1 Endagembogut 19:16 - Ala Wone Peenok Peebi Mbanak

¹⁶ ndi, aap Nimiti aput Yeku it aakumi Iterali inowe endagembogut logowak nduk mippege, ndi, aap awi Aben-Mekola mendek Tapat aput Elita ti, kat kobaane'me an nen yoge neegak yoraga logowak nduk mippege, ee'nu o.

1 Endagembogut 19:16 ပူးပေါင်းရင်းမြစ်များ

2 Tamuwen 21:8

Ata, aap Aya apuluk kwe Iritapa nen Tawun obaane'me pereegerak aap mbere, Aromoni Mepibotet imbirak inom, at Tawun apuluk kwe Merap aagalogwe ineebe 5 at ogonggelo aap Mekola mendek endage Mbaritilayi aput Aririyen obaane'me piyareegerak nogo inom,

1 Endagembogut 1:34

Nogo logomonggotik, kat aap Ala unde Tarok inom, kat Ala nen yoge kagak yoraga Natan inom, kimbirak nen, At Talomo aakumi Iterali inowe endagembogut logowak o, yinuk, mippunuk, amburu eeppogo logomonggotik, oone nggwok eeka trompet nogo oone pu eeko logonet, Talomo nogo ninowe endagembogut aret mippako o, yinuk, keekok yumunggup o.

1 Endagembogut 4:12

Aap Akilut aput Mbaana nen o Taanak inom, o Megiro inom, o Yiteren ogu o Taratan peenok nggwe o Mbet-Teyan nen nok, Aben-Mekola nen nok, ene nggwe o Yokemeyan time inom, apit aret wone lengganogo yorage,

2 Endagembogut 2:1

At Aliku ALA nen o wiya nombok-kombok eeke logonet, Eliya mbogut paga wonok lagarak eyom panggoni wage mbareegi, ne ambi paga at Eliya nogo Elita imbirak o Nggilagan nen tu paga nogo logonet,

2 Endagembogut 2:15

Wunda wage mbareegi, it Ala nen yorage kagak yoraga aago o Yeriko mendek nda nen nagiyareegwaarak nogo nen yogo logonet, “Eliya amunggat oba wonagaarak nogo, muk Elita oba agaarak kogo o.” Yinuk, owagam nogo nogogwaarik, abu'me inete wanduk yinuk, Elita yogo logonet,

2 Endagembogut 2:9

Wunda nogo nogogwaarik, at Eliya nen Elita nogo yoge logonet, “An kat teppaganuk, awo wo'neren lagangga'lek kagak, kat nano eeppagarak nogo yo'niru o.” Yoge mbareegi, Elita nen Eliya yoge, “Kat kamunggat koba wonage nogo mban an noba paniyak mage o. Ata, ambinom nggwok togon aret noba panu o.”

Lukat 4:27

Ndi, Ala yoge kagak yoraga Elita wonage eyom paga aakumi Iterali iname time apit aret inawin aaga'ne kunik wonogogwaarak kwe, it ambi inawin obeelom aganabulik aret o. Aap Naman o Tiriya mendek nogo, alik mban awin obeelom eereegerak o, yinuk, abet aret yokkiragi o.”

Owak Loongga 7:22

Nogwe iigak, aap Nggireyon awuri ineebe tiga ratus nen oone nggwok eeka trompet nogo oone pu eeko mbareegwa, at Aliku ALA nen it aap Miriyan mendek ineegin warak it mban-mban wat-wat agan nogo logowak nduk, eeppiige mbareegi, it mban-mban wat-wat agan o Terera pa'nggwe o Aben-Mekola kota Tabat koorok o Mbet-Tita kuli time mbaganit nogogwaarak.

1 Tamuwen 18:19

Yoreegerak kwe, Tawun apuluk kolaga Merap nogo Ndawut wogoriyak eyom panggoni wage kagak, kolaga nogo aap alik ambi awi Mekola mendek endage Andiriyen kolaawak nduk, wogoreegerak.