1 Endagembogut 20:6 - Ala Wone Peenok Peebi Mbanak

⁶ ambinom ari logonet, O yogondak yi ndak-ndak ko'lu kuubondendok an nawuri ninom eeke minggirak mambiya woraminggirak unggwi wogo logomenggaarik, at awi o nggwok abe wurik me inom, it at inom eeke menggerak inawi wurik me inom, kwaarit-mberaarit nogo logonet, onggo nggwok nano mendek wonage kenok, abok aret kabe'nuk wundi woraagun, yegerak me, yokkogo o,” yinuk, yoreegwaarak.

1 Endagembogut 20:6 ပူးပေါင်းရင်းမြစ်များ

Wakkagagerak 27:15

Larogo pege nagagerik, oweeluk Etawu ambogoyum obeelom mendek nggerenogo oome pereegerak nogo waganogo awuluk Yakup nogo yippege,

2 Tamuwen 24:14

Yoge mbareegi, Ndawut nen Nggat yoge logonet, “Ai. Togop eeppaniyak ti, niniki aaninggin lombok ee'nake kwe, aakumi ineenggi paga nen eeppaniyak ti mage o. Ata, at Aliku ALA nen ninabuwa nggwok lombok mbake me, at eenggi paga nen eeppinanuwak o,” yoreegerak.

1 Endagembogut 20:5

Yoragagerak aap Mben-Karat yori wundi nogo mbareegwa, at Mben-Karat nogo nen wone ambinom yoruwak nduk, yoragagerak iniyokan aap Akap yori unggwogo logonet, “Aap Mben-Karat nen, At Akap amendek mbuti perak-emas inom, akuwi-apuri inom, abok aret, an kola o, yegerak, yokkogoorak nogo kagak kwe,

1 Endagembogut 20:7

Wone ti yoreegwaarak nogo aap Iterali inowe endagembogut Akap nogo konengge nagagerik, o time inoweewi abok aret inayonggo piyareegerak wogo mbareegwa, yorage logonet, “At aap ti, an nakuwi-napuri inom, namendek mbuti perak-emas inom, abok aret wo'niriyak, yegerak o, yinuk, aap nappiya wagaarak nen yo'nogo mbaka, an lek yoroolik, Op aret, yoragarak kwe, kagak aap ti nabenak mban ari yi kogop a? At nano paga yilinogo maluk eeppinanikit, mba'nuk ari me, nit nonggop eeruwok o?”

Etara 8:27

niyo kilirogo pit nagak togolowak mbuti emas paga ogobakkigirik wu paga kunggwi kenok aaninggin 8 eeppunuk, ambi oolo ari nage nogo mendek wogorage, ndi, togolowak mbere mbuti emas ndak-ndak abu kigirikwe mbuti tembaga abu abe abinak pigan-pigan eeke ogobakkigirik nogo mendek wogorage, eereegirak.

Yetaya 44:9

It aap kugi ogut ogobakkigika ti, abe lek o. Ndi, it ogobakkigippunuk, iniki kunik eekwi ti, aanom warogo aret eekwi, It aap ogobakkigika ti, inigen mbuk kwak logonet eekwi, Kobak logonet eekwi, Eekwi me, Inenggali arugun o.

Yeremiya 25:34

Kit kinenggaanok mbanogo pinagarak eyom muk aret panggoni wage, Niyoowak nggween nggabok paga abe ogobakkigirik wangge logonet, Telenak-mbelenak ma'nage menggi kwak, eekkinaburak eyom ari wage, Eekerak me, Kit aap ndomba ndegeninaka yi wae. Le yogwe, leenggu maakwi, Kit ndomba inarum waka yi wae. Wun paga lagak-mbagak yogwe, Eeko logonip o.

Leendawi 1:10

Awim nen amendek obeelom iniki kundugu nogo waganeegwaarak o. Kaliku ALA nen, “Nawi wurik abu leenak nogome aakumi ugun ungguurak lek an napuri nen mban unggwi nogo logorak,” yereegindak kagak, Yi aakumi ndi aakumi endekem mendek nen unggwi nogwe enegen iyareegerak o.

Leendawi 1:7

O kota Yerutalem nogo aaninggin-paaninggin oba kwi'nage, andi nen yagan wake, eeke ti eyom paga O maan aa'nduk amendek obeelom mban iniki kundugu wonagagerak nogo iniki abe'nage menggerak o. Aagalogwe awim ineenggime agagerak me, it ambi nen at yeenggwaaga'lek aret wonogogwaarak o. At yigirik-noonom eerak awim nen inigen kenok, agi'ndok kanggo nogogwaarak.

Oteya 13:15

It inowe-inawot inenggela'me logonet ineebe aberogon wonogwe kwe, Naliku ALA nen o wiya aganggen mendek oonegen lagi wage menggim pa'nggwe nen nappi woraminggirak karume time nen wage kenok, Inaniyo eneeri poro-poro nage, It inaniyo nggween kabunik me, amburu lek age, Eerigin o. Ndi, inamindik-inamendek onggo iya pogo menggam wonage nogo abok aret aakumi nen wonok ndi yugun o.

Yowen 3:5

It aakumi ti nen aret an namendek mbuti emas inom, namendek mbuti perak inom, namindik-namendek abu abe onggo mondok iya lombok nogo inom, wonok it inagugi ayuk wurit nogo menggam pit nogwe,