1 Endagembogut 2:2 - Ala Wone Peenok Peebi Mbanak

² “O nggween paga yime yi mendek ndi mendek abok aret lek age menggi kwak, an kogoba yi, kilu yuurak eyom panggoni wagaarak me, kat kiniki mondok kogogumbuk eeppatinuk logonet, aap wakaa'ngget mengga kwak logonu o.

1 Endagembogut 2:2 ပူးပေါင်းရင်းမြစ်များ

2 Tamuwen 10:12

Yoge nagagerik, “Kogogumbuk nu'lek logot o. It aakumi nit mendek inili eerogo piigwi, ninogoba Ala nen kota-kota wo'niragagerak ili eerogo pugwi, eeruwok nduk, ninogogumbuk wakaa'ngget eeppunuk, wim eekwi niigak, at Aliku ALA nen eeppinaniyak mbake nogo mban eeppinanege logowak o,” yinuk, yoreegerak.

2 Tamuwen 12:23

Togop eekirak kwe, yogondak napuluk ti, muk aret kanggerak me, an mbi niyo nengga'lek logorak ti paga at eenik arigin mbakop? Lek aret o. At nen iyokan an neya woraagin lek o. An perak, at wonage me aret ka nagin o,” yinuk, yoragagerak.

1 Endagembogut 3:7

Togop aret me, Kaliku nogoba Ala wae. Nogoba Ndawut obaane'me kayeloman an aret inowe nendagembogut logokit nduk, mippanggendak kwe, an neebe awo tawe me, nendagembogut logonet, yi eekak ndi eekak eeke logorak an neenggo'lek tit o.

1 Mbinineegwaarak 22:13

Wone lengganak inom, eeko logorak wone yugu inom, it Iterali eeko logowak nduk, Aliku ALA nen Muta yoreegerak nogo, liippunuk, eerit nage keenok, eeriyak mbake nogo a'me nggelok mban arit nage kaamunggun o. Togop me, kagabiti mbake, kiniki yungguppegak eeke, eekelobok o. Ata, kiniki mondok nu'lek eeppunuk, kogogumbuk logomunggun o.

1 Mbinineegwaarak 22:16

it ando mbuti emas paga, perak paga, tembaga paga, mbuti owak paga, yi mendek ndi mendek abok aret ineenggi amburu paga eeko menggaarak abu ineenu ineenggi lingginiyak meek kinom eeko logorak ambik wonogwe me, o ti, wuru aret o. Ndi, wuke keegak, Aliku ALA kimbirak aret logogin o,” yinuk, yoreegerak.

1 Mbinineegwaarak 28:10

At mban alut eeko logowam awi wuriyak Aliku ALA nen an aret leenogo panegerak kagi, mba'nuk, liippunuk, kogogumbuk logonet, eeke logot o,” yinuk, yoreegerak.

1 Mbinineegwaarak 28:20

Ti'nuk, at Ndawut nen at aput Talomo nogo ambinom yoge logonet, “Kat kogogumbuk kiniki mondok nu'lek eeppatinuk logonet, eerit nage logomunggun o. Aliku Ala ti, an nogoba Ala aret me, at nen teppagage, eraangge mbo paganuk mbagangge, eerigin lek kimbirak keegak, Aliku ALA awi wuremenggenom eeko logorak ti age worok togon aret eerumunggun me, kagabiti mbake, anggon eekkake, eeriyak mage o.

Ayup 16:22

Nanuk iniyokan wogolik me nogome Tahun mande negen eeppunuk, an nagin aret o.

Ayup 30:23

Kambunuk nogo menggam nappaniyak eeke, Ineenik logonuk kuwak eeri nogo menggam nappanege, Eeke nogo ti, neenu aret o.

Ndawi 89:48

Aap ta nen kanggeelik eenik mban wonage, Ndi, aap ta nen aakumi kambunuk nogo menggam nen agap ndakkolage, Eeriyak mbakop? Lek aret o!

Wone Alom Kibingga 12:13

Yi mendek ndi mendek eereegwaarak abe inom, maluk inom, kumaarak wonage nogo abok aret, Ala nen wonok inowak loonigin me, wone agan wagarak nogo abok aret liippunuk, irip paga ambit eeko logorak nogo ti, Ala ninagabiti mbakwi, Ndi, “Yogop ee'nu, ndogop ee'nu,” wone yugu nogo porogo logonet, eerit nogwe, Eeko logorak ti aret! Wone yi ti, it aakumi abok nen eeko logorak ti aret o.

1 Korindut 16:13

Kit kinagabiti lek kinogogumbuk logonet, Ala abet mbakwi nogo paga kiniki kwippunuk, tum pippak wako logonip o.

Epetut 6:10

Wone abu aret yokkiragarak me, age yobok ambi yi yokkira o. Kinowe omaawi ambik nogo paga kiniyok panggombunuk, kinogogumbuk logonip o.

Pelaareegerak 31:23

Mamunirage mbareegi, ti'nuk, at Aliku ALA nen aap Nun aput Yotuwa nogo yoge logonet, “Kat nen it aakumi Iterali mendek yi, Nggween wokkiraagin o, yinuk, abuk nggaruk togon kumbuk mbanogo yoragagim time wogoren unggwi namunggun me, wogoren nage keegak, an lombok nimbirak aret nagin me, kogogumbuk kiniki mondok nu'lek eeppatinuk logot o,” yoreegerak.

1 Timotiyut 4:12

Kat keebe awo tawe aret me nduk, aakumi nen tebenogo pagarak ti mage o. Ari menggendak inom, eeke menggendak inom, aakumi kiniki kunik aganake menggendak inom, Ala wone abet mbake menggendak inom, maluk eerukwak, kenegen tebenak nege menggendak nogo inom, eeke ti paga it aap abet mbako menggaarak kat in wakkagak logonet, eeke logot o.

2 Timotiyut 2:1

Naput kat perak, Keritut Yetut ninom kunik me, Ala iniki kunik nen omaawi eeppagage kagak, nu'lek logonet, eerit nage logot o.

Iberani 9:27

Nit ne mbere paga kambugun lek o. Ne ambit mban kambuurak koonak me, ne ambit kanggwi niinok, Ala nen ninowak loonigin nogo ndak-ndak

Yotuwa 23:14

Ndi, an nogo, it yi aakumi ndi aakumi kambunuk, nggwogoba nogogwam nogome nage agarik o. Nogome nage me, at Aliku kinogoba Ala nen, Yogop eeppiyaakit, ndogop eeppiyaakit, yinuk, obeelom wone koonogo yokkiragagerak nogo, ambi mbeyok yuulik tigitogon a'me nggilik-nggelok eereegerak nogo abu kineenu aret o.