1 Endagembogut 18:31 - Ala Wone Peenok Peebi Mbanak

³¹ at Aliku ALA nen, “Kat kendage Iterali aret yokkogo logogun o,” yoreegerak aap Yakup apuri inanebunu ndak-ndak yugum 12 waganogo

1 Endagembogut 18:31 ပူးပေါင်းရင်းမြစ်များ

Wakkagagerak 32:28

Yoge mbareegi, at aap nogo nen, Yakup yoge, “Ala inom, aakumi inom, kinom wuk eekkolage logonet, yambunogo piige menggendak me, kat kendage aa'nduk nen Yakup aret kwe, yogondak nen perak, Iterali aret yokkogo logogun o.”

Wakkagagerak 32:29

Yoge mbareegi, Yakup nen at aap nogo yoge logonet, “Kat togon kendage yo'niru.” Yoge mbareegi, at aap nogo nen, “Kat nonggop nduk an nendage kin wo'nege agandik?” Ari nagagerik, ale'nggen oba pereegerak.

Wakkagagerak 33:20

nogome aret Ala ake warogo kani kunggak yuwak nduk, yugum logonogo pege nagagerik, o endage, “Iterali Inogoba Ala Alik Omaawi Menggerak o,” yinuk, tooneegerak.

Wakkagagerak 35:10

Ale'nggen oba pege nagagerik, Yakup yoge logonet, “Aa'nduk nen kendage Yakup yokkogo nagaarak kwe, yogondak nen kat kendage ti, Iterali aret yokkogo logogun o,” yinuk, Ala nen Yakup endage Iterali aret toongge,

2 Endagembogut 17:34

It aa'nduk eeko nogogwaarak nogo o yogondak kuli kunik eekwi aret wonogwe o. It nen wone lengganak inom, wone yugu eeka'lek iinok aaninggin inoba piigo logorak wone inom, eeko logorak wone inom, “Yogop ee'nu ndogop ee'nu,” yugu inom, Aliku ALA nen aap Yakup endage ambi Iterali tooneegerak apuri yoragagerak nogo, liippunuk eekwi, Aliku ALA inagabiti mba'nuk alut eekwi, eeka'lek aret wonogo menggaarak.

Etara 6:17

Ala awi wurik leenogo puurak ake ti, lembu ngguunok 100 inom, kambin-ndomba ngguunok dua ratus inom, ndomba inaagalogwe ngguunok empat ratus inom, warogo wogogwi, ndi, it Iterali inomaluk lek eerogo piyoorak nduk, Iterali inanebunu ndak-ndak inake kambin ngguunok 12 warogo wogogwi,

Wundeegwaarak 24:4

Yogo mbareegwa, at Muta nen Aliku ALA yoreegerak nogo tigitogon aret liiru mbaneegerak. Liiru mbangge nagagerik, ko'lu kuubondendok eenik a'nuk puut abu'me taa'nogo aret Ala ake warogo kani kunggak yuwak nduk, yugum logonogo pege, ndi, it Iterali inanebunu 12 nogo ndak-ndak yugum 12 kuli aret mippege, eerogo pereegerak.

Yetaya 48:1

At Ala nen ari logonet, “Nit ninendage Iterali aret, yogwe, Nit Yekura paga nen wiganak o, yogwe, Aliku ALA endage kumbunuk kumbuk mbanggwi, Nit Iterali mendek ninogoba ti, Ala aret o, yinuk, yogwe, Eekwi kwe, Inoone abet aret yogwe, iniki abe koonak logonet yogwe, eeka'lek we aret nendage kumbunuk yogwe, O kota abe alik leenak aret ti, nit ninaworak ninawi aret o, yogwe, Iterali inogoba Ala endage Omaawi Lombok Menggerak Aliku ALA yogwe nogo paga iniki panggonak wonogwe, Eeko menggaarak Yakup paga wiganak ti, An wone yorage yi, inaruk konenggo logowak o.

Yeremiya 31:1

Aliku ALA nen ari logonet, “Ti eyom paga it aakumi inanebunu Iterali mendek abok aret inogoba Ala an aret me, it an napuri aret logogun o,” yinuk, yegerak o.

Yetikiyen 47:13

Aliku Itok Menggerak ALA nen yegerak nogo yi aret. “It Iterali inanebunu 12 mendek inanggween yate unde eeppatinuk logowak nduk, tumburogo kuli mbanogo wogorage logonet, at Yutup nggween mbere mbanogo wogoriyak kwak wogoroorak nogo yi aret o.

Epetut 2:20

O wuruwok nduk, o eyak aa'nduk wurabak kwak ti, Keritut Yetut aret o. Ndi, o eebe wurit laganggo logonet, abena pugu kwak ti, it nappiyareegerak mendek inom, it aap Ala wone yoraga mendek inom, nogo it aret. Ndi, ogumbaga pugwi kwak ti, nit abet mbareegurak Ala apuri nit nineebe aret o.

Yotuwa 4:20

Ndi, niyo Yoraran inikime nen yugum 12 wonok wundi wogogwaarak o Nggilagan paga logonogo pereegerak nogo

Wayu 21:12

Ndi, o wa'nagat wurik ti, mondok iya tiyarogon wurik me, tu pak mbanak 12, ndi, tu pak mbanak unde nogo ti, it malayikat ineebe 12 mban wonogwe iigirak. Ndi, tungga eebe paga aakumi Iterali inanebunu 12 nogo inendage liiru mbanak wonage kagarak.