1 Endagembogut 18:12 - Ala Wone Peenok Peebi Mbanak

¹² yori nage neegak, Aliku ALA Aberiniki nen kat wokkeren o an neenggo'lek me pagi namenggerak wonage keegak, aap Akap pekkeya wage logomenggerik, keebe lek keenok, an noorigin aret o. Nooriyak aret kwe, an kayeloman yi, wulaga mbuuluk paga nen aret Aliku ALA mugurok nage minggirak me, op aret o.

1 Endagembogut 18:12 ပူးပေါင်းရင်းမြစ်များ

1 Endagembogut 18:11

Togop me, yogondak, Eliya time wonage, kogoba yori nak, yo'negendak nogo ti,

2 Endagembogut 2:11

Yoge nagagerik, imbirak wone mban-mban tu paga nogwe me, abera'lek me kani wuninik negen kuda nen nggweendo nikkenok wogo nogogwaarik, Elita ogoorogo punuk, o wiya nombok-kombok eeke kagak, at Eliya nogo aret wonok mbogut paga laganggwi iigak,

2 Endagembogut 2:16

“Wone yokkugwi yi, liippu o. Nit kayeloman mini ninenggela'me yime Eliya kwaari noorak inobam aap ineebe 50 wonogwe me, Aliku ALA Aberiniki nen kogoba ti, wonok puurom paga pi nagaarak a, alu'me pi nagaarak a, it kwaari nawak o.” Yogo mbareegwa, at Elita nen, “At kwaari noorak yoroorak mage o.”

2 Mbinineegwaarak 34:3

At wone lengganogo yorage kagak tahun 7 eeppunuk, ambi age paga awo tawe logonet, “Nombo Ndawut ogoba Ala mugurok naakit aret o,” yinuk, mugurok nage logonet, wone lengganogo yorage kagak tahun 11 eeppunuk, ambi eeke paga o maluk agaatak lek eeruwak nduk, eyoongga kalenogo nggoorogo wumbit nogo mengga kwak, o Yekura inom, Yerutalem inom, enete maluk agagerak me, oba nggoorogo wunnake logonet, puut-puut paga inagugi eeko menggam inom, obari abe kaga inake kani kunggo menggam irimbaga wonage nogo inom, minogo pege, kugigwe Atiyera arelen yinik nogo kalenak-pugunik eerogo pege, inagugiwak eyo paga ogobakkigirik inom, mbuti paga kugi ogut longgo warak inom, yigirik-noonom eerogo pege, eeke nagagerik, yigirik nogo wonok it aap inake warogo wogorogo nogogwaarak unde kambeegwaarak nggween taambiyareegwam nogome yumbunogo pit nage,

Ndawi 71:5

Kaliku Kitok Menggendak ALA wae. An wulaga tawe paga nen nok, yogondak kuli niniki kat paga lunik wonage, Kat paga niniki panggombunuk wonage, Eeke agarik o.

Kini Wuppiige 8:13

Aliku ALA inagabiti mbakwi ti, “Maluk nineebi o,” mbakwi ti aret. Iniki wogoppakwi, Nit iya, mbakwi, Ineraambe maluk lombok eerit nogwe, Inambokan laganuwak nduk agan nugwi, Eekwi ti, An neebi lombok mbake minggirak o.

Wone Alom Kibingga 7:18

Ambit mban porogo logorak mage o. Ata, Keenggi abeenok paga, “Op eeriyak,” porogo logonet, Keenggi abeenok paga, “Op eeriyak lek,” inom porogo logot o. Aap ambi Ala agabiti mbake kenok, wone ambi paga ari nage, wone ambi paga ari nage, eeka'lek oolo kuuri'me aret nage logogin o.

Yetaya 50:10

Kit kinenggela'me nen at Aliku ALA agabiti mbake, At ayeloman wone ari kenok liirogon eeke, Eeke menggerak ta wonage agaarik o? At o eya paga nageelik apit paga wonage logonet eerit nage nogo nen Aliku ALA abet mbake, At ogoba Ala iniki oba panggombege, Eeruwak o.

