1 Endagembogut 18:21 - Ala Wone Peenok Peebi Mbanak

²¹ wonogwe me, aap Eliya nogo inowagam panggo yi nage nagagerik, yorage logonet, “Kiniki mbere niyo kom engga paga yenggenak negen wonogwe kiigak, ne mande logomunggup o. At Aliku ti, kinogoba Ala aret kenok, at aret mugurok nogwe, ndi, kugi Mba'an ti, kinogoba Ala kenok, at aret mugurok nogwe, ee'nip o.” Yorage mbareegi, it aakumi nogo inoone ambiriluk ambi yaga'lek puk aret ogogwaarak.

1 Endagembogut 18:21 ပူးပေါင်းရင်းမြစ်များ

Wakkagagerak 24:50

Yorage mbareegi, it Laban Mbetuwen imbirak nen yogo logonet, “Wone arit wagaarak yi abok aret ti, at Aliku ALA nen mban koonit wagaarak me, nit nen wone maluk-obeelom ambi kat yokkirugun mondok lek o.

Wakkagagerak 44:16

Yorage mbareegi, at Yekura nen ari logonet, “Ninogoba o. Nit nonggop yokkiruwi. At Ala nen aret nit kayeloman mini maluk eekkologogurak onggo aret eeppinanege me, nit nonggop togon, Nit lek o, yinuk, ninaana'le mbanggoloorak? Nit nen ambi yuurak mondok lek aret o. Nit togon, aap kat kaniyoowak egaruna yonggolak waganggerak nogo togon, abok aret kat ninogoba kayeloman aret agago tebenninaburak o.”

1 Endagembogut 18:20

Yoge mbareegi, aap Akap nogo nen it Iterali wonogwe me abok aret inayonggo piyareegerak inom, ndi, kugi Mba'an wone unde nogo inom, puut Karemen nogo paga kuwak ari nogogwaarak

1 Endagembogut 18:39

Pup eerogo nengge nogo it aakumi inigen kogo nogogwaarik, ina nggween paga yinduk-wanduk a'nuk yogo logonet, “At Aliku ti, Ala aret o. At Aliku ti, Ala aret o,” yinuk, yereegwaarak.

2 Endagembogut 17:41

It aakumi yi nen at Aliku ALA alut eeko logonet kwe, inagugiwak inom aret tiyappit nogo nogogwaarak me, yogondak inapuri-ino-mbowologwe kunduk, inombomini eeko nogogwaarak nogo ndak-ndak aret eekwi wonogwe o.

1 Mbinineegwaarak 17:26

Kat Kaliku ti, Ala aret o. Ndi, kat wone abe mban koonogo an kayeloman yo'negendak me,

2 Mbinineegwaarak 33:13

tamban eeke logonet, Aliku ALA yoge mbareegi, Aliku Ala nen at abuwa warak nggo-nggo logonet yoge, nggino yoge, eeke nogo aruk konembunuk, “Abet aret yo'nege, kagi,” yinuk, iyokan o Yerutalem pi woraanuk, abu'me piinok wonagagim obaane'me unde logowak nduk, eeppereegerak. Ti eereegerak paga aap Manate nogo nen, “Aliku ti, Ala aret kagi o,” yinuk, yereegerak.

Ndawi 100:3

At Aliku ti, Ala aret me, kineenu a'nip o. At nen aret nineebe ogobakkigirogo pinaneegerak me, Nit at mendek aret ogoorik o. Ndomba ndegeninako mengga kwak, Ndegenninake menggerak at apuri nit aret o.

Ndawi 119:113

It aap iniki mbere wonogwe nogo Neebi lombok inombake minggirak kwe, Koone yugu Muta nen liiru mbaneegerak nogo perak, Niniki kundugu minggirak o.

