1 Endagembogut 2:15 - Ala Wone Peenok Peebi Mbanak

¹⁵ Yoge mbareegi, at Aroniya nen kwe Mbatiyeba yoge, “Nogoba Ndawut obaane'me an aret Iterali inowe nendagembogut logorak keenu aret o. It aakumi Iterali mendek abok nen inowe nendagembogut logorak nombakaarak kwe, ena laganogo nawuluk Talomo aret nogoba obaane'me endagembogut agaarak ti, Aliku ALA iniki koonggerak paga agaarak o.

1 Endagembogut 2:15 ပူးပေါင်းရင်းမြစ်များ

2 Tamuwen 12:24

Ti'nuk, at Ndawut nogo akwe Mbatiyeba iniki eyak wappege nagagerak. Iniki eyak wappege nagagerik, kwe nogo imbirak nogo yege mbareegi, abila age nagagerik, aagaluk aap aret ndareegerak me, endage Talomo tooneegwaarak. Ndi, at Aliku ALA nen wulaga ti, iniki kunik eeke logonet,

2 Tamuwen 15:13

Aap ambit-ambi wone wonok Ndawut owagam wage nagagerik, yoge logonet, “Aap Iterali mendek abok aret Abatalom inom ariyak mban mbako agaarik o.”

2 Tamuwen 15:6

It aakumi Iterali mendek abok aret aap endagembogut nen inawone amburu mbanogo inowak looniyak nduk, at owagam wogwe iinok, at Abatalom ti eeke nagagerak paga iniki nomonogo at paga mban piige nagagerak.

2 Tamuwen 16:18

Yoge mbareegi, Kutayi nogo nen at yoge logonet, “Lek o, nogoba. At Aliku ALA inom, it aakumi yi inom, aap Iterali mendek abok aret inom, nen leenogo mippegaarak ayeloman an aret me, at nimbirak logorak nduk, puk agarak o.

2 Tamuwen 3:3

Ambokan ndarak ti, aap Naban awi Karemen mendek kwe togwe pereegerak waganeegerak Abigayin aagaluk aap endage Kileyap. Ambokan ndarak ti, aakumi Nggetut inowe endagembogut Talamayi apuluk kwe Maaka aagaluk aap endage Abatalom aret.

2 Tamuwen 3:4

Ambokan ndarak ti, kwe Kagit aagaluk aap endage Aroniya aret. Ambokan ndarak ti, kwe Abitan aagaluk aap endage Tepaka aret.

2 Tamuwen 7:12

Ndi, at perak, nda'nagagerak eyom abu aret panggoni wage kenok, ombomini kambunuk nogogwam wonogwe me, inom yonggonggola nage kagak, an nen at lombok apuluk ndaremenggerak nogo, obaane'me mippege logominggirik, apuluk abu'me piige logowam mondok-mondok logowak nduk, eeppigin o.

1 Endagembogut 1:25

Togop ari keyoolik kwe, o yogondak yi paga at Aroniya nen lembu-tapi inom, tapi aagalogwe inamok warak kero inom, kambin-ndomba inom, ambik aret inoorogo lake logonet, it kat kapuri inom, aap ineegin warak inoweewi inom, aap Ala unde Abiyatat inom, inayonggo pege nagaarik, inom mbi-niyo nonggo logonet, Aroniya aret ninowe endagembogut mippakoo, yinuk, keekok yogo agaarik o!

1 Endagembogut 1:38

Yoge nagagerik, aap Ala unde Tarok inom, Ala nen yoge kagak yoraga Natan inom, Yoyara aput Mbenaya inom, aap Kereti mendek inom, Peleti mendek inom, it nen at Talomo nogo aap endagembogut Ndawut aguda paga kwippogo nogogwaarik, wonok niyo eneeri wungge menggim Nggikon nogome aret nogogwaarak.

1 Endagembogut 1:39

Nogo nogogwaarik, aap Ala unde Tarok nen aakumi amburu eerogo mippiiga toolak Ala awooliya wurik me nen wonok nagagerak nogo, at Talomo anobak paga kilippunuk, oone nggwok eeka trompet nogo oone pu eeko logonet, “Aap Talomo ninowe endagembogut mippogo o,” yinuk, keekok yogo nogogwaarik,

1 Endagembogut 1:5

At Ndawut aput Abatalom ambo'me mendek kwe Kagit aagaluk endage Aroniya nogo, etenggen abu kigirikwe wonagagerak kwe, ogoba nen, “Kobaabut ndogop o,” yinuk, aruk waka'lek wonagagerak me, iniki wogoppake logonet, “An inowe nendagembogut arikit o,” mbake nagagerik, nggweendo wim eeka pipuk eerogo pege, it aap kuda paga yarugu noorak punogo piige, inaa'nduk mbe agan noorak aap ineebe 50 leenogo piige, eereegerak.

1 Endagembogut 2:14

ambi yoge logonet, “Wone mbuuluk ninikime wagarak ambi yokkiriyak wonage o.” Yoge mbareegi, at agalo nogo nen, “Yo'niru o.”

1 Endagembogut 2:16

Togop agaarak me, wone ambiriluk ambi yokkiriyak mbakirak me, yokkege neenok, Neebi, yugun o.” Yoge mbareegi, at Mbatiyeba nen, “Yo'niru!”

1 Endagembogut 2:22

Yoge mbareegi, aap endagembogut Talomo nen at agalo yoge, “Kwe Tunem mendek Abitak ti, at Aroniya koloorak, nonggop nduk yo'nege agandik? At noweeluk aret me, nobaane'me ninowe endagembogut ariyak ti kunduk, op mba'nuk, yo'nege agandik? Ndi, ti yo'nege logomenggendik, aap Ala unde Abiyatat inom, kwe Teruya aagaluk Yowap inom, it kunduk, at abu'me mban logorak yo'niriyak mbakendak ya?”

Kini Wuppiige 21:30

“Aliku ALA tebenogo puwok o,” yinuk, aap iniki warak nogo nen at yogwi, Aap yelok kaga nen, Wone ndogop yogwi niinok, “E o,” yuurak yelok kagarak me yogwi, Aap wone koongga nen iniki liirogon koombunuk yogwi, Eeremenggaarak kwe, meek aret kaagun o.

Ndaniyen 2:22

Wone nobarak ineenu ariyak meek mendek nogo, yelok kaawak nduk, kin eeppege, O yumaak paga wonage abok aret at eenu wonage, Eeke menggerak me, At eebe paga eya mban ndak warak menggerak o.