1 Endagembogut 18:36 - Ala Wone Peenok Peebi Mbanak

³⁶ Ndi, Ala ake warogo wogogo menggam abu kiyoma ari wage mbareegi, aap Ala nen yoge kagak yoraga Eliya nen mi'na'nuk, tamban eeke logonet, “Abarakam inom, Itak inom, Iterali inom, inogoba Kaliku Ala wa! It Iterali inenggela'me inogoba Ala kat aret wonage ineenu ogwe, ndi, an kayeloman eeke yi, abok aret kat yo'nege keenok, eeke ineenu ogwe, eeruwak nduk,

1 Endagembogut 18:36 ပူးပေါင်းရင်းမြစ်များ

2 Endagembogut 19:19

Kaliku ninogoba Ala kat perak, yi aakumi ndi aakumi inabu'me piigo menggam o nggween paga wonogwe yi, abok aret Ala kalik aret wonage ineenu aruwak nduk, Kaliku ALA nen aap ti, eenggime nen ninagap ndaru o, nogoba,” yinuk, tamban eereegerak.

Wundeegwaarak 3:6

Yoge nagagerik, ambinom yoge logonet, “Kombomini Abarakam inom, Itak inom, Yakup inom, inogoba Ala nogo ti, an aret o,” yinuk, yoreegerak nogo at Muta aruk konengge nagagerik, Ala enegen pekkoorak agabiti nen enete nobakkolagagerak.

1 Endagembogut 8:43

kat wonage menggenom mbogut paga wonage logonet, oone karuk konembunuk, yokkege nogo aret eeppege logomunggun o. Togop aret eeppege keenok, it kapuri aakumi Iterali nen kendage tiyanak kenok, kayuk wukwi nogo ineenu ogwe, ndi, an o wukirak yi, Ala awi wurik aret o, yinuk, ineenu ogwe, eekwi nogo ndak-ndak, yi aakumi ndi aakumi o nggween paga wonogwe yi abok aret ineenu ogo logogun o.

Ndawi 83:18

Kat kendage ti, Kaliku ALA aret ineenu ogwe, Ndi, o nggween paga yime abok aret kat kalik Tiyanak Lombok Menggendak liippagagwi, Eeruwak nduk, eeppiyet o.

Epetut 3:14

Togop me, it aakumi mbogut paga mendek inom, nggween paga mendek inom, ninanebunu lombok abok aret, “Ninogoba Ala o,” yinuk, yogo monggoorak nogo, abu'me tebe yinuk,

Epetut 1:17

At ninowe Yetut Keritut ogoba Ala mondok tiyanak menggerak nogo nen, kit kiniki warak eeppinagage, Ala eeke menggerak yelok kaabagip nduk, kineenu eeppinagage, eeke menggerak Aberiniki nogo, ambinom wokkiraawak nduk, kinake tamban eeke minggirak.

Nappiigak 3:1

Ne ambi paga o kiyoma oonegen 3 paga tamban eeko menggaarak me, tamban eeruwok nduk, Peterut Yaya imbirak Ala awi wurik me nogogwaarak.

Yaya 11:42

Kat an noone mondok konengge menggendak nogo, an abu neenu aret kwe, it aakumi ugun mi'ndak wonogwe yi nogo, kat nen nappani wagagindak abet aret mbaruwak nduk, yokkigi o.”

Ndaniyen 12:11

Ala ake ambinom warogo wogoriyak mage o, yinuk yoramenggerak kuli nen nok, Ala awi wurik maluk eerogo puurak mendek ogole warak lombok ambi mippuurak kuli ti, ne seribu dua ratus sembilan puluh aret arigin o.

Ndaniyen 9:21

Awo yoge neegak, an aa'nduk nabi kage logonet, aap negen neya wage kagagirak Nggabiriyen nogo, it aap kiyoma Ala ake warogo wogogo menggam eyom paga wiganinuk mbe agan neya wage kagagirak.

