1 Endagembogut 20:20 - Ala Wone Peenok Peebi Mbanak

²⁰ inom wim mbanak inawuri inalitak lombok inowagam wogogwaarak nogo inooko mbareegwa, aap Aram mendek kole mbaganit nogwe me, Iterali mendek nen muguren nagak inookwi iigak, aap Aram inowe endagembogut Mben-Karat awuri nogo inaguda paga kwi'na'nuk mbaganit nogwe me, at nogo aguda paga kwi'na'nuk, inom mbaganeegerak.

1 Endagembogut 20:20 ပူးပေါင်းရင်းမြစ်များ

2 Tamuwen 2:16

Ti eeppunuk, it inalitik-inalitak lombok inenggaanok yomon-yomon a'nuk, ndut kenenak paga at ambi kirip me linggagak, at ambi kirip me linggagak, eerogo patinuk, kambeegwaarak. Ti eereegwaarak paga o Nggibeyon nogome endage, “Ndut Paga Ndanun-Ndanun Yereegwam o,” yinuk, tooneegwaarak.

1 Endagembogut 15:18

Ndi, at Ata nogo nen mbuti perak-emas Aliku ALA awi wurik me pogo menggam wonage nogo inom, at endagembogut ame o nggwok abe wurik me wonage nogo inom, waganogo at inom eeko menggaarak nen wonok aap Tabirimon aput Mben-Karat, Ketiyon ombooluk nogo, it Aram mendek inowe endagembogut o Ndamitik logonet, inarum wonage nogo, wogori nawak nduk, wone eerogo nappiige logonet,

1 Endagembogut 20:19

Nogo awo yorage wonage me, it Iterali inoweewi o lombok unde menggaarak inawuri nogo inaa'nduk a'nuk, ineegin warak abok inom o Tamariya nen wundi nogo logonet,

1 Endagembogut 20:21

Mbaganit nogwe me, at Iterali inowe endagembogut Akap nogo nen it Aram mendek muguren-magaren eeginabit nage logonet, inanggweendo wim eeka yigirogo pege, inaguda inom, aap Aram mendek ineebe inom, mondok iya lombok inoorogo piige, eereegerak.

2 Endagembogut 19:36

Ti eeke mbareegi, aap Atiyut inowe endagembogut Tanerip nogo nen o time mbo punuk, iyokan o Niniwe aret puk ari nagagerak.

Ndawi 33:16

Aap endagembogut ambi nen Awuri apit aago paga agap ndakkolage, Aap yigin unde ambi nen At wakaa'ngget paga ili eekko'nok mbagangge, Eekulik o.

Ndawi 46:6

Yi aakumi ndi aakumi abok aret Inagabiti nen noone-koone agan nogwe, Aap inendagembogut inabu'me piinok menggam iniki a'nggan wo'nogwe, Eerugun o. Ndi, Ala oone nggwok ari kenok, O nggween yi, yigirik-noonom nagin o.

Wone Alom Kibingga 9:11

Oonegen abu'me yime ambi eeke kagagirak nogo yi o. Inogowa ambik kenok inaa'nduk unggwi nogwe, Aap wakaa'ngget kenok, ineegin tiyak ari, Iniki warak kenok, inambi nunggwi, Iniki ngget kenok, ineenggi warak eekkologwe, Ndi, ineenu kenok, obeelom eeppiigwi, Eekulik o. Ata, ti eeriyak abok aret, “Ti eyom paga ariyak,” agaatak me, age menggerak.

Yeremiya 41:15

at Netaniya aput Itimayen awuri ineebe 8 inom aap Yokanan eenggime nen kole mbaganit aakumi Amon mendek wonogwe me nogogwaarak.

Ala Unde 26:8

it Iterali ineebe 5 nen it aap inom wim mbanak ineebe 100 aret tebenogo piigwi, ndi, it Iterali ineebe 10 nen it aap inawim ineebe sepuluh ribu aret inoorogo piigwi, eerit nogo logogun o.

Owak Loongga 7:23

Mbaganit nogwe iigak, it aakumi Iterali mendek inanebunu Natali inom, Atet inom, Manate mendek niyo Yoraran yibagan-enebagan abok aret inom, inawuri ineegin warak woraawak nduk, yonggo nappiyareegerak wogo nogogwaarik, aap Miriyan mendek muguren nogogwaarak.