1 Endagembogut 21:8 - Ala Wone Peenok Peebi Mbanak

^8-10 Yoge nagagerik, kwe Iteben nogo nen aap Nabot awi kota inom menggaarak inoweewi inom, aap inendage warak inom, Akap endage paga liiru mbangge logonet, “Kinawuri inambe mage negen a'nuk logorak kuwak eeri woraawak nduk, yoramonggotak kuwak eeri wogwe iinok, aap Nabot ti, it inaame kwippunuk, aap inogogun ambik mbere at Nabot engga loolo kwippiyamonggotak nogo nen at yogo logonet, Ala inom, aap endagembogut inom, meek eerogo piigerak nogo yi aret o, yogwe iinok, wonok endekem wundi nanuk, kambuwak nduk, yugum paga togu eerogo waruwak o,” yinuk, liiru mbanogo aap endagembogut eenggi amburu pega paga eerogo nappereegerak.

1 Endagembogut 21:8 ပူးပေါင်းရင်းမြစ်များ

1 Endagembogut 20:7

Wone ti yoreegwaarak nogo aap Iterali inowe endagembogut Akap nogo konengge nagagerik, o time inoweewi abok aret inayonggo piyareegerak wogo mbareegwa, yorage logonet, “At aap ti, an nakuwi-napuri inom, namendek mbuti perak-emas inom, abok aret wo'niriyak, yegerak o, yinuk, aap nappiya wagaarak nen yo'nogo mbaka, an lek yoroolik, Op aret, yoragarak kwe, kagak aap ti nabenak mban ari yi kogop a? At nano paga yilinogo maluk eeppinanikit, mba'nuk ari me, nit nonggop eeruwok o?”

1 Endagembogut 21:1

Ti'nuk peebi, aap awi Yiteren mendek endage Nabot eyabume anggur awi yarak paga agagerak wone nogo yi aret. At Nabot eyabume anggur awi yarak o Yiteren aap Tamariya mendek inowe endagembogut Akap awi o nggwok abe wurik koorok wonagagerak me,

2 Endagembogut 10:11

Yorage nagagerik, at Yeku nogo nen aap Akap paga wiganak ando piyareegwaarak o Yiteren wonogwe nogo inom, at inom eeko menggaarak inendage warak inom, at inom kunik inom, Ala unde at Akap ake eeko menggaarak inom, ineenik ambi teppiyoolik, abok aret inoorogo piyareegerak.

2 Mbinineegwaarak 32:17

Ndi, aap endagembogut Atiyut mendek nen kunduk, Aliku Iterali inogoba Ala miyuk-meya yogwi nogo mendek wone ambik aret liiru mbangge logonet, “Yi o ndi o yi aakumi ndi aakumi wonogwe abok aret tebenggolagagirak nogo, an neenggime age neyo, inagugi nen non mbambaniyak meek wonagagi kwak, at Kitikiya apuri kunduk, neenggime age neyo, at agugi nen non mbanogo panigin lek aret o,” yinuk, liiru mbanogo nappi wage nagagerak.

Nekemiya 6:5

Ne 4 paga nappiya wogo nogogwaarik, ne ambi paga at Tambalat awot ambi wone ndak-ndak yo'niruwak nduk, nappi wage mbareegi, it aakumi abok ineenu aruwak nduk, liiru eebe mbanak eenggime wonok wagagerak.

Linggineegwaarak 11:16

Yoge mbareegi, at Aliku ALA nen Muta yoge, “Kat nen it aap Iterali inoweewi iniki warak inenggela'me nen aakumi inarum menggaarak inom, inawot lombok eerak ndegeninaka inom, keenu kero, ineebe 70 paga kuwak eeppiinok, an ninom lambungge minggim nawooliya wurik me tungga paga taati kinom mi'nari woraanip o.

Matiyut 27:66

Yorage mbareegi, nogo nogogwaarik, “Yugum narak worekkagaarak kaamun ilik?” yinuk, wa'mbok punuk, it yigin unde nogo nen aap warak pereegwam nogome tum wako logowak nduk, piinok, nogogwaarak.

Urut 4:11

Ari mbareegi, aakumi ambik tu unggwogo menggam wonogogwaarak nogo inom, aap inoweewi nogo inom, nen yogo logonet, “Nit apit ninenggaanom paga aret yagandak me, kwe Leya kunduk, kwe Araken kunduk, nen aakumi Iterali ineebe wiganogo piyareegwaarak nogo ndak-ndak, at Aliku ALA nen kwe kame woraagin ti, togop aret eeppuwak o. Eeppege kenok, it aakumi o Eparata mendek nen, Aap nagawan indo yi, Wi, yogwe, ndi, o Mbe'lekem mendek nen kendage nggwok aret wiganit nogwe, eeko logowak o.

Urut 4:2

Kwi'nage mbareegi, at Mbowat nen it aap o kota time mendek aap inoweewi 10, “Woraanip o,” yorage nagagerik, “Kit yime kwi'nari woraanip o,” yorage mbareegi, time aret kwi'nari wogogwaarak.