1 Endagembogut 22:52 - Ala Wone Peenok Peebi Mbanak

⁵² Aap Yotapat it Yekura inowe endagembogut wonage kagak, tahun 16 eeppunuk, ambi age paga aap Akap aput Akatiya nogo, o Tamariya Iterali inowe endagembogut age nagagerik, Iterali wone lengganogo yorage kagak, tahun mbere eereegerak.

1 Endagembogut 22:52 ပူးပေါင်းရင်းမြစ်များ

1 Endagembogut 15:26

At Narap nogo ogoba eerit nage logonet, maluk eeke nagagerak paga Iterali maluk eeko nogogwaarak nogo ndak-ndak, at Narap nogo togop aret Aliku ALA enegen kagak, maluk aret eerit nage nagagerak.

1 Endagembogut 15:34

Inarum wonage logonet, aap Yerobeyam eerit nage nagagerak paga Iterali maluk eeko nogogwaarak nogo ndak-ndak, at Mbayeta kunduk, Aliku ALA enegen kagak, maluk mban aret eeke nagagerak.

1 Endagembogut 21:25

Ti yoreegerak nogo ti, Akap akwe Iteben nen ogonggelo maluk eeruwak nduk, inikime manake kagak, Akap nen, “Maluk ayeloman arikit o,” yinuk, miike nagagerik, Aliku ALA enegen kagak maluk mban eerit nage nagagerak kokwak, aap togop ambi lek aret o.

1 Endagembogut 22:40

Ndi, aap Akap nogo ombomini kambunuk nogogwam inom yonggonggola nage mbareegi, obaane'me aput Akatiya inowe endagembogut agagerak.

2 Endagembogut 3:3

at Nebat aput Yerobeyam nen maluk eerit nage nagagerak paga Iterali maluk eeko nogogwaarak nogo, at mbo puulik inom aret eerit nage nagagerak.

2 Endagembogut 8:27

At nen aap Akap paga wiganak mendek apuluk waganeegerak me, at Akap, akuwi-apuri inom, owe-awot inom, eerit nugu nogogwa kwak, at kunduk, obaabut maluk logonet, Aliku ALA enegen kagak, maluk mban eerit nage nagagerak.

2 Endagembogut 9:22

Lambunggo nogogwaarik, aap Yoram nen aap Yeku nogo yoge, “Nore Yeku wae. Kiniki ugun wagan ilik, wone ambi kinikime wagan a?” Yoge mbareegi, at Yeku nen Yoram nogo yoge logonet, “Kat kagalo Iteben nen kwe ambi ogonggelo mbo punuk, mbabilu eeke menggi kwak, Ala alut eekwi obaane'me kugi eerit nage, magagirak paga inoorit nage, eerit nage nagagerak paga wigak yereegerak it aakumi eerit nogwe iinok, niniki ugun nonggoti logorak?”

2 Mbinineegwaarak 22:3

At agalo ti nen maluk eeriyak wone mban mamunige nagagerak me, at Akap akuwi-apuri inom, owe-awot inom, eerit nugu nogogwa kwak, at kunduk obaabut maluk logonet, eerit nage nagagerak.

Marakut 6:24

Ombo owak mbangge mbareegi, kolaga nogo wundi nage nagagerik, agalo kin wakkage logonet, “An nano mendek wo'niruwak nduk, nggino yori na?” Yoge mbareegi, agalo nogo nen, “Yiime Wuppiiga Yaya anobak mbanggiruwak nduk yori nak o,” yoreegerak.

Wayu 3:20

An tunggambe paga mi'ndak logonet, tu puk-puk eeke nogo liippanuwak o. Aap ambi an tu puk-puk eeke nogo, aruk konembunuk, tu paa'neege kenok, an ka unggwage logominggirik, nimbirak niniki ambit lambunik nore-kore logonet, mbi nonggo logogun o.