1 Endagembogut 2:31 - Ala Wone Peenok Peebi Mbanak

³¹ Yoge mbareegi, aap endagembogut Talomo nen Mbenaya yoge logonet, “At Yowap nen alom lek kagak, aap inooreegerak inamiya an inom, an nowe-nawot inom, ninoba lenggenak wonage nogo lek aruwak nduk, at yegerak nogo ndak-ndak taati aret warogo punuk, nggween taambumunggun o.

1 Endagembogut 2:31 ပူးပေါင်းရင်းမြစ်များ

2 Tamuwen 3:28

Wareegerak nogo at Ndawut aruk konengge nagagerik, ari logonet, “An inom, it nabu'me wonogo menggaarak inom, nogo nen aap Net aput Abenet amiya wumbuulik at Aliku ALA eenu aret me, amiya nit nineenggi paga logogin mondok lek o.

2 Tamuwen 3:29

At Yowap iniki mba'nuk nen aret wakerak me, Abenet amiya ti, at Yowap inom, owe-awot inom, inoba aret logowak o. At owe-awot inenggela'me nen aap ambi anggore'na wungge kagak nege, ambi awin aaga'ne kunik nege, ambi endop maluk waanggun luk nege, ambi wooluwak paga nen wake, ambi mbi abu nen kangge, mondok-mondok togop aret eerit wundi wogo logogun o,” yinuk, yereegerak.

1 Endagembogut 2:30

Yoge mbareegi, at Mbenaya nogo Aliku ALA awooliya wurik me nogome unggwi nage nagagerik, Yowap yoge, “Aap endagembogut nen kat yime logorak lek wundi woraayok, yokkege agaarik o.” Yoge mbareegi, at Yowap nen, “Lek o! An yime kambuurak op aret o.” Yoge mbareegi, at Mbenaya nogo nen wone yoreegerak nogo wonok aap endagembogut nogo yori wage logonet, “Wone an yogop yoge mbaki, at nen ndogop yo'negerak o.”

2 Endagembogut 9:26

At Aliku ALA nen ari logonet, Aap Nabot apurilogwe inom kobit inamiya wunakendak nogo nenegen kagarak o. Inamiya wunakendak inamee'nggo waminggirak nogo aap Nabot eyabume yi aret mbo piyaagin o, yinuk, aap Akap yoreegerak me, at Aliku ALA nen yoreegerak nogo ndak-ndak, eebe waganogo aap Nabot eyabume onggo kuneegim time aret mbo nappu o,” yoreegerak.

Wundeegwaarak 21:14

Ndi, aap ambi nen aap ambi, Warikit o, yinuk, iniki koombunuk waremenggerak kangge kenok, An nookwi iyo, yinuk, kole mbaganit an nake warogo kani kunggo menggam time ari namenggerak kagak kwe, nggiginogo wumbunuk, kambuwak nduk, mondok warogo puwak o.

Kini Wuppiige 28:17

Aap ambi nen aap alik ambi warogo pege logomenggerik, “Eekirak paga noorukwak,” mba'nuk, Ambime nagak ambime nagak eerit-eerit eebe aret kambi nagin me, ili yuurak mage o.

Linggineegwaarak 35:33

Ndi, aap eenggi amiya kenok waremenggaarak ti, op aret kwe, aap ambi warulik kagak warugun kenok ti, inawi aret maluk eerogo patemenggaarak nogo lek aruwak nduk, nggami aanggo wakwi kwak wariyak lek me, o it wonogwe me time enete maluk eerogo puurak ti mage o.

Nappiigak 28:4

it aakumi time mendek nogo nen waalo eenggi eyak kunik wonage inigen kogo nogogwaarik, ambi yogak yogo logonet, “Aap yi, niyome nen obeelom wundi wagaarak kwe, waalo eyak wakerak yi paga aap inooke menggerak kin kogoorak me, eereegerak onggo wogoriyak eyom agaarak me, kambigin aret o,” yereegwaarak kwe,