1 Endagembogut 22:31 - Ala Wone Peenok Peebi Mbanak

³¹ Unggwi nogo mbareegwa, it aakumi Aram mendek inowe endagembogut nogo nen anggweendo paga wim eeka inoweewi yorage, “It aap ugun inendage warak inom, inendage lek inom, kinom namburiyak mage o. Ata, aap Iterali inowe endagembogut ti mban kinom namburi nanip o.”

1 Endagembogut 22:31 ပူးပေါင်းရင်းမြစ်များ

Wakkagagerak 19:11

Tu nggelok togon nappogo nogogwaarik, it aap endekem oonggu'me wonogwe nogo aap tawe inom, aap inanggok inom, abok tigitogon inigen mbuk eerogo piigo mbareegwa, tungga nogo inigen abu kaga'lek aret wonogogwaarak.

2 Tamuwen 17:2

Yo'nege keenok, an nawuri ninom nen Ndawut kwaappunuk, mugurok nappegak-wappegak eerit nogwe niinok, ogowa lek aremenggerak enegen keme ari wonage me, ogut nak-nak pippunuk, endagembogut Ndawut mban wakwi niigak, at inom nugwi nogo abok aret inalitak mbaganit nagun o.

1 Endagembogut 20:1

Aakumi o Aram mendek inowe endagembogut Mben-Karat nen awuri ineegin warak abok aret kuwak eeppiinok, it aap inendagembogut 32 inaguda inom, inanggweendo wim eeka inom, inom lambumbunuk, o Tamariya tebenggolaawok nduk, wogo nogogwaarik, wanggeppunuk, wakkagak eeko logonet,

1 Endagembogut 20:16

o liingge it aap inoweewi o lombok unde inawuri nogo, inaa'nduk nogwe iigak, aap inoweewi inendagembogut 32 at Mben-Karat inom ogogwaarak nogo, inom inawooliyana niyo kumili aganaka mendek nonggo nogogwaarik, kumili negen kuneegwaarak wonogwe me, it Iterali wogwe iyo at Mben-Karat nen awuri nappiya wagagerak nogo, owagam nogo nogogwaarik, yogo logonet, “Aap o Tamariya nen wundi wogo agaarik o.”

1 Endagembogut 20:24

Tebenogo piyaagun me, kat yogop eeru o. It ninoweewi inendagembogut inawuri wim eeka wone lengganogo yorogwe ti abok aret kwippiinok, inobaane'me kawuri ineegin warak inoweewi mippiyet o.

1 Endagembogut 22:32

Yorage mbareegi, it aap nggweendo paga wim eeka inoweewi nogo nen wim namburit nogo logonet, aap Yotapat nogo inigen kogo nogogwaarik, “Aap ti, Iterali inowe endagembogut aret o.” Yogo nogogwaarik, at wariyak nduk, eereegwaarak mendek, at Yotapat oone nggwok ari mbareegi,

2 Mbinineegwaarak 18:30

Unggwi nogo mbareegwa, it aakumi Aram mendek inowe endagembogut nogo nen anggweendo paga wim eeka inoweewi yorage, “It aap ugun inendage warak inom, inendage lek inom, kinom namburiyak mage o. Ata, aap Iterali inowe endagembogut ti mban kinom namburi nanip o.”

Yeremiya 16:6

“O yime aap inendage warak inom, inendage lek inom, ambugwi aret kambugun me, ineebe nggween taambiigwi, inale yogwe, ineenggi mbanggwi, ineeruwak mbanogo pugwi, eerugun lek aret o.

1 Tamuwen 30:2

Kani mbelanogo piinok, kumi inanggok inom, tawe inom, ambiriluk ambi inoorulik tigitogon aret kugun wogoren nogogwaarak.