1 Endagembogut 18:27 - Ala Wone Peenok Peebi Mbanak

²⁷ Wone onggo yoraga'lek mban kagak o liingge ari wage mbareegi, at Eliya nen it meek eerogo piige logonet yorage, “At Mba'an ti, kinogoba nogo lek a? At awo iniki koongge, iniki taganak eerit nage, o ambime nage, nogo yege me, eenik eeppuurak nduk, tokkiige, eeke kero, kinoone omaawi togon wii'nip o.”

1 Endagembogut 18:27 ပူးပေါင်းရင်းမြစ်များ

1 Endagembogut 18:26

Yorage mbareegi, tapi nogo wa nanuk wonok wogora wogo mbareegwa, warogo kani ndoonak paga nippunuk, o kuubondendok nen nok, liingge inagugi Mba'an endage kunogo wiigo logonet, “Ninogoba Mba'an wae. Ninoone konenu o,” yinuk, inoone nggwok paga yogak mban eekwi, kani ndoonak yendok-wandok yagan yobak-nggolak yogwe, eereegwaarak kwe, inogoba nogo oone ari, wone onggo yorage, eeka'lek aret wonagagerak.

1 Endagembogut 18:28

Yorage mbareegi, inoone abunuk omaawi paga yogwi, it eeko menggaarak ndak-ndak, kumili negen inobaloowi paga, inawooluwak paga, inagabolo paga inamiyarimbo eerogo patit nogwe, eerit nogwe iigak, o kiyoma Ala ake warogo wogogo menggam aret ari nagagerak kwe, inagugi nogo nen oone ari, wone onggo yorage, liippiige, eeka'lek aret wonagagerak.

1 Endagembogut 22:15

Yoge nagagerik, Mika nogo aap endagembogut owagam wage mbareegi, aap endagembogut nen Mika yoge logonet, “Mika wae. Nit o Aramot-Nggileyat time it ninom wim eeri noorak op ilik, puk aruwi a?” Yoge mbareegi, at Mika nogo nen, “At Aliku ALA nen o Aramot-Nggileyat ti, kendagembogut keenggime pigin me, inawi paga kwi'nari nanip o,” yoreegerak.

2 Mbinineegwaarak 25:8

Yokkigirak kagak kinom a'nuk, kinogogumbuk logonet, kinomaawi paga wim eeri namunggup kenok, Ala ti, ineegin tiyak yuwak nduk eeppiige, tebek yuwak nduk eeppiige, eeke menggerak me, kat wim eeke keegak, kawim nen tebenogo pagawak nduk, Ala nen keegin tebenogo pigin o.”

Ndawi 121:4

At Iterali inarum menggerak nogo, Nogo lomok ari, nogo yege, eeka'lek kinarum wonage, Eeke menggerak o.

Ndawi 39:3

Noone yuurak kani omoonuk negen ee'nake, Ninikime koonit nage neegak, Kani eyak ndi wuke menggi kwak ee'nake, Eeke nagaatik, Noone yoge logonet,

Ndawi 44:23

Togop aret me, nogoba o. Kat nonggop nduk nogo yege agandik? Mi'naru o. Kat mondok-mondok mbo pinanege ti mage. Pilak yu o.

Wone Alom Kibingga 11:9

Wulaga tawe yi wae. Kat awo tawe wonage logonet, kiniki ale'nggen mbake, Kat awo tawe paga kiniki ale'nggen nen eerit nage, Eeriyak eekkake nogo mugurok nage, Kenegen kenok eerit nage, Eeke logorak ti op aret kwe, Yi eekak ndi eekak eeremenggendak abok aret nogo paga Ala nen kowak loonigin mbake logot o.

Yetaya 41:23

Peebi arit woroorak wone nogo yo'niroorak a? Kit kugi aret, nineenu aruwok nduk, peebi eeppinani woroorak wone ambi yo'niraanip o. Wi! yinuk, kinayuk wuruwok nduk, ambi ee'nip nda! Maluk ilik, obeelom a, ee'nip mban!

Yetaya 51:9

Kaliku ALA wae. Pilak yu o. Pilak yu o. Yum yiko mengga kwak, komaawi eekkolage, Komaawi togon eerit nage, Eeke logot o. Aa'nduk togon eeke nagagindak kwak pila yinuk eeke, Ninombomini aa'nduk ndarak iigak eerit nage nagagindak kwak eerit nage, Eeke logot o. Waalo kole Arakap nogo ndanuk togon wake, Waalo aakumi inooka nogo nggarenak-pugunik eerogo pege, Eereegindak Kat aret nogo lek a?

Yetikiyen 20:39

It Iterali mendek ti perak, Naliku Nitok Minggirak an ALA nen wone ambi yoroorak yokkege nogo yi aret. It Iterali mendek ti, inalitik-inalitak lombok nen inagugi ogut eerak ayuk wurit nogo logowak o. Togop eerit nogo logomenggaarik, irip paga an noone inaruk konembunuk, inagugi inake pugwi, aanggo warogo wogogwi, eekwi paga an nendage abe alik leenak maluk eerogo pugwi nogo ambinom maluk eerogo pugun lek o.

Matiyut 26:45

Tamban eeppunuk, it at oone waganggwi nogo inowagam wage nagagerik, “Kit yonggonggologo logonet, nogo mban yogo logorak mbako ogotik ya? It maluk eeko menggaarak nen an aap aret nda'nagagirak neebe nooruwak nduk wogoroorak eyom muk panggo yi wagaarak yi kaanip o.

Marakut 14:41

Puk ogo mbareegwa, ne mbere paga yora wagagerak me, ti'nuk, peebi ne ambi paga wage nagagerik, yorage logonet, “Kit yonggonggologo logonet, nogo mban aret yogo logorak mbako ogotik ya? It maluk eeko menggaarak nen an aap aret nda'nagagirak nogo neebe nooruwak nduk wogoroorak eyom abu panggo yi wagaarak me, abu aret o.

Marakut 7:9

Yorage nagagerik, ambinom yorage logonet, “Kit kinombomini eeko nogogwaarak wandek me eeko logorak mba'nuk, at Ala nen, Yogop ee'nu, ndogop ee'nu, yereegerak wone mbo pugwi yi, kit obeelom aret kiigi o.