1 Endagembogut 18:10 - Ala Wone Peenok Peebi Mbanak

¹⁰ Yoge nagagerik, “Aliku kogoba Ala eenik menggerak endage paga abet aret yokkiri o. An nogoba Akap nen yi aakumi ndi aakumi wonogo menggam inom, aap inoweewi inendagembogut inabu'me piigo menggam inom, inenggela'me time ambiriluk ambi lek lek abok aret kwaakkabuwak nduk, awuri nappiigaatak yora nogo nagaatik, Eliya eebe yime lek o, yogwi iinok, Eebe abet aret lek yogotak kenok, kumbuk mbaninip o, yorogwe iinok, wone kumbuk mbanggo nogogwaarak.

1 Endagembogut 18:10 ပူးပေါင်းရင်းမြစ်များ

1 Endagembogut 1:29

Mi'ndak wonage kagak, aap endagembogut Ndawut nen kwe nogo yoge, “An nen kat yokkege logonet, An aakumi inowe nendagembogut nobaane'me kat kaagaluk Talomo aret endagembogut a'nuk Iterali wone lengganogo yorage logogin o, yinuk, at Aliku Iterali inogoba Ala endage paga wone kumbuk mbanogo yokkereegirak nogo, o yogondak aret mippigin abet mba'nok nduk, aaninggin-paaninggin noba wonage me, nagap ndaka eenik menggerak Aliku ALA endage paga yokkigi o.”

1 Endagembogut 17:1

Aap awi o Nggileyat yaga'lelo Titebe mendek Eliya nogo nen aap Akap yoge logonet, “An yaga'lek neegak yi tahun ndi tahun paga mayu wage, miinanggen luurogo pege, eeka'lek aret kaamunggun o, yinuk, at ake eeke minggirak Aliku Iterali inogoba Ala eenik menggerak endage kumbunuk, yokkigi o,” yoreegerak

1 Endagembogut 17:12

Yoge mbareegi, at kwe togwe nogo nen onggo yoge, “At Aliku kogoba Ala eenik menggerak endage paga abet aret yokkiri o. An nambi oroti abu lek me, tepung we ne ambit woorak iluk togolowa'na yonggolak inom, wam amburu togolowa'na o'lu iluk inom, ti mban wonage me, kani aretop anebenggo'nok name nage logominggirik, kani yi paga oroti worarogo naagaluk nimbirak nenok kambuwok nduk, eeke agarik o.”

1 Endagembogut 17:5

Yoge mbareegi, Eliya nogo Aliku ALA nen yoreegerak ndak-ndak, niyo Yoraran oonegen lagi wage menggim pa'nggwe niyo Kerit aa'nggi paga nogome puk ari nagagerak.

1 Endagembogut 17:9

“Kwe togwe ambi o Tiron yaga'lelo Tarabat mendek nen kambi wokkege logowak nduk, an nen yogirak me, time logonok nduk, o yogondak time nak o.”

1 Endagembogut 18:11

Togop me, yogondak, Eliya time wonage, kogoba yori nak, yo'negendak nogo ti,

1 Endagembogut 18:15

Yoge mbareegi, aap Eliya nogo nen, “An ya'i aret wonage me, o yogondak yi paga aap Akap nen pe'neya woroorak abet mbarenok nduk, an ake eeke minggirak at Mondok Omaawi Lombok Menggerak Aliku ALA endage paga yokkigi o,” yinuk, yoreegerak.

1 Endagembogut 18:9

Yoge mbareegi, aap Obaya nogo nen Eliya yoge logonet, “An maluk nano eekirak paga an kayeloman nooruwak nduk, neebe waