1 Endagembogut 2:3 - Ala Wone Peenok Peebi Mbanak

³ Aap wakaa'ngget negen logonet, wone lengganak inom, Yogop ee'nu ndogop ee'nu, yugu inom, wone eeko logorak yugu inom, maluk eekwi iyo yorage menggerak inom, eeko logorak wone yugu mbuku Muta liiru mbaneegerak paga inom mbanak wonage nogo, abok aret nggirik-nggerok porogo logonet, at Aliku kogoba Ala nen eeke logorak yokkereegerak nogo abu liirogon eerit nage logonu o. Ti eeke keenok, yi o ndi o yi eekak ndi eekak eerit nege keegak, keenggime ngget-ngget aago mban wonage,

1 Endagembogut 2:3 ပူးပေါင်းရင်းမြစ်များ

2 Tamuwen 8:14

At Ndawut nogo, it Erom mendek tebembiinok logowak nduk, at awuri ineegin warak nogo, o Erom nogome nappiinet nage mbareegi, it aakumi Erom mendek abok aret Ndawut abu'me tebenak aret wonogogwaarak. Ndi, at Ndawut nogo, yi o ndi o wim eerit nege kagak, at Aliku ALA nen Ndawut eegin tiyappege nagagerak.

2 Tamuwen 8:6

Inoorogo piinok, at Ndawut awuri ineegin warak nogo, it aakumi Aram mendek tebembiinok logowak nduk, inawi kota Ndamitik nogome piya nagagerak. Piya nage mbareegi, it Aram mendek nogo, Ndawut abu'me tebenak logonet, inarum wonage onggo wogori wogo nogogwaarak. Ndi, at Ndawut nogo, yi o ndi o wim eerit nege kagak, Aliku ALA nen Ndawut eegin tiyappege nagagerak.

1 Endagembogut 3:3

At Talomo nogo nen Aliku ALA iniki kunik kaawak nduk, ogoba Ndawut nen eeke logorak wone lengganogo yoreegerak nogo, ndak-ndak eeke nagagerak kwe, warogo wogogo menggam puut-puut time warogo wogoge, obari abe kaga nogo mendek inom wogoge, eeke nagagerak.

2 Endagembogut 18:7

Eeke kagak, at Aliku ALA imbirak wonage me, at eeriyak iniki koonggetak nogo, a'me nggelok mban age nagagerak. At nogo nen, “It Atiyut mendek inowe endagembogut nen wone lengganogo yo'nirage logorak, neebi o,” yinuk,

1 Mbinineegwaarak 29:19

ndi, an naput Talomo nogo nen, Eerikit aret, mba'nuk iniki aganggen kerek togon, Yogop ee'nu ndogop ee'nu, wone yugu inom, eeko logorak wone inom, wone lengganak inom, nggirik-nggerok porogo logonet eerit nage, o nggwok abe wuriyak an nen yi mendek ndi mendek kuwak eerogo pigirak nogo paga wuke, eeke logowak nduk, eeppege, eeru o,” yinuk, tamban eereegerak.

Ndawi 119:111

Kat koone aberak logorak yugu nogo nen Nale'nggen eerogo panege menggerak me, Yate kwak an unde logonet, mondok eeke logogin o.

Ndawi 119:138

Aberak logorak koone yugu ti, Eekaatak a'me nggelok eeppiigwi, Niniki ti paga panggombunuk eerit nugwi, Eeko logorak op aret o.

Ndawi 119:2

Aliku ALA aberak logorak wone yugu liippugwi, Iniki ambit eeppunuk, at mugurok nogwe, Eeko menggaarak kenok, inale'nggen aret mbakwi, Eeko logogun o.

Ndawi 19:7

Kaliku ALA yereegindak liiru mbanak nogo ti, Nit aakumi eeppinaniyak ambi yobok yaga'lek mondok ndak-ndak eeppinaniyak mbanak wonage, Nit niniki kinik lek nogo, niniki kinik warak eerogo pinangge, Eeko logorak Kaliku ALA yaga'ndak nogo, niniki ti paga panggonak logorak op me, Nineenggo'lek kenok, niniki warak eeppinanege, Eeke menggerak o.

Wone Alom Kibingga 12:13

Yi mendek ndi mendek eereegwaarak abe inom, maluk inom, kumaarak wonage nogo abok aret, Ala nen wonok inowak loonigin me, wone agan wagarak nogo abok aret liippunuk, irip paga ambit eeko logorak nogo ti, Ala ninagabiti mbakwi, Ndi, “Yogop ee'nu, ndogop ee'nu,” wone yugu nogo porogo logonet, eerit nogwe, Eeko logorak ti aret! Wone yi ti, it aakumi abok nen eeko logorak ti aret o.

Ala Unde 8:35

At Aliku ALA nen ari logonet, Karun apuri inom kambukwak, an ninom lambungge minggim nawooliya wurik tungga'nggi paga liingge inom, oonikiya inom, time mban logonet, Yogop ee'nip o, ndogop ee'nip o, yorage nogo liirogon eekwi iigak, ne 7 aruwak o, yinuk, yo'negerak kenok, yokkiragi o.”

Maleyaki 4:4

“Puut Korep paga nen it aakumi Iterali abok aret yoraawak nduk, wone lengganak inom, eeko logorak wone yugu inom, nayeloman Muta yoge mbareegi, liiru mbaneegerak nogo abeko logowak o.

