1 Endagembogut 20:21 - Ala Wone Peenok Peebi Mbanak

²¹ Mbaganit nogwe me, at Iterali inowe endagembogut Akap nogo nen it Aram mendek muguren-magaren eeginabit nage logonet, inanggweendo wim eeka yigirogo pege, inaguda inom, aap Aram mendek ineebe inom, mondok iya lombok inoorogo piige, eereegerak.

1 Endagembogut 20:21 ပူးပေါင်းရင်းမြစ်များ

2 Endagembogut 3:24

Piyanggogo nogogwaarik, it Iterali inawooliya wurik me nogome unggwi wogo mbareegwa, it Iterali nogo nen pilak yereegwaarak wundi nogo logonet, it aap Mowap mendek nogo inooko mbareegwa, kole mbaganit nogwe me, muguren aret inoorit inanggween tebenggo'net unggwogo logonet,

2 Endagembogut 3:18

Ti eerigin nogo ti, at Aliku ALA enegen kagak, we negen aret eerigin o. Ndi, it Mowap mendek kunduk, Iterali ineenggime piyamenggerak me,

1 Tamuwen 17:52

Mbaganit nogo mbareegwa, it aakumi Iterali mendek inom, Yekura mendek inom, ya-kwa agan it Pilitin mendek muguren nogo mbareegwa, it nogo pelen-pelen mbaganit nogwe me, Iterali mendek nen o Nggat inom, o Ekoron inom, tu Taarayim nogo menggam inoorogo piinet o Nggat koorok tu o Ekoron unggwogo menggam taati kuli piya nogogwaarak.

Owak Loongga 3:28

Wambi wogo logonet, it yorage, “At Aliku ALA nen kinom wim mbanak aakumi Mowap mendek muk nineenggime pinanggerak me, ninom nawok nduk, woraanip o,” yinuk, inom puut paga nen wura wogo nogogwaarik, it aakumi Mowap mendek niyo Yoraran mbanggo menggam tebembunuk, wonogo logonet, aakumi wunda nogwe iyo, non mbambiigo nogogwaarak.

1 Endagembogut 20:20

inom wim mbanak inawuri inalitak lombok inowagam wogogwaarak nogo inooko mbareegwa, aap Aram mendek kole mbaganit nogwe me, Iterali mendek nen muguren nagak inookwi iigak, aap Aram inowe endagembogut Mben-Karat awuri nogo inaguda paga kwi'na'nuk mbaganit nogwe me, at nogo aguda paga kwi'na'nuk, inom mbaganeegerak.

1 Endagembogut 20:22

Ti inoorogo piinet nage mbareegi, at Ala nen yoge kagak yoraga nogo Iterali inowe endagembogut owagam wage nagagerik, yoge logonet, “Peebi eyo anggup lake eyom paga aap Aram inowe endagembogut nen mi'nage logomenggerik, kat kimbirak wim eerigin me, Wogwe iinok, an yogop aret eerikit o, yinuk, kiniki liippunuk koongge, kiniki nu'lek eeppunuk wonage, eeke logot o,” yoreegerak.

Yotuwa 10:20

Yorage nagagerik, at Yotuwa inom, it aakumi Iterali nogo inom, nen aap ambi teppiyoolik, it abok inenggaawak abu lek eerogo inoorogo piyareegwaarak kwe, it ambitak iname kota pak wurik me mbaganit unggwit nogogwaarak nogo mbo piinok,

Owak Loongga 11:33

o Arowet nen inoorit nagagi-nagagi o Minit kota Aben-Keramim kuli kota 20 abok aret mondok pup eerogo piyareegerak. Ti eerogo piyareegerak paga aakumi Amon mendek Iterali inabu'me tebenak aret wonogogwaarak.

1 Tamuwen 19:8

Ti'nuk, aakumi Pilitin mendek nogo inom wim nggagambunuk, at Ndawut nen wundi nage nagagerik, inoba kwi'na'nuk, mondok alik negen inoorit nage mbareegi, it Pilitin mendek nogo kole mbaganit nogogwaarak.