1 Endagembogut 2:35 - Ala Wone Peenok Peebi Mbanak

³⁵ Ndi, aap inowe endagembogut Talomo nen at Yoyara aput Mbenaya nogo Yowap obaane'me ineegin warak inowe logowak nduk mippege, ndi, at Tarok nogo Ala unde logowak nduk, at Abiyatat obaane'me mippege, eereegerak.

1 Endagembogut 2:35 ပူးပေါင်းရင်းမြစ်များ

1 Endagembogut 1:26

Togop aret kwe, an kayeloman yi inom, aap Ala unde Tarok inom, Yoyara aput Mbenaya inom, kayeloman Talomo inom, ninayonggo puulik teppinanggerak o.

1 Endagembogut 1:33

aap endagembogut nen yorage logonet, “It aap ninom yabu eeko menggaarak kinom nen an naput Talomo nogo, naguda paga kwippogo logomonggotik, wonok niyo eneeri wungge menggim Nggikon time nanip o.

1 Endagembogut 1:38

Yoge nagagerik, aap Ala unde Tarok inom, Ala nen yoge kagak yoraga Natan inom, Yoyara aput Mbenaya inom, aap Kereti mendek inom, Peleti mendek inom, it nen at Talomo nogo aap endagembogut Ndawut aguda paga kwippogo nogogwaarik, wonok niyo eneeri wungge menggim Nggikon nogome aret nogogwaarak.

1 Endagembogut 2:27

At Talomo nen Aliku ALA unde wonagagerak Abiyatat eyabu lek eerogo pereegerak nogo ti, at Aliku ALA nen aap Ala unde Eli apuri inom o Tilo logonet eekwi iinok, yoragagerak nogo a'me lik yereegerak.

1 Endagembogut 4:4

At Yoyara aput Mbenaya nogo ineegin warak inowe wonage, It Tarok Abiyatat imbirak nogo Ala unde wonogwe,

1 Mbinineegwaarak 15:11

Eeke nagagerik, at Ndawut nen it aap Ala unde Tarok Abiyatat imbirak inom, it Lewi mendek aap Uriyen, Ataya, Yowen, Temaya, Eliyen, Aminarap, nogo inom, wiiragagerak wogo mbareegwa,

1 Mbinineegwaarak 24:3

At Ndawut nogo nen it aap Karun paga wiganak Ala alut eeko menggam yabu ambokan-ambokan eeko logowak nduk, aap aago punogo piinet nage kagak, at Eleyatat paga wiganak Tarok inom, at Itamat paga wiganak Akimelek inom, nen Ndawut yeenggwaago nogogwaarak.

1 Mbinineegwaarak 27:5

Tut mbere abu penembunuk, ambokan penenak paga ambi ineegin warak aago eeko nogogwaarak inowe ti, aap Ala unde Yoyara aput Mbenaya aret me, at awuri aago inarum wonagagerak ineebe dua puluh empat ribu aret.

1 Mbinineegwaarak 29:22

Ne ti eyom Aliku ALA enggaanom iniki ale'nggen lombok paga inagi inom, inambi inom, nunggugwaarak. Nunggo nogogwaarik, “At Ndawut aput Talomo ti, ninowe endagembogut logowak o,” yinuk, Aliku ALA enggaanom paga inowe endagembogut logonet, wone lengganogo yorage logowak nduk ne ambinom amburu eerogo mippugwi, at Tarok Ala unde logowak nduk mippugwi, eereegwaarak.

Etara 7:2

Kilikiya ogoba Talum. Talum ogoba Tarok. Tarok ogoba Akitup.

Ayup 34:24

Ineegwa'me wagangga'lek logonet, inendage warak inomaawi ambik wonogwe nogo, At nen yigirik-noonom eerogo piige, It inobaane'me aap alik mippiige, Eeke menggerak o.

Ndawi 109:8

At nda'nagagerak eyom kuwagaluk eerogo pege, At obaane'me eeke logowak nduk, aap alik ambi mi'nage,

Yetikiyen 40:46

Ndi, ko ogoorak ambi ena o omarip paga pa'nggwe koonak wonage nogo ti, it aap Ala unde nen Ala ake warogo kani kunggo logorak nogo inake aret. It Lewi mendek Aliku ALA owagam wa'nuk, enggaanom paga ake eekak yuurak nogo ti, inanebunu Tarok mendek mban aret me, ko ti, at paga wiganak apuri nogo inake aret o.”

Yetikiyen 43:19

It aap Ala unde Lewi mendek inanebunu Tarok paga wiganak ti nen mban an nenggaanom paga aakumi inake eekak yuurak me, aakumi inomaluk lek aruwak nduk, tapi ngguunok awooluk kero, wonok ira wogwe iinok,

Nappiigak 1:20

At Peterut nogo wone ti, yorage nagagerik, ambinom yorage logonet, “At ame nobok lek aret wonogwe, At wonagagim aakumi yinggak-unggwagak eeka'lek wonogwe, Eerak logowak o, yinuk, yereegerak. Ndi, ambi ari logonet, At obaane'me eeke logowak nduk, aap alik ambi mippuwak o, yinuk, mbuku Ndawi mbanak nogo paga mbanak wonage me,

1 Tamuwen 2:35

Aap ambi nen an eeriyak mbake inom, niniki koongge inom, neebe unde logonet, mondok liippunuk, ndak-ndak eeke logowak nduk, leenogo mippatigin o. Mippake logominggirik, at apuri wiganak wogoriminggirak mondok nu'lek logonet, at ambi leenogo amburu eerogo punuk, mippigin nogo, enggaanom mondok-mondok ake eeke logogin o.