Ndaniyen 8:13

Ti'nuk, at alik leenak ambi nogo nen wone ari mbareegi, at alik leenak ambi nen onggo yoge logonet, “Ko'lu-kii'me ake warogo wogogwi nogo lek age, Ala ambinom mugurok noorak nineebi o, yinuk, inenggaawak lek eerogo pakwi, ndi, at alut eeko menggam alik leenak wonage nogo maluk eerogo pugwi, at mbogut paga menggerak awuri ineegin warak tebenogo piinok, iniyok aan lebenogo piigwi, eekwi kabinggaanggo paga kagandak nogo, eekwi iigak ne mande ari nagin mbaken o?” yinuk, nabi paga yo'nege kagagirak.

Yetikiyen 39:7

Nendage abu abe alik leenak nogo an napuri Iterali kaawak nduk eerigin me, it an nendage abu abe alik leenak nogo maluk eerogo pugwi iigak, an nen ambinom teppiyaagin lek, eeppiige neenok, yi aakumi ndi aakumi nen, Aliku ALA ti, it Iterali inogoba kikak nakeelik alik leenak menggerak at aret kogo o, yinuk, ineenu arugun o.

Yetikiyen 36:23

It nen yi aakumi ndi aakumi inenggela'me logonet, nendage abu tiyanak maluk eerogo pereegwaarak nogo, abu abe alik leenak neyaawak nduk eerigin o. Yi aakumi ndi aakumi inenggaanom paga an kikak nakeelik alik leenak it Iterali mendek neyaawak nduk, eeke neenok, it aakumi inanebunu lombok nen Naliku ALA an aret ineenu arugun o, yinuk, Naliku Nitok Minggirak an ALA nen aret yagi o.

Ndawi 141:2

Obari abe kaga kani kunggwi iinok, Kale'nggen mbake menggen kwak, An tamban eeke nogo ti, karuk konengge, O kiyoma age paga ndomba warogo kani kunggwi iinok, wagangge menggen kwak, Neenggi nippunuk yokkege nogo liippanege, Eerumunggun o.

1 Mbinineegwaarak 29:18

Ninombomini Abarakam, Itak, Iterali, inogoba Kaliku ALA wae. It kapuri iniki nen kake pi woroorak uugwe mbakaarak nogo, mondok-mondok uugwe mbakwi, ndi, Ninogoba Ala kat mban mondok-mondok mukkeren noorak koonggwi, eeko logowak nduk, eeppiige,

2 Endagembogut 5:15

Age nagagerik, aap Naman inom nogogwaarak nogo, Naman inom aap Ala wone liirogon eeka nogo ka wogo nogogwaarik, Elita enaame taati logonet, “O nggween paga yime abok Ala wonage lek Iterali inenggela'me mban wonage nogo o yogondak yi paga neenu agarak me, an kayeloman nale'nggen nen wokkege yi, kolet o.”

2 Endagembogut 1:6

Yorage mbareegi, it nen at onggo yogo logonet, “Nit nogwe me, aap ambi niya wage nagaarik, yo'nirage, At Aliku ALA nen ari logonet, It Iterali wonogwe me time Ala wonage lek kenok, it Ekoron mendek inagugi Mba'an-Tebup nen yoraawak nduk, nggino yoriyak nappiya wagaarak ya? Togop yegerak me, at nogo yege menggim nen mi'narigin lek o. Ata, at nogo yege me time nen aret mondok kambigin, yegerak o, yinuk, aap endagembogut nappinagi wagaarak nogo, wone ti, yori nanip o, yo'nirage mbaki, yokkiri wogo o.”

2 Endagembogut 1:3

Yoragagerak nogwe iigak, at Aliku ALA ayonggo malayikat nogo nen aap Titebe mendek Eliya yoge logonet, “Aap Tamariya mendek inowe endagembogut nen nappiya wagaarak wonogwe ti, kinom lambuni nage logomenggendik, wone yogop yoraamunggun o. It Iterali wonogwe me, Ala lek kenok, it Ekoron mendek inagugi Mba'an-Tebup nen yoraawak nduk, nggino yori nogo agaarik ya? yegerak o.

1 Endagembogut 22:28

Yorage mbareegi, at Mika nogo nen, “Kat wim eeri nage logomenggendik, kiyokan obeelom aret wage keenok, an yokkigirak yi, At Aliku ALA nen yorulik kagak yo'negerak, mbarumunggun o.” Yoge nagagerik, “Kit aakumi apit yi wae. An yagarak ti, liippinip o,” yinuk, yoragagerak.