Oteya 10:2

It ti, inoone abe yogwe kwe, iniki alik koombunuk yogwe me, It maluk eekwi onggo inobaalombok aret nggelenogo pako agaarik o. It inayuk wukwi inake warogo wogoragak ogobakkigirogo pit nogogwaarak nogo, Aliku ALA nen yinik-minik eerogo pit nage, inagugiwak ogobakkigirogo mippit nogogwaarak nogo, yigirik-noonom eerogo pit nage, Eerigin o.

Matiyut 22:12

yoge logonet, Wulaga. Laago nunggo logonet, yum yiko menggaarak nogo mendek kat yirik lek nonggop nduk yime unggwi wagandak? Yoge mbareegi, aap nogo oone lek puk agagerak.

Matiyut 22:34

It aap Pariti mendek nen Yetut aap Taruki inoone taganeegerak inaruk konenggo nogogwaarik, kuwak eeppunuk,

Matiyut 22:36

“Ngguru wae. At Ala nen, Yogop ee'nu, ndogop ee'nu, yereegerak Muta liiru mbaneegerak nogo, wone alom ambi iya lombok ti, ngge kagandak o?”

Matiyut 6:24

Yorage nagagerik, ambinom yorage logonet, “Aap ambi nen ogobamini mbere inayeloman a'nuk, inake eeke logorak meek o. Imbirak inake eerit nage kenok, ambi eebi ombake logonet, ambi iniki kunik ombake, ndi, ambi nen eeriyak yoge nogo, yanggorogon eeke logonet, ambi nen eeriyak yoge nogo eebi ombake, eerigin o. Kit nen Ala inom, nggween paga mendek kineenggi warak eekkologwe nogo inom, imbirak lambumbunuk, mugurok noorak ti meek o.

Lukat 6:13

O weege mbareegi, at oone waganggwi nogo woraawak nduk, wiiragagerak wogo mbareegwa, aap ineebe 12 miirogo leeninake nagagerik, inendage, “Nappiigak,” aret tooninabeegerak.

Oroma 3:19

Ti kenok, Ala nen, “Yogop ee'nu, ndogop ee'nu,” yinuk, wone Muta yoreegerak nogo abok aret it woppunuk eeko menggaarak ti, inake aret nineenu me, it yi aap ndi aap o yime menggaarak abok aret inoone lek agago piinok, “Nit abok aret maluk eekwi onggo eeppinanigin kogo o,” yinuk, yelok kaawak nduk, wone Muta yoreegerak kogo ogoorik o.

Pelaareegerak 4:35

Ala nen eerit wagagerak abok aret kinigen kogotak ti, at kokwak ambi wonage lek o. At Aliku ti, Ala alik aret mbarumunggup nduk, eereegerak o.

Yotuwa 24:15

Ndi, kit nen at Aliku ALA mban mugurok noorak ti, kineebi mbakwi kenok, kinombomini nen niyo Eparat enebagan logonet, Aliku ALA mugurok nogwe obaane'me it kugi eeko nogogwaarak nogo, mugurok nogo logorak a, it aap Amori mendek inanggween paga kit wonogo logonet, Aliku ALA mugurok nogwe obaane'me inagugi mugurok nogo logorak a, nogo ti, o yogondak yi paga aret kit mban miikkolaanip o. An, nakwe, napurilogwe ninom perak, at Aliku ALA mban aret mugurok nogo logogun o,” yinuk, yoragagerak.

1 Tamuwen 7:3

mbakwi iigak, at Tamuwen nen aakumi Iterali mendek abok aret yorage logonet, “Kit kiniyokan at Aliku ALA abu'me abet aret ari woroorak mbakwi kiinok, kugigwe Atitoret inom, Ala obaane'me it aakumi alik mendek inagugi inayuk wukwi nogo mendek inom, abok aret mbo punuk, melak togon kiniki Aliku ALA wogo'nuk, at mban mugurok nogwe kiinok, aakumi Pilitin mendek ineenggime nen kinagap ndarigin o.”