1 Endagembogut 21:4 - Ala Wone Peenok Peebi Mbanak

⁴ Yoge mbareegi, aap Yiteren mendek Nabot nen, “Nombomini ineyate nggween wo'nereegwaarak nogo wokkirigin lek o,” yinuk, yoreegerak ti paga at Akap nogo ale'nggen lek a'nuk, iniki aagi wo agan ame nage nagagerik, nogo yege menggim winna'nuk, enete aagi wu eeppunuk logonet, mbi nengga'lek wonagagerak.

1 Endagembogut 21:4 ပူးပေါင်းရင်းမြစ်များ

2 Tamuwen 13:2

Kolaga nogo aap kigin waka'lek awuluk aret wonagagerak me, at Amonon nogo nen, “Nonggop eeppunuk, eerikit,” mbarit unggwage logonet, eebe andi negen eekkolagagerak.

2 Tamuwen 13:4

Amonon yoge logonet, “Noreeluk wae. Kat aap endagembogut aput aret kwe, ko'lu-kii'me ketenggen puru aago mban wonage keege ti, nonggop nduk o? An yo'niru.” Yoge mbareegi, Amonon nen at yoge logonet, “An noreeluk Abatalom awuluk kolaga Tamat ti aret niniki nenet unggwage logonet, ee'nake agaarik o.”

1 Endagembogut 20:43

Yoge mbareegi, at aap Iterali inowe endagembogut nogo anini age nagagerik, etenggen aagi wu aago awi o nggwok abe wurik me o Tamariya aret nagagerak.

1 Endagembogut 21:1

Ti'nuk peebi, aap awi Yiteren mendek endage Nabot eyabume anggur awi yarak paga agagerak wone nogo yi aret. At Nabot eyabume anggur awi yarak o Yiteren aap Tamariya mendek inowe endagembogut Akap awi o nggwok abe wurik koorok wonagagerak me,

1 Endagembogut 21:3

Yoge mbareegi, at Nabot nogo nen onggo yoge logonet, “Nombomini ineyate nggween wo'nereegwaarak yi aret me, an togop eeriyak abu mbaka'lek me, Aliku ALA endage paga abet aret yokkigi o.”

1 Endagembogut 21:5

Togop aago wonage me, akwe Iteben nogo unggwi wage nagagerik, at Akap yoge logonet, “Nonggop nduk kenete aagi wu eeppunuk, mbi nengga'lek agandik?”

Etet 5:13

Yi mendek ndi mendek eeppanugwi yi paga nale'nggen kaakit lak, at aap Yakuri mendek Morekayi nogo aap endagembogut awi wurik tungga paga mban wonage nenegen kage me, nale'nggen lek aret ee'nake o.”

Ayup 5:2

Aap wi negen iniki wakko'net unggwage paga eebe aret wakkolage, Ndi, aap iniki yunduurak nen, An eerikit lak at eeke, Ao, mbarit unggwage paga eebe aret wakkolage, Eeke menggerak o.

Wone Alom Kibingga 6:9

Koloorak uugwe mba'nuk, mugurok mban nogwe ti, o wiya mugurok nogwe kwe, pigoorak meek kwak we aanom warogo aret me, Mbo punuk, “Ninamendek mbuuluk wonage yi aret, kogo o,” mba'nuk, kinale'nggen mbako logorak ti op aret o.

Yunut 4:1

Teppiige mbareegi, at Yunut nen, “Abu neebi a!” yinuk, anini mbareegerak.

Yunut 4:4

Yoreegerak kwe, Aliku ALA nen at yoge logonet, “Kat kanini mbake ti, op aret mbake agandik ya?” yoreegerak.

Yunut 4:8

Mbuk age kagak, oonegen lagi wage mbareegi, Ala nen kooneegerak paga o wiya oonegen lagi wage menggim pa'nggwe nen aganggen ambik lombok warit wage logonet, mo andiigwi lombok tele agan Yunut anobak paga kere-kere eeke logonet, eebe ndeyak a'nuk, “Kambikit aret,” mbake logonet, “An neenik logorak neebi me, kambuurak op aret o,” yinuk, yereegerak.

Yunut 4:9

Yereegerak kwe, Ala nen Yunut yoge logonet, “Nggiyo mbuk agaarak ti paga kanini wungge logorak op mbaken?” Yoge mbareegi, at nen, “Nanini wundiyak op aret mbake agarik o. Nanini mbake logonet, aret kambi o.”

Epetut 4:27

Ibilit nen, “Nanonggwan aga o,” yinuk, kiniki nggagangginake kero, maluk mbuuluk kinikime kumaappunuk logogup o.

Yakobut 1:14

Nit niniki nggagangge nogo ti, aap ambi maluk eeruwak nduk, oone amburu puk-puk niikkenok nage menggi kwak, nit niniki nen eeriyak uugwe mba'nuk aret eeko monggoorak o.

1 Tamuwen 28:23

Yoreegerak kwe, at Tawun nogo nen, “Mbi noorak neebi o.” Ari kagak, kwe nogo inom, Tawun inom eeko menggaarak nogo inom, nen yogo logonet, “Mbi namen o,” inoone nambeerit yogo mbareegwa, at Tawun nogo, “E o,” ari nagagerik, mi'na'nuk, eyo kwi'nogo menggaarak ndoonak paga kwi'nagagerak.