1 Endagembogut 18:21

wonogwe me, aap Eliya nogo inowagam panggo yi nage nagagerik, yorage logonet, “Kiniki mbere niyo kom engga paga yenggenak negen wonogwe kiigak, ne mande logomunggup o. At Aliku ti, kinogoba Ala aret kenok, at aret mugurok nogwe, ndi, kugi Mba'an ti, kinogoba Ala kenok, at aret mugurok nogwe, ee'nip o.” Yorage mbareegi, it aakumi nogo inoone ambiriluk ambi yaga'lek puk aret ogogwaarak.

Wakkagagerak 32:9

Nappiya wagagerak wogwe iigak, at Yakup nogo tamban eeke logonet, “Nombo Abarakam ogoba Ala inom, nogoba Itak ogoba Ala inom, wa yokkigi o. Kat Kaliku ALA nen, Kame kagalo-kogoba inom, kowe-kawot inom, iya nage logomenggendik, wonage keegak, an obeelom eeppagage logogin o, yo'negendak nogo, nogoba.”

Wakkagagerak 31:53

Wone yugu yi kagak alik ambi eekwi niinok, Abarakam ogoba Ala inom, Nakot ogoba Ala inom, imbirak inogoba ogoba Ala inom, nen nimbirak ninowak loongge logogin o,” yinuk, wone abuk nggaruk togon mbaneegwaarak. Mbanggo nogogwaarik, at Yakup nen, “Nogoba Itak Ayuk Wuke Menggerak nogo owak o,” yinuk, kumbuk mbangge nagagerik,

Wakkagagerak 26:24

Nage nagagerik, oonikiya nogo yege me, at Aliku ALA at owagam wage nagagerik, yoge logonet, “Kat kogoba Abarakam ogoba Ala an aret o. An mondok-mondok karum wonage, ndi, nale'nggen koba pagage logonet, nayeloman Abarakam wone abuk nggaruk togon yoreegirak nogo ndak-ndak kat kapuri-kombowologwe ambik aret wiganogo piige, eerigin me, kagabiti mbarugun o.”

Nappiigak 10:30

Yoge mbareegi, at Koreneliyut nogo nen, “Lek o. Ne ambi paga kiyoma-kiyoma oonegen 3 yogop paga ndak-ndak, an name tamban eeke wonage me, nabinggaanggo kage nagarik, nogo 4 yigirak nogo yokkiri o. Nabinggaanggo kage neegak, abera'lek me aap ambi mbogoyum abinak kwindagala aago an nowagam mi'nari wage nagaarik, yo'nege logonet,

Wakkagagerak 46:3

Yoge mbareegi, Ala nen, “Kat kogoba ogoba Ala nogo an aret o. Kat o Metit namenggendak time keegak, kapuri wokkiriminggirak paga kanebunu nggwok aret wiganugun me, kat nen o Metit noorak kagabiti mbarugun o.

Wakkagagerak 28:13

Nogo eekwi iigak, at Aliku ALA eebe ya'na wurik irip paga mi'ndak wonage logonet, “Naliku kogoba Abarakam ogoba Ala inom, Itak ogoba Ala inom, ti an mban aret o. An aret me, nggween kat keebe nogo yege me yi, kat inom, kat kapuri wigannaremenggaarak inom, unde eeppunuk logobagip nduk, wokkiraagin o.

Wundeegwaarak 4:5

Age mbareegi, Aliku ALA nen, “It aakumi Iterali inombomini Abarakam inom, Itak inom, Yakup inom, at Aliku inogoba Ala nogo nen kat nikkeya wagaarak abet aret kombaruwak nduk, togop aret eeri namunggun o.”

1 Endagembogut 18:35

niyo kilireegwaarak nogo Ala ake warogo wogogak nogo paga taganinuk wangge logonet, pu mbanak nogome yenggenogo pit laganeegerak.

1 Endagembogut 18:37

noone yokkege yi, konenu o. It aakumi yime wonogwe yi, Kaliku ti Ala aret wonage, ndi, inomaluk mbo punuk, iniki yungguk togon kowagam ari woraawak nduk eeppiige, eeke ti, kat aret ineenu aruwak nduk noone yokkege yi, Kaliku ALA karuk konembunuk, onggo yo'nege logoto, nogoba.”

