1 Endagembogut 18:5 - Ala Wone Peenok Peebi Mbanak

⁵ Togop eeke me, Akap nen Obaya wiireegerak wage mbareegi, yoge logonet, “Nit ninaanggumi kuda inom, kuda kwak bagal inom, wonogwe yi, mbi abu nen nit warogo noorak age kero, ineenik logowak nduk, niyo ambet paga inom, niyo eneerime inom, iri'ngga mili wonage kero, o yime ninigen yomboonit nugu logowoko.”

1 Endagembogut 18:5 ပူးပေါင်းရင်းမြစ်များ

1 Endagembogut 18:4

Ti eyom paga kwe Iteben nen aap Aliku ALA nen yorage kagak yoraga ambik inoorit nage kenok, at Obaya nen it aap Ala wone yoraga nogo ineebe 100 wogoren ndo ambime 50 kumaappiige, ndi, ndo ambime 50 kumaappiige, eeke nagagerik, inambi-inagi wogorage nagagerak.

1 Endagembogut 18:6

Yogo nogogwaarik, “An yime nage me, Kat time nak o,” yinuk, at Akap nogo o abeenok ambime nage kagak, Obaya nogo abeenok ambime nage me,

Ndawi 104:14

Tapi-ndomba inake iri'ngga mbilanuwak nduk eeppege, Aakumi nen yi mendek ndi mendek awi yarit nogo logowak nduk, eerogo pege, Eeke keenok Nggween nen nunggwi mendek wogorage nogo yi o.

Yeremiya 14:3

It aap nagawan-nagawan nen inayeloman niyo kwaari nawak nduk nappiigaatak Niyo nggween kabunik me kwaari nagaatak kwe, lek kenok, Niyo toolak lek niyoowak we aret wonok wogo logonet, Nonggop eeruwi? yinuk, inenggali nen inete wandunik aret iniyokan wogo menggaarak.

Yowen 1:18

Ninaanggumi mbi abu nen yinggwe-yanggwe agan nogwe, Inagari'ngga mbanogo nenet noorak lek kenok, lembu-tapi ambi me lingga nagak eerit nugwi, Ninandomba kunduk, mbi abu nen inoone nggininu-ngganinu agan nogwe, Eeko agaarik o.

Yowen 1:20

Niyo nage menggim abok aret porok yi'nage, Inagari'ngga mbanogo nenet nogo menggam karume time kani nen pup eerogo nengge, Eekerak me, Ndiimbu-nggwiya kunduk, Eeppinanuwak lak, ao, yinuk, kat pekkeego logonet, iniki tat warit nogo agaarik o.

Yowen 2:22

Kit ndiimbu-nggwiya yi wae. Iri'ngga mbanogo nenet nogo monggo'nom mili lagangge, Yi eyo ndi eyo anggen yit nage, Eyo wuli inom, eyo anggur inom, kineenggi warak logorak anggen luurogo yege, Eerigin me, Kinagabiti mbarugup o.

Amot 4:8

It aakumi o kota ambime nen kota ambime niyo kwaarit nagak eeko logonet, niyo mbuuluk nenggak eereegwaarak kwe, Niyo abu mban aret wonogogwaarak o. Ti eereegirak kwe, inomaluk mbo punuk iniyokan yungguninuk neya waga'lek aret menggaarak o,” yinuk, at Aliku ALA nen aret yegerak o.

Abakuk 3:17

Eyo wuli nogo anggup lobangga'lek kagak, Eyo anggur nogo anggen yega'lek kagak, Eyo tayitun anggen yega'lek kagak, Yabu yarak me anggen abe mbanggolaga'lek kagak, Kambin-ndomba inanggenogona ambiriluk ambi wonogwe lek iigak, Lembu-tapi inengga'nggo'na ambiriluk ambi wonogwe lek iigak,