1 Endagembogut 21:2 - Ala Wone Peenok Peebi Mbanak

² ne ambi paga at Akap nen aap Nabot nogo yoge logonet, “Kat keyabume anggur awi yarak yi, an nawi o nggwok abe wurik koorok aret me, yi mendek ndi mendek awi yarikit nduk, wo'niru o. Wo'nege keenok, obaane'me an neyabume anggur awi yarak abe ambi wokkiriyak ilik, Wu wo'niriyak, mbake keenok, onggo ndak-ndak wu wokkiriyak a?”

1 Endagembogut 21:2 ပူးပေါင်းရင်းမြစ်များ

Wakkagagerak 16:6

Yoge mbareegi, at Abaram nen akwe Tarayi yoge logonet, “Kayeloman ti, kat kabu'me aret wonage me, kat nen eeppuurak mbakendak nogo ti aret eeppu o,” yoge mbareegi, at Tarayi nogo nen oone andiigwi mban yogak eeke mbareegi, at Agat nogo kole mbaganeegerak.

Wakkagagerak 3:6

Yoge mbareegi, at kwe nogo nen eyo ti pekkage nagagerik, abu obeelom aret mbareegi, “Anggen yugu ti, noorak op aret o. Ndi, nengge neenok, yi wone ndi wone abok aret neenu arigin,” mbake nagagerik, eyoonggen nogo aret mbanogo nenggegerak. Nengge nagagerik, ando aap nogo wogoge mbareegi, aret nenggegerak.

1 Endagembogut 21:3

Yoge mbareegi, at Nabot nogo nen onggo yoge logonet, “Nombomini ineyate nggween wo'nereegwaarak yi aret me, an togop eeriyak abu mbaka'lek me, Aliku ALA endage paga abet aret yokkigi o.”

1 Endagembogut 21:6

Yoge mbareegi, at Akap nen onggo yoge, “An nen aap Yiteren mendek Nabot nogo yoge logonet, Keyabume anggur awi yarak kunikit mbakirak me, wu wokkiriyak ilik, anggur awi yarak, Wo'niriyak, mbake keenok, obaane'me ti aret wokkiriyak a? Yogirak kwe, at nen, Neyabume anggur awi yarak ti, wokkirigin lek o, yo'nege mbaki, niniki aagi a'nuk agarik o.”

2 Endagembogut 9:27

Ndi, aap Yekura inowe endagembogut Akatiya nogo Yoram warak enegen kage nagagerik, anggweendo paga o kota Mben-Kagan kole mbaganit nage mbareegi, at Yeku nen mugurok nage logonet, oone nggwok paga, “Aap Akatiya kunduk wariyak aret o,” yinuk, amugurok o Yibeleyam koorok tu o Nggut paga laganggwi me, taati maale wareegwaarak kunik aret anggweendo wim eeka paga mbaganit o Megiro nage nagagerik, time aret kambeegerak.

Wundeegwaarak 20:17

Aap ambi awi wurik a, akweeluk a, ayeloman kumi-aap a, aanggumi lembu-keledai a, amindik-amendek abok aret kiniki nen uugwe-uugwe mbariyak mage o,” yinuk, wone ti abok aret at Ala nen aret yoragagerak.

Wone Alom Kibingga 2:5

yabu yagat wurogo pit nanuk, iri'ngga-kale'ngga anggen laambu awi yarogo pit nage, yi eyo ndi eyo alitak lombok anggen yege menggerak awi yarogo pit nage, eereegirak.

Ndawi Iya 4:15

Yabu yarak me niyo eneeri abe kilanogo wumbit nage, Puut Libanon paga nen niyo ngganggik-ngganggok wambit wage, eeke menggi kwak wonage, Eerak menggendak o.

Yeremiya 22:17

Togop aret eeko menggaarak kwe, at aput ti perak, enegen kage, inikime koongge, eeke nogo ti, Aakumi wi-wi aganake logonet, eenggi warak eekkoloorak mban koonit nege, It aap maluk eeka'lek iigak inooke, Ineebe tebenogo piige, oone omaawi paga inamendek wagangge, Eerit noorak Iniki ti paga mban panggonak menggerak o,” Yinuk, yegerak me, yagi o.

Lukat 12:15

Yoge nagagerik, Yetut nen aakumi yorage logonet, “Kinamendek apit wonage nogo paga kineenik eeko logorak lek me, uugwe-uugwe mbakwi kiyo, kiniki tum wako logonet, liippogo logonip o,” yoragagerak.

Pelaareegerak 11:10

Nggween kit unggwi nanuk unde eeppatinuk logowam ti, aakumi noorak ake kom yappunuk, niyo mbininogo mambi wogo mengga kwak, kit o Metit paga logonet, yabu aaninggin-paaninggin eerogo yappunuk, anggen mbanogo nonggo nogogutik, wundi wogogu'nom togo'nogo lek o.

Pelaareegerak 5:21

Aap ambi akweeluk a, awi wurik a, eyabu yarak a, ayeloman kumi-aap a, aanggumi lembu-keledai a, amindik-amendek abok aret kiniki nen uugwe-uugwe mbako logorak mage o.

1 Timotiyut 6:9

It aap, “Nineenggi warak eekkolaawok,” mbakwi iinok, Tile nen, “Nanonggwan aga o,” yinuk, iniki nggagangge kagak, pagi keele pugu paga enggaanok nggerok togon wake menggi kwak, it aap ti togop aret perak togon maluk eekwi, ndi, “Yi an neebe paga maluk eekkolage,” mbaka'lek iniki ugun nenet nugwi, eerit nugwi paga yobok togon yigeebu wanggo logonet, ineebe mondok wakkolaagun aret o.

1 Tamuwen 29:6

Yogo mbareegwa, aap Akit nen Ndawut wiireegerak wage mbareegi, yoge logonet, “Kat o maan an neya wagagindak nen yogondak kuli, maluk ambi eeka'lek logonet, kiniki abu koonak, aap abu obeelom lombok nawuri wim eeka kinom a'nuk, wim namburiyak op aret keegirak nogo, abet aret mbake logonok nduk, at eenik menggerak Aliku ALA endage paga yokkege kwe, it aap Pilitin mendek inendagembogut eegu nen perak, ineebi kombakwi me,

1 Tamuwen 8:14

Aap endagembogut mippumonggotak ti nen kinambi yarak inom, anggur awi yarak inom, eyo tayitun awi yarak inom, abu obeelom kero, at mban unde age logomenggerik, awuri at inom eyabu eeko menggaarak nogo tumburirage,

1 Tamuwen 8:6

“Ninowe endagembogut ninarum logowak nduk, aap ambi leenogo mippinanu o,” yinuk, yoreegwaarak nogo, at Tamuwen konengge nagagerik, “It aap yogwe yi, ao!” yinuk, at Aliku ALA yoreegerak.