1 Endagembogut 21:20 - Ala Wone Peenok Peebi Mbanak

²⁰ Yoreegerak nage mbareegi, Akap nogo Eliya nage enegen kage nagagerik, “Kat nimbirak ogoorak monggoorak yi, o yogondak aret kwaa'naken o.” Yoge mbareegi, at Eliya nen at onggo yoge, “Abet aret kwaakkeegi o. Maluk ayeloman arikit o, yinuk, miike nagandik, Aliku ALA enegen kagak, maluk eerit nage menggendak me,

1 Endagembogut 21:20 ပူးပေါင်းရင်းမြစ်များ

2 Tamuwen 11:27

Maake nagagerik, ogonggelo erabun ndoombunuk wonagagerik, tu mbaninuk wundi wage mbareegi, at Ndawut nen kwe nogo wa nawak nduk nappiyareegerak wonok iri wogo mbareegwa, kwe nogo at aret kolagagerak me, time logonet, Ndawut obaane'me aagaluk aap aret ndareegerak. Ndi, at Ndawut ti eereegerak paga at Aliku ALA nen, “Maluk lombok aret eekerak kagi,” mbareegerak.

1 Endagembogut 16:30

Aap Omiri aput Akap endagembogut aga'lek kagak it aakumi Iterali inoweewi inendagembogut maluk eeko nogogwaarak nogo ti, nggwok aret eeko nogogwaarak kwe, aap Omiri aput Akap perak, Aliku ALA enegen kagak maluk mondok iya lombok eeke nagagerak.

1 Endagembogut 18:17

enegen kenok yoge logonet, “It Iterali naalop-kaalop eerogo piiga nogo kat aret a?”

1 Endagembogut 21:25

Ti yoreegerak nogo ti, Akap akwe Iteben nen ogonggelo maluk eeruwak nduk, inikime manake kagak, Akap nen, “Maluk ayeloman arikit o,” yinuk, miike nagagerik, Aliku ALA enegen kagak maluk mban eerit nage nagagerak kokwak, aap togop ambi lek aret o.

1 Endagembogut 22:8

Yoge mbareegi, it Iterali inowe endagembogut nen onggo Yotapat yoge logonet, “Ninake Aliku ALA yoriyak aap Yimila aput Mika wonage kwe, Wone yo'niru o, yoge neenok, at wone obeelom yo'nege lek maluk mban yo'nege kage me, aap ti mondok neebi o.” Yoge mbareegi, at Yotapat nen, “Kat kendagembogut aret me, togop yugun o.”

2 Endagembogut 17:17

Ti eeko logonet, it inapuri wologwe-komologwe inagugi inake kani kumbiigwi, tili pagangga ogwe, magagirak iyagalo ogwe, ndi, Aliku ALA enegen kagak, “Maluk ayeloman arikit,” mba'nuk, maluk mban eekwi, eerit nogo nogogwaarak paga at Aliku ALA anini mbareegerak.

2 Endagembogut 21:2

At Aliku ALA aa'nduk a'nuk, it yi aakumi ndi aakumi Kanan mendek mugogo wumbiyareegerak maluk ogole warak mendek eeko nogogwaarak nogo, at Manate nen Aliku ALA enegen kagak, maluk ti mendek aret eeke nagagerak.

2 Mbinineegwaarak 18:17

Yoge mbareegi, it Iterali inowe endagembogut nogo nen Yotapat yoge, “At yi, obeelom eeppaniyak yo'negeelik maluk eeppaniyak mban yo'nege menggerak yokkigirak nogo ari yi kagan a?”

2 Mbinineegwaarak 18:7

Yoge mbareegi, it Iterali inowe endagembogut nen onggo Yotapat yoge logonet, “Ninake Aliku ALA yoriyak aap Yimila aput Mika wonage kwe, Wone yo'niru o, yoge neenok, at wone obeelom yo'nege lek maluk mban yo'nege kage me, aap ti mondok neebi o.” Yoge mbareegi, at Yotapat nen, “Kat kendagembogut aret me, togop yugun o.”

