1 Endagembogut 18:39 - Ala Wone Peenok Peebi Mbanak

³⁹ Pup eerogo nengge nogo it aakumi inigen kogo nogogwaarik, ina nggween paga yinduk-wanduk a'nuk yogo logonet, “At Aliku ti, Ala aret o. At Aliku ti, Ala aret o,” yinuk, yereegwaarak.

1 Endagembogut 18:39 ပူးပေါင်းရင်းမြစ်များ

1 Endagembogut 18:24

Ti eeko logomonggoorik, kit kinogoba kugi Mba'an endage kunogo wiigwi, ndi, an kunduk, nogoba Aliku ALA endage kunogo yoge, eeruwok o. Eekwi niinok, ninogobamini inalut eeko monggoorak lombok ambi nen ninoone konembunuk, kani paari wage kenok perak, ninogoba Ala ti aret mbaruwok o.” Yorage mbareegi, it aakumi abok aret, “Yagandak ti, op aret me, eeruwok o.”

2 Mbinineegwaarak 7:3

Ndi, it aakumi Iterali mendek abok aret kani kunik mbogut paga nen wambi wage, ndi, Aliku ALA abinak nogo at awi wurik irimbaga nobarogo pege, eeke nogo inigen kogo nogogwaarik, inendobanggun yindumbunuk, inetenggen nggween paga wanduk yinuk, Aliku ALA alut eekwi, Wa, yogwi, eeko logonet, “Kat abu obeelom menggendak o. Kiniki kunik ee'ninake ti, Lek arigin lek mondok kunik logogin o,” yinuk, yoreegwaarak.

1 Endagembogut 18:21

wonogwe me, aap Eliya nogo inowagam panggo yi nage nagagerik, yorage logonet, “Kiniki mbere niyo kom engga paga yenggenak negen wonogwe kiigak, ne mande logomunggup o. At Aliku ti, kinogoba Ala aret kenok, at aret mugurok nogwe, ndi, kugi Mba'an ti, kinogoba Ala kenok, at aret mugurok nogwe, ee'nip o.” Yorage mbareegi, it aakumi nogo inoone ambiriluk ambi yaga'lek puk aret ogogwaarak.

Nappiigak 4:16

“Aap yi, nonggop eerogo piyaawi o? Eerubok mendek eekaarak nogo it Yerutalem menggaarak abok aret ineenu agaarak me, nit nen, Obeelom eerulik, yuurak ti, meek o.

Nappiigak 2:37

Yorage nogo konembunuk, iniki wakkologo nogogwaarik, Peterut inom, it nappiigak ando inom, kin wogiigo logonet, “Noreewi o. Togop me, nit nonggop eeruwi o?”

Yaya 5:35

Aap Yaya ti, ndi wuninik abinak ambik eeke menggi kwak wonagagerak me, eya eekkinake kwak yokkirage nagagerak paga kiniki ale'nggen ne ambiriluk mbakotak kwe,

1 Mbinineegwaarak 21:16

Yoge mbareegi, at Ndawut nogo nen enegen pila ari nagagerik, Aliku ALA ayonggo malayikat nogo, mbogut agi kagak, nggween ogu kagak, oolo taati mi'ndak paloowi o Yerutalem irimbaga titik eerogo nappunuk wonage enegen kage nagagerik, at inom, Iterali inoweewi inom, inayum nibinik maluk mendek yirik logonet, inete wanduk, ngginnogogwaarak.

Owak Loongga 13:20

Kani kuneegerak omoonuk lagangge enggela'me Aliku ALA ayonggo malayikat nogo mbogut paga laganeegerak. Lagangge nogo Manowa akwe imbirak inigen kogo nogogwaarik, inenete wanduk nggween paga ngginnogogwaarak.

Ala Unde 9:24

enggela'me nen kani omoonuk wunuk agan wundi wage logonet, ake warak kani nawak nduk kani kunggo menggam pugu nogo inom, amok leenak pugu nogo inom, abok aret ne ambit wunuk togon nengge it aakumi nogo inigen kogo nogogwaarik, inale'nggen nen keekok yogo nogogwaarik, inendobanggun yindumbunuk, alut eereegwaarak.

Etara 1:3

at Ala o Yerutalem menggerak Iterali inogoba Aliku Ala nogo awi wuriyak nduk, aap at apuri kinenggela'me time o Yekura kota Yerutalem noorak mbake kenok, Ala imbirak aret nagin me, nawak aret o.

Ndawi 100:3

At Aliku ti, Ala aret me, kineenu a'nip o. At nen aret nineebe ogobakkigirogo pinaneegerak me, Nit at mendek aret ogoorik o. Ndomba ndegeninako mengga kwak, Ndegenninake menggerak at apuri nit aret o.

Ndawi 118:27

At Aliku ti, Ala aret o. At eya ninoba pindanogo pinaneegerak me, Kinale'nggen nen laago lariyak nduk, Eyo engga kalenogo wonok kuwak ari wogwe, Aliku ALA ake warogo wogoriyak nogo, Wogogo menggam irip-unggut to ari nogo paga keele maarogo pugwi, Ee'nip o.

Wundeegwaarak 20:2

“Kit o Metit inayeloman agago pinaganuk tebembinagago wonogwe me, wokkiren wundi wagagirak Naliku kinogoba Ala an aret o.

1 Endagembogut 20:13

Ogobak wakwi iigak, aap Ala nen yoge kagak yoraga ambi Iterali inowe endagembogut Akap wonage me owagam ari wa'nuk, yoge logonet, “At Aliku ALA nen yegerak nogo yokkiri o. Aap ineebe nggwok aago wonogwe ti, aap Akap nen enegen iigerak ilik, lek a? Naliku ALA an aret, Akap eenu aruwak nduk, it abok waganogo eenggime pigin, yegerak o.”

2 Mbinineegwaarak 33:13

tamban eeke logonet, Aliku ALA yoge mbareegi, Aliku Ala nen at abuwa warak nggo-nggo logonet yoge, nggino yoge, eeke nogo aruk konembunuk, “Abet aret yo'nege, kagi,” yinuk, iyokan o Yerutalem pi woraanuk, abu'me piinok wonagagim obaane'me unde logowak nduk, eeppereegerak. Ti eereegerak paga aap Manate nogo nen, “Aliku ti, Ala aret kagi o,” yinuk, yereegerak.

Ndawi 50:7

At Ala nen ari logonet, “Kit an napuri yi wae. An Ala aret me, Wone yokkirage yi, kinaruk koneninip o. Kit Iterali yi wae. An kinogoba Ala aret me, Kinaruk konenggwi kiigak Kit eekwi kiigirak nogo yokkiraagin o.

Ndawi 94:16

Ta nen it aap maluk mendek inoone taganogo piinok, an naana'le mbangge, Aap ta nen nimbirak a'nuk, it aap maluk eeka inoone lek eerogo piinok, nawone mbangge, Eerigin mbakop? Lek me,

Yetikiyen 20:5

Yorage logonet, Aliku Itok Menggerak ALA nen wone yegerak nogo yi o, yinuk, it yoroorak nogo yi aret. An nen it Iterali miirinabeegirak ne ti paga, Wone yi abet aret o, yinuk, at Yakup mendek paga wiganak nogo, ninom kumbuk mbaneegirak. It o Metit paga wonogwe me, nomaawi neyaawak nduk, eeke logonet, Naliku kinogoba Ala ti, an aret o, yinuk, kumbuk mbaneegirak.