1 Endagembogut 20:13

Ogobak wakwi iigak, aap Ala nen yoge kagak yoraga ambi Iterali inowe endagembogut Akap wonage me owagam ari wa'nuk, yoge logonet, “At Aliku ALA nen yegerak nogo yokkiri o. Aap ineebe nggwok aago wonogwe ti, aap Akap nen enegen iigerak ilik, lek a? Naliku ALA an aret, Akap eenu aruwak nduk, it abok waganogo eenggime pigin, yegerak o.”

2 Endagembogut 1:10

Yogo mbareegwa, at Eliya nen aap ineegin warak inowe nogo yoge logonet, “An aap Ala wone liirogon eeka abet aret kenok, kat inom, kawuri 50 inom, kineebe apit kani namunggup nduk, kani mbogut paga nen kinoba wambi woraawak o.” Ari kagak, kani mbogut paga nen wambi wage logonet, awuri 50 nogo inom abok aret kani nunggugwaarak.

Yetaya 37:20

Kaliku ninogoba Ala kat perak, yi aakumi ndi aakumi inabu'me piigo menggam o nggween paga wonogwe yi, abok aret Ala kalik aret wonage ineenu aruwak nduk, Kaliku ALA nen aap ti, eenggime nen ninagap ndaru o, nogoba,” yinuk, tamban eereegerak.

2 Tamuwen 7:26

Kat kendage mondok-mondok tiyanak logowak nduk, wone yagandak nogo ti, a'me nggelok togon eeke keenok, it aakumi nen, At Omaawi Lombok Menggerak Aliku ti, aakumi Iterali inogoba Ala aret kogo, yinuk, yogo logogun o. Ndi, kat kenegen wo'ninake keegak, an kayeloman Ndawut napuri-nombowologwe wiganak nen mban it kapuri Iterali mondok-mondok inarum logogun o.

1 Endagembogut 20:28

Togop aago wonogwe me, aap Ala wone liirogon eeka nogo wage nagagerik, aap Iterali inowe endagembogut nogo yoge, “At Aliku ALA nen yegerak nogo yokkiri o. It aakumi Aram mendek nen yogo logonet, Aliku ALA ti, kobappaga wonage lek o. Ata, puut paga mban menggerak, yogo menggaarak me, Naliku ALA an aret kat keenu arenok nduk, aap Aram mendek ineegin warak ineebe nggwok alik negen aago ti, keenggime pagagin, yegerak me, yokkigi o,” yoreegerak.

2 Endagembogut 5:8

Ndi, aap Ala wone liirogon eeka Elita nogo nen Iterali inowe endagembogut ayum nibinogo pateegerak aruk konengge nagagerik, wone eerogo nappege logonet, “Nonggop nduk kat kayum nibinogo pakendak? Aap Ala nen yorage kagak yoraga ambi Iterali inenggela'me wonage eenu aruwak nduk, aap ti, nowagam nappi mok o.”

2 Endagembogut 20:11

Yoreegerak nogo at Ala nen yoge kagak yoraga Yetaya nen Aliku ALA yoge mbareegi, Aliku ALA nen oonegen ngge paga ari wagaarak agalu'mak ineenu agak aap Akat ogobakkigirogo mippereegerak nogo paga, agalu'mak enaame paga ari nawak nduk, eeppereegerak.

2 Mbinineegwaarak 30:6

At endagembogut nen liiru mbaneegerak nogo aap nen wogoranet nawak nduk, yorage mbareegi, it aakumi o Iterali wonogwe me inom, Yekura wonogwe me inom, tumburiranet nogogwaarak eebe nogo yi o. “Kit aakumi Iterali mendek yi, wae. Aap Atiyut mendek inoweewi inendagembogut nen kinoorulik ineenggime nen kole mbaganggotak nogo, Abarakam inom, Itak inom, Iterali inom, inogoba Aliku Ala ti, Ninogoba aret o, yinuk, oone ambinom konenggwi kiinok, at kunduk, Kit an napuri aret o, yinuk, kinoone ambinom konengge logogin o.