Pelaareegerak 29:8

Inoorogo piinok, inanggween waganogo aap Uruben mendek inom, aap Nggat mendek inom, anebunu Manate ando mogonak mendek inom, ineyate negen unde eekkolaawak nduk, wogorogogurak o.

Pelaareegerak 29:9

At Aliku kinogoba Ala nen kinombomini Abarakam, Itak, Yakup inom wone abuk nggaruk togon kumbuk mbanogo yorage, kit kunduk wone koonogo yokkirage, eereegerak nogo ndak-ndak, kit at apuri leenogo pinagage, ndi, at kinogoba Ala age, eerubagip nduk, o yogondak aret at Aliku kinogoba Ala kinom wone abuk nggaruk togon koonogo punuk, kumbuk mbanubagip nduk, kinogobamini kinarum menggaarak inom, kinoweewi wone koongga inom, wim wone mbangga kinoweewi inom, kit Iterali aap mban abok aret inom, kinakuwi inom, kinapuri inom, aap nggiru kinom wonogwe kani wuka inom, niyo tooli naga inom, abok aret kuwak eeri wogotak at Aliku kinogoba Ala enggaanom yogondak mi'ndak wonogwe me, yi mendek ndi mendek eerit namonggotak obeelom mban arit nage kaamunggup nduk, eeko logorak yi wone ndi wone abuk nggaruk togon koonak yi, mondok liirogon woppunuk, eerit nogo logomunggup o.

Pelaareegerak 4:1

Muta nen aakumi Iterali yorage logonet, “Kit nowe-nawot Iterali mendek yi wae. At Aliku kinombomini inogoba Ala nen nggween wokkirage nogome unggwi nogo logomonggotik, unde eeppatinuk logonet, kineenik logomunggup nduk, wone lengganak inom, eeko logorak wone inom, an mamunggirage yi, kinaruk liirogon konembunuk, eerit nogo logomunggup o.

Pelaareegerak 4:5

Kit o peebi nggween unde a'nuk, logowam time unggwi nogo logomonggotik, wonogo logonet, mugurok nogo logomunggup nduk, wone lengganak inom, eeko logorak wone yugu inom, at Aliku nogoba Ala nen wone lengganogo an yo'nereegerak nogo ndak-ndak aret mamunggirage nagagirak nogo abeko logonip o.

Pelaareegerak 4:8

Ndi, an nen wone lengganak inom, eeko logorak wone inom, a'me aret nggelok ari menggerak kit unde wonogwe nogo, an yogondak kin eerogo mamunggirage yi kokwak, it inanebunu nggwok ngge nen wone togop ambi unde agaarik mbakop? Lek aret o.

Pelaareegerak 5:1

Muta nen aakumi Iterali mendek abok aret wiiragagerak kuwak ari wogo mbareegwa, yorage logonet, “Kit nowe-nawot Iterali mendek yi wae. Wone lengganak inom, eeko logorak wone inom, o yogondak kinaruk paga pinagage yi, kit nen liirogon mamunggologwe, kinikime liirogon woppunuk eerit nogwe, eeko logomunggup nduk, yokkirage me, kit kinaruk liirogon aret konenggo logonip o.

Yotuwa 22:5

Wunda nogo logomonggotik, at Aliku kinogoba Ala kiniki kunik eekwi, at eeriyak mbake nogo mban eerit nogwe, Yogop ee'nu ndogop ee'nu, wone yugu nogo liirogon eekwi, at paga mban kiniki panggombunuk wonogwe, kiniki inom, kineebe inom, abok aret at mban wogo'nuk mugurok nogwe, eeko logonip o, yinuk, at Aliku ALA ayeloman Muta nen eeko logorak wone lengganogo yokkiragagerak liiru mbanak nogo ti, abu liirogon aret eeko logomunggup o,” yoragagerak.

Yotuwa 23:6

Togop aret me, kit kina agigan agak, ogugan agak, eerugup o. Ata, kiniki yungguppegak eeka'lek mondok nu'lek logonet, eeko logorak wone yugu Muta nen liiru mbaneegerak nogo abok ndak-ndak, liirogon aret eerit nogo logonip o.

1 Tamuwen 18:14

Nappege mbareegi, at Aliku ALA nen imbirak wonage me, yiru-ndiru nege logonet, eeriyak mbake nogo a'me nggelok mban eerit nage nagagerak.

1 Tamuwen 18:30

Ndi, it Pilitin mendek ineegin warak inoweewi nen wim namburiyak nduk, wundi wogo nagaatik, Iterali inom wim eekwi iigak, at Tawun awuri inom nen we ambitak mban inookwi, ndi, at Ndawut awuri inom perak, ambik lombok inookwi, eeko nogogwaarak paga at Ndawut endage tiyak yereegerak.

1 Tamuwen 18:5

Ndi, at Tawun nen Ndawut, “Yogop eeri nak o,” yinuk, nappegetak nogo nage nagaatik, op mban ee'nuk wagak eeke kenok, at Tawun nen at ineegin warak inowe logowak nduk, mippereegerak. Mippege mbareegi, it aakumi Iterali mendek inom, at Tawun inom yabu eeko menggaarak inom, abok aret, “Op aret kogo o,” mbareegwaarak.