1 Endagembogut 22:13 - Ala Wone Peenok Peebi Mbanak

¹³ Yogwe iigak, aap Mika wa nawak nduk nappereegerak nogo nen wonok wage logonet, Mika yoge, “An wone ambi yokkege me, liippu o. It peebi eeriyak wone yoraga nogo nen inoone ambit eeppunuk, aap endagembogut wim eeri noorak, Op aret, yogwi me, it yogwi ndak-ndak kat togon, Eeri noorak op aret, yorumunggun o.”

1 Endagembogut 22:13 ပူးပေါင်းရင်းမြစ်များ

1 Endagembogut 22:12

Ari kagak, it peebi eeriyak wone yoraga nogo abok nen togop mban yogo logonet, “Aliku ALA nen o Aramot-Nggileyat ti, kendagembogut keenggime pigin me, inawi paga kwi'nari nak o,” yogo nogogwaarak.

1 Endagembogut 22:14

Yoreegerak kwe, at Mika nogo nen, “At Aliku ALA nen yo'nege kenok mban yorigin abet nombarenok nduk, at mondok eenik menggerak Aliku ALA endage paga yokkigi o,” yoreegerak.

Ndawi 11:1

An nen Aliku ALA abu'me wonage me, Neebe op aret wonage neegak, Kit nen an yo'nogo logonet, “It aap maluk mendek nen Aap iniki koonak mendek inooriyak nduk, Ineegin agale wukwi, Inomaale ineegin agale paga luumbugwi, Namburogo nappuurak nduk o apit me ari unggwogwe, Eekwi ti, pegiyet o. Tiiru oolo yinik kinogo wumbugwi iinok, o miyak ari menggi kwak, eeriyak kenok, It aap iniki abe koonak mendek nogo nonggop arugun, mbaken? Meek me, towe wiganinuk puut paga ari nage menggi kwak, Kat kabuut paga time nak o,” yinuk, yo'nugwi ti, Nonggoti yo'nogo ogotik?

Ndawi 14:1

It aap yuundurak iniki me nen, “Ala eebe lek aret,” mbako menggaarak. Aakumi ti, ineraambe abu maluk lombok logonet, Ogole warak mendek mban eerit nugu menggaarak. It ambiriluk ambi obeelom eekulik maluk mban aret eeko menggaarak.

Ndawi 50:21

Kit ti eerit nugwi kiigak, An onggo eeppinagaga'lek puk aret wonage neegak, At ninom ndak-ndak aret, nombako monggotak kwe, Eerit nogwe nogo paga an nen mbekkirage, Yi aret eekotak o, yinuk, lok togon yokkirage, Eerigin o.

Oteya 7:3

“It maluk eerit nugwi paga inowe endagembogut ale'nggen mbake, It pilit agan nugwi paga inoweewi nagawan-nagawan inikilom mbakwi, Eeko menggaarak o.

Mika 2:11

Aap pilit pugunogo inambokan lagangga ambi nen wage logomenggerik, ari logonet, An perak, anggur amburu inom, kumili aganaka amburu inom, ndonggok togon nonggo logorak yokkirage logogin o, yinuk, yoraga nogo mendek it inobam aret me, inenggela'me logonet yoragak yuurak op aret o,” yinuk, yegerak me, yokkiragi o.