1 Endagembogut 21:22 - Ala Wone Peenok Peebi Mbanak

²² ndi, maluk eerit nage paga Iterali kunduk, maluk eerit nogwe iinok, nanini mbareegirak me, aap Nebat aput Yerobeyam paga wiganak inom, aap Akiya aput Mbayeta paga wiganak inom, eeppiyareegirak kokwak, Akap paga wiganak inom togop aret eeppiige, eerigin, yegerak o.

1 Endagembogut 21:22 ပူးပေါင်းရင်းမြစ်များ

1 Endagembogut 12:30

Eeke mbareegi, aakumi o Ndan kuli nen tapi ogut ogobakkigirik nogo alut eerit nogo nogogwaarak paga maluk nggwok aret eereegwaarak.

1 Endagembogut 13:34

At Yerobeyam nogo nen maluk ti eerit nagagerak paga at apuri wiganak inom inendage lek arit wambi nogo logonet, o nggween paga yime nen inenggaawak mondok lek aret ogo nogogwaarak.

1 Endagembogut 14:16

At Yerobeyam nen maluk eerit nage paga it aakumi Iterali mendek maluk eerit nogwe me, Aliku ALA nen it Iterali mbo piyaagin o,” yinuk, yoreegerak.

1 Endagembogut 15:34

Inarum wonage logonet, aap Yerobeyam eerit nage nagagerak paga Iterali maluk eeko nogogwaarak nogo ndak-ndak, at Mbayeta kunduk, Aliku ALA enegen kagak, maluk mban aret eeke nagagerak.

1 Endagembogut 16:11

At Timiri nogo abu aret endagembogut age nagagerik, wone lengganogo yorage menggim ari laganuk, aap Mbayeta owe-awot inom, oreewi inom, aap ambi yumbunogo teppiyoolik abok wundugun-naagun aret inoorogo piyareegerak.

1 Endagembogut 16:26

At Nebat aput Yerobeyam nogo, yi maluk ndi maluk eeke nagagerak paga it Iterali kunduk maluk eerit nogo logonet, obeelom eeginaburak lek mendek inagugiwak tiyappugwi paga at Aliku inogoba Ala anini mbareegerak nogo kokwak, at Omiri nogo togop aret eerit nage nagagerak paga Aliku Ala anini mbareegerak.

1 Endagembogut 16:3

an nen at Mbayeta paga wiganak inom apit aret inenggaawak lek eerogo piyaakit mbakirak me, aap Nebat aput Yerobeyam paga wiganak inom lek eerogo piyareegirak kokwak, it togop aret inenggaawak lek eerogo piyaagin o.

2 Endagembogut 10:10

At Aliku ALA nen wone abuk nggaruk togon ayeloman Eliya yoge mbareegi, yoragagerak nogo ndak-ndak, Aliku ALA nen aap Akap paga wiganak inom eeppiyoorak yereegerak wone nogo, ambi yobonnarulik a'me lik yereegerak kineenu arumunggup nduk, yokkiragi o,” yinuk, yoragagerak.

2 Endagembogut 9:9

Ti eeke logonet, at Nebat aput Yerobeyam inom, Akiya aput Mbayeta inom, it paga wiganak inom, lek eerogo piyareegirak nogo kokwak, at Akap at paga wiganak inom togop aret eerogo piyaagin o.

Kini Wuppiige 17:13

Aap ambi nen at obeelom eeppege kagak onggo maluk aret eeppege kenok, At ame maluk mban aret wonage logogin o.