1 Endagembogut 21:1 - Ala Wone Peenok Peebi Mbanak

¹ Ti'nuk peebi, aap awi Yiteren mendek endage Nabot eyabume anggur awi yarak paga agagerak wone nogo yi aret. At Nabot eyabume anggur awi yarak o Yiteren aap Tamariya mendek inowe endagembogut Akap awi o nggwok abe wurik koorok wonagagerak me,

1 Endagembogut 21:1 ပူးပေါင်းရင်းမြစ်များ

2 Endagembogut 9:21

At Yoram nen wone yereegerak nogo aruk konembunuk, “Kuda nanggweendo paga mbet-mbet aret mbarenogo pinip o.” Yoragagerak mbarenogo piigo mbareegwa, at Iterali inowe endagembogut Yoram inom, Yekura inowe endagembogut Akatiya inom, at Yeku inom lambunuwak nduk, inalitak lombok inanggweendo paga wogogwaarak. Wogo nogogwaarik, aap Yiteren mendek Nabot eyabume onggo kuneegim nogome Yeku inom lambuneegwaarak.

2 Endagembogut 9:25

Kangge mbareegi, at Yeku imbirak anggweendo paga nege menggerak Mbirikat nogo yoge, “Eebe waganogo aap Yiteren mendek Nabot eyabume onggo kuneegim nogome mbo nappu o. Kat an nimbirak nggweendo wim eeka paga lagi nanuk, aap Yoram ogoba Akap ambokan wogwe niigak, Aliku ALA nen Akap eeppuurak yereegerak nogo kiniki aberak agandik ilik?

2 Mbinineegwaarak 28:22

Aap endagembogut Akat nogo nen Aliku ALA liirogon mugurok nage logolik, mbo pegak negen eereegerak kwe, aaninggin oba agak mban age ti paga abunuk mbo pereegerak.

Yetaya 9:13

Togop eeginabeegerak kwe, It aakumi ti nen iniki wakko'nok at inomaluk onggo eeppiiga nogo owagam wogwe, At Omaawi Lombok Menggerak Aliku ALA mugurok wogwe, Eeka'lek aret wonogo agaarik o.

Yeremiya 5:3

Kaliku nogoba ALA o! It aap iniki abu koonak logonet, li'lak eeko menggaarak nogo kenegen pegiinet nage menggendak nogo lek a? Yawi paga inookendak kwe, it nen andi kogwe, Aan lebenogo piigendak kwe, iniki koonnage, Eeka'lek aret agaarik o. It inanobak yugum pogom eeppatinuk, “Ninomaluk mbo puurak, Nineebi,” mba'nuk agaarik o.

Mika 2:2

It nen aakumi ineyabu eerak uugwe mba'nuk kologwe, Inawi wurik uugwe mba'nuk tebenggologwe, Inawi wurik inom, inoreewi ineyate pugu inom, ndinggologwe, Eeko menggaarak.

Yotuwa 19:18

Ari nage mbareegi, it Itakat inanggween mbanogo wogorage logonet, kota-kota inom wogoragagerak ando endage ti, Yiteren, Ketulot, Tunem,

Owak Loongga 6:33

Ne ti eyom paga it aakumi Miriyan mendek inom, Amalek mendek inom, aakumi o karume oonegen wundi wage menggim pa'nggwe mendek inom, inanebunu lombok apit aret kuwak ari woraanuk, yi Yoraran wunda wogo nogogwaarik, o kobappaga Yiteren time inawooliya wuppatinuk, wonogwe iigak,

1 Tamuwen 29:1

It Pilitin mendek wim eeka nogo apit aret o Apek time kuwak eekwi, ndi, aakumi Iterali mendek nogo o Yiteren niyo eneerime koorok time inawooliya wukkologwe, eereegwaarak.