nakeelik Nalik Leenak Minggirak nen, Kat leenogo pagareegirak me, Aap inendagembogut nen kat wage inigen keenok mi'nogwe, It nagawan-nagawan nen kat eeke inigen keenok kayuk wukwi, Eeko logogun o,” Yinuk, yo'negerak o.

Yeremiya 18:18

Yorage mbareegi, it aap ineebi nombakwi nen yogo logonet, “It aap Ala unde nen eeko logorak wone mamunnirogwe nogo lek age, it aap iniki warak nen ninaruk wakwi nogo lek age, ndi, Ala nen yorage kagak yoraga nen nit yo'nirogwe nogo lek age, eerigin lek me, aap Yeremiya ari menggerak ti, lek eerogo puurak koonuwok nduk, woraanip o. At wone yo'nirage nogo aret abut laganogo at yogwi, ndi, at, Yogop eeriyak, ndogop eeriyak, yo'nirage liippega'lek mbo pugwi, eekwi paga oone lek arigin me, eeruwok aret o,” yinuk, yereegwaarak me,

Yeremiya 20:10

It aakumi apit aret nen, Inamineeri ne agan noorak mendek yi o ndi o ndak warit nege o. At eekerak yora nawi, yora nawi, yinuk, Inoone mumun paga yogwe naruk konengge agarik o. Noreewi kunduk nen an ambi eeriminggirak paga yilunnabuwok nduk, to'neego logonet, Ambokan laganemenggaarak paga yigeebu wangge kagak Nit tebenogo punuk, oone omaawi paga yo'nirage nagaarak nogo onggo eeppuwok o, yinuk, yogo agaarik o.

Yeremiya 36:23

At Yekuri nen mbuku pirik-perek aago mbanak nogo mbere mbiginik lungge kenok, aap endagembogut nen at liiru mbangga owaruk mbuuluk nogo paga mbanogo kani kunik me nogome mambege, kenagan mbiginik lungge kenok, mbanogo kani kunik me mambege, eerit-eerit mbuku nogo lek eerogo kani kuneegerak.

Yeremiya 38:4

Inaruk konembunuk, it aap inoweewi inengga warak ti nen aap endagembogut Terekiya yogo logonet, “At aap ti, it ineegin warak o kota yime awo wonogwe inom, aakumi abok aret inom, yoranet nage paga inomanggen tayenogo piige, iniki ugun tayenak logowak nduk, agan nege lek maluk eekkolaawak nduk agan nege me, at enggaawak mondok lek eeppuurak o.”

Amot 5:10

It aap tu unggwogo menggam logonet, inowak loonggwi nogo kineebi inombakwi, Inowak loonggo logonet, liirogon mban inowak loonggwi nogo meek inombakwi,

Mika 2:11

Aap pilit pugunogo inambokan lagangga ambi nen wage logomenggerik, ari logonet, An perak, anggur amburu inom, kumili aganaka amburu inom, ndonggok togon nonggo logorak yokkirage logogin o, yinuk, yoraga nogo mendek it inobam aret me, inenggela'me logonet yoragak yuurak op aret o,” yinuk, yegerak me, yokkiragi o.

Mika 2:7

Yakup paga wiganak kit yi wae. “Aliku ALA iniki liippega'lek anini nen perak togon eeppiige, At togoti mendek eeppiige, eeke menggerak o,” yinuk, yuurak op mbakop? “Aap ambit ambi iniki abe koonak logonet, obeelom eerit nage nogo nen, Ala wone ti, obeelom aret o, yinuk, mbake menggerak.

Takariya 11:8

Wogoren nege logonet, tut ambi owak eerogo punuk, ambi penenak paga it ndomba ndegeninaka ineebe kenagan nogo wumbiyareegirak. Wumbiige mbareegi, it ndomba nogo nen an pe'neyoorak ineebi nombakwi iige nagagirik, ambinom ndegeninaburak anggon ee'nake kenok,

Matiyut 10:22

Aakumi abok aret alom an paga ineebi lombok kinombaremenggaarak kwe, kiniki kwi'ndak nu'lek wonogwe kiigak, o age yobok ari wage paga kinagap ndarigin o.

Yaya 17:14

Wone yo'nereegindak nogo an muk yoragagirak o. An it aakumi nggween paga mendek lek nogo pogom, it kunduk, nggween paga mendek lek mban me, it nggween paga mendek nen, ineebi inombako agaarik o.

Yaya 7:7

It aakumi nen kit ineebi kinombariyak meek kwe, an perak, it aakumi eeko menggaarak ti, Maluk aret o, yinuk, paganogo yorage minggirak me, ineebi lombok nombako agaarik o.

Nggalatiya 4:16

yogondak kit eeko monggotak an paganogo yokkirage paga kinawim negen ogoorogo panugwi kiigi o.