Yetikiyen 11:24

Kage mbareegi, Ala Aberiniki nen nabinggaanggo paga yo'nege kage neegak, Aberiniki nen an piyanogo wo'neren niyokan it aakumi wogoren o Mbaben mbo piya nagagerak wonogwe me nogome pani wage kagagirak. Pani wage nagagerik, nabinggaanggo kagagirak nogo eenggi-iyok lek aret lek age kagagirak.

Yetikiyen 37:1

Ti'nuk, Aliku ALA omaawi noba panege logonet, at Aberiniki yoge mbareegi, neebe wo'neren wundi nanuk, o kobappaga aakumi inowak nggininik yagabit aago wonage me enggela'me time pani nagagerak.

Yetikiyen 8:3

At ti, aap eenggi negen ngginogo neeruwak pi'nake kagagirak. Ti'nuk, nabinggaanggo kage logonet, Aberiniki nen an piyanneren mbogut agi, nggween ogu, kagak o oolo taati lagangge nagagerik, wo'neren o Yerutalem oore'nggam akem o omarip paga pa'nggwe tu unggwogo menggam Ala alut eeriyak kagak alik alut eekwi eebi mbake ogut eerak wonage me nogome pani nagagerak.

Matiyut 2:16

At Keroret nogo nen, “It aap wone mbiningga nogo nambokan laganggaarak iigi o,” yinuk, anini wu agan nage logonet, it aap wone mbiningga nen, “Laaluguragan o ti eyom paga aret kin age kogoorak o,” yinuk, liirogon yoreegwaarak me, at awuri nen o Mbe'lekem enaagan-ambokan nogome wologwe mbuulogwe ndarak iigak, tahun mbere aago inom, eeka'lek inom, tigitogon inoorit nawak nduk, nappiyareegerak.

Matiyut 4:1

Kage mbareegi, ti'nuk, Ibilit nen Yetut abut mbanuwak nduk, Aberiniki nen Yetut wonok karume aakumi lek me nagagerak.

Lukat 1:15

At ninogoba Ala nen at aap nggwok aret kaagin o. Ndi, anggur amburu inom, amburu omaawi kumili aganake mendek inom, at nengge logogin mondok lek aret o. At awo agalo inikime nen Aberiniki inikime mondok liinik nda'narigin o.

Nappiigak 12:19

at Keroret nen, “Liirogon kwaari nanip o,” yorage mbareegi, kwaarit nogogwaarak mendek, lek kenok, we wogo mbareegwa, “Nano eekwi kiigak, wunggi o,” yinuk, yoragagerak mendek, “Abu lek kenok, wogo o,” yogo mbareegwa, Keroret nen, “Ti kenok, kit aret kinoorogo pinagawak o,” yinuk, yorage mbareegi, inooruwak nduk wogoren nogwe iigak, at Keroret o Yureya nen o Kayitareya logonuk woraakit nduk time nagagerak.

Nappiigak 8:39

Wuppege nagagerik, wundi wogwe me, at Piliput nogo Aberiniki nen wonok nggarek ari mbareegi, aap nogo Piliput enegen kaga'lek logonet kwe, iniki ale'nggen mbarit ame nagagerak.

2 Timotiyut 3:15

Ala yereegerak wone liiru mbanak paga Keritut Yetut abet mbakwi niinok, ninagap ndariyak nineenu ee'ninaburak wone wulaga mbuuluk paga kat keenu agagindak nogo, abeke logonet, nggirik-nggerok porogo logot o.

1 Tamuwen 16:2

Yoge mbareegi, at Tamuwen nen ari logonet, “Ti eeriminggirak at Tawun aruk konengge logomenggerik, an nooriyak aret me, time nonggoti na o.” Yoge mbareegi, Aliku ALA nen at yoge, “Tapi awooluk ambi wonok nage logomenggendik, it aakumi time yorage logonet, Aliku ALA ake warogo wogorikit nduk wagi o.

1 Tamuwen 2:18

Togop aret eekwi iigak kwe, Tamuwen nogo perak, wulaga awo mbuuluk kagak ayum ligi yawenak amuni mbanak paga penggaarak agale warak epod nogo yippunuk, Ala alut eeko menggam awooliya wurik me ake eeke nagagerak.

1 Tamuwen 2:26

Ndi, wulaga Tamuwen nogo perak, eebe tawe age kagak, Ala inom, aakumi inom, iniki ale'nggen ombako nogogwaarak.