2 Mbinineegwaarak 33:6

o Mben-Kinom Kobappaga time at apuri ineenik ngge-ngge agugi ake kani kungge, magagirak iyagalo age, tili pagangge, kuguruwo ayonggo pege, aakumi inogoma wiiraga inowagam nage, kambeegwaarak kin aruwak nduk, eeppiiga inom wone mbani nage, eerit nage logonet, Aliku ALA enegen kagak maluk lombok eerit nage nagagerak paga Aliku ALA anini mbareegerak.

Yetaya 50:1

At Aliku ALA yegerak nogo yi aret. “Kwe yi neebi o, yinuk, wumbege logonet ninarum wonogwe inenggaanom paga liiru mbanogo kagalo wogoreegirak ngge o? Ndi, an nanomat mbanak porogo wonogwe me lek aruwak nduk, keebe waganogo ayeloman logonok nduk wogoreegirak aap ta o? Lek aret o! Kat maluk eeke keenok, aakumi inayeloman logonok nduk, keebe waganogo aakumi wogorage, Kat maluk eeke keenok, Kagalo neebi o, yinuk, mbo pege, Eereegirak o.

Yetaya 52:3

Aliku ALA nen yegerak nogo yi aret. “At Yerutalem ti, at onggo mbanak lek we aret aakumi ineenggime piyareegirak me, Onggo wogoraga'lek we aret waagin o,” yinuk, yegerak me, yokkigi o.

Yeremiya 38:4

Inaruk konembunuk, it aap inoweewi inengga warak ti nen aap endagembogut Terekiya yogo logonet, “At aap ti, it ineegin warak o kota yime awo wonogwe inom, aakumi abok aret inom, yoranet nage paga inomanggen tayenogo piige, iniki ugun tayenak logowak nduk, agan nege lek maluk eekkolaawak nduk agan nege me, at enggaawak mondok lek eeppuurak o.”

Yetikiyen 14:4

Aliku Itok Menggerak ALA nen, Yogop yokkiraga o, yinuk, it yoroorak nogo yi aret. It Iterali mendek ambi nen, Kugi eeko logowok o, yinuk, koonogo punuk eekwi, ndi, iniyogobit lik togon yigeebu wambuwok nduk, ti mban inenggaawak paga punuk mugurok nogwe, eeko logonet, an Ala nen yoge neegak yoraga nogo ari kaawok nduk wogwe iinok, Naliku an ALA wonage neegak, inagugi eerit nugwi nogo ndak-ndak Naliku ALA nalik nen aret wone onggo yoraagin o.

Amot 5:10

It aap tu unggwogo menggam logonet, inowak loonggwi nogo kineebi inombakwi, Inowak loonggo logonet, liirogon mban inowak loonggwi nogo meek inombakwi,

Marakut 12:12

Yorage mbareegi, it nogo nen, “Wone eegu laarogo ti, nit niinok, ari,” yinuk, yelok kogo nogogwaarik, pigaawok nduk eereegwaarak mendek, aakumi ambik mbareegwa, inagabiti nen teppunuk nogogwaarak.

Oroma 7:14

Wone Muta yoreegerak ti, Ala nen aret yoreegerak nineenu kwe, an perak, aakumi aret o. Aap ambi ayeloman onggo mbanggetak me, at oone konembunuk mban eeke menggi kwak, an togop aret maluk eeke logokit nduk maluk ayeloman aret agagirak o.

Nggalatiya 4:16

yogondak kit eeko monggotak an paganogo yokkirage paga kinawim negen ogoorogo panugwi kiigi o.

Epetut 4:19

It maluk eeriyak inagabiti mbaka'lek kumi paga mban iniki lunik logonet, “Ugun-ugun eeruwok o,” mba'nuk, iniki nengge kenok ale'nggen paga eerit nogo menggaarak kwe,

Wayu 11:10

Ndi, it aakumi nggween paga wonogwe nogo abok nen, It aap Ala wone yaga mbere yi nen inoone yogo nagaarak paga nit andi-pandi mondok alik negen eeppinanit nugu nagaarak me, Kayik a! Op kangga o, yinuk, inale'nggen mbako logonet laago lakwi, inamendek tumbut-tumbut eekkologwe, eerugun o,” yinuk, yo'nege kagarak.