1 Endagembogut 20:10 - Ala Wone Peenok Peebi Mbanak

¹⁰ Yori wundi nogo mbareegwa, ti'nuk, at Mben-Karat nen aap Akap paga wone ambinom yori ungguwak nduk, awuri yorage logonet, “Nawuri ineegin warak nogo logomenggaarik, at ame o Tamariya yigirogo pemenggaarak aan nogo nggwok negen me, nawuri ninom nege nogo inalitak endak aret ineenggi ambit paga kabu'nuk wogwe iinok ti, Nagugi nen aaninggin lombok noba pangge ilik, nooke a, ti op aret o, yinuk, yogirak me, yigirogo pugu aan nogo abu mbuuluk aruwak nduk, o Tamariya mondok alik negen yigirik-noonom eerogo pi woraagun, mbake logowak, yegerak, yori nanip o,” yinuk, yori unggwogogwaarak.

1 Endagembogut 20:10 ပူးပေါင်းရင်းမြစ်များ

1 Endagembogut 19:2

kwe Iteben nogo nen Eliya yori nawak nduk, aap ambi wone eerogo nappege logonet, “At Eliya waka'lek neenok, kit nen aaninggin noba paniyak kenok, noba panugwi, ndi, nooriyak kenok, nookwi, eeriyak op aret o, yinuk, nagugi yoragarak me, at Eliya nen it aap kugi Mba'an wone unde eerogo piigerak kokwak, an ko'lu oonegen yogobi paga ari naga'lek kagak, at ndak-ndak eerogo pigin, yegerak, yori nak o,” yinuk, eerogo nappereegerak.

1 Endagembogut 2:23

Yoge nagagerik, “At Aroniya wone yo'negerak yi, onggo eebe aret warigin me, Aliku ALA owak mbanggio. Ndi, owak mbanggirak yi, eeka'lek neenok, at Ala aaninggin alik lombok noba paniyak op areto.

1 Endagembogut 20:9

Togop yogo mbareegwa, at Akap nen it Mben-Karat nappiya wagagerak nogo yorage logonet, “Kit nogo logomonggotik, nowe endagembogut yogop yo'nip o. Wone aa'nduk yo'negerak abok aret ti, ayeloman an yi, ndak-ndak eerigin kwe, peebi eerogo nappani wagaarak ti perak, an waganggibok, yegerak o, yinuk, yo'niragaarak yori nanip o.” Yorage mbareegi, Mben-Karat yori wundi nogogwaarak.

2 Endagembogut 18:24

It Metit mendek nggweendo wim eeka inom, kuda paga nen wim eeka inom, yeenggwa niraagun o, yinuk, iniki it paga panggombunuk, wonage kwe, an nogoba inom eeko menggaarak inowe ambit-ambi eebe abu meek aret kwe, imbirak wakkamenggerak kenok, at tebenogo puurak meek aret o.

2 Endagembogut 6:31

Inigen kogwe iigak, at aap endagembogut nogo nen ari logonet, “Aap Tapat aput Elita anobak mbangga'lek teppege neenok, Ala nen aaninggin noba panege, nooke, eeriyak op, yogirak me, togop eeppanukwak, o yogondak enggaanok mbanogo pigin aret o.”

Wundeegwaarak 11:8

It kat kawuri kinom wone koongga nogo abok aret an nabu'me tebe yi woraanuk, inendobanggun yindumbunuk, an yo'nogo logonet, It aakumi mukkeren nugwi nogo kinom abok aret wogoren wundi nak o, yo'nugwi iinok, aret wundi nagin o,” yinuk, yoge nagagerik, Muta nogo etenggen aagi wu eerogo punuk, Pirawun teppunuk aret wundeegerak.

Yeremiya 46:17

Iname nanuk wonogo logonet, It Metit mendek inowe endagembogut Pirawun ti, Op eeppinaniyak nanonggwan kagak we oone mban agan nega at aret, yogo logogun,” yegerak o.

Yeremiya 9:23

Aliku ALA nen yegerak yi aret. “Aap iniki warak ambi nen, Niniki warak me, an iya o, mba'nuk, tiyappake, Aap omaawi ambik ambi nen, Nomaawi ambik me, an iya o, mba'nuk, tiyappake, Ndi, aap eenggi warak ambi nen, An neenggi warak me, an iya o, yinuk, tiyappake, Eerugwaarik o.

Nappiigak 23:12

Ko'lu o weege mbareegi, it Yakuri mendek kuwak eeppunuk wone kote mbanggo logonet, “At Pawulut waka'lek kagak, nit mbi inom, yi inom, ti noorak mondok lek o,” yinuk, Ala endage kumbunuk kumbuk mbaneegwaarak.

Owak Loongga 4:10

Nogo nogogwaarik, at Mbarak nen it aap inanebunu Tebulon mendek inom, Natali mendek inom, aap ineegin warak ineebe sepuluh ribu nogo woraawak nduk, yonggo piyareegerak wogo mbareegwa, inom nogo logonet, at Ndebora nogo inom nogogwaarak.

1 Tamuwen 17:43

Ndawut yoge, “An nggeewo aret nombake nagandik, nooriyak kowaanggun ti, wonok wagandak?” Yoge nagagerik, agugi endage paga Ndawut pulunogo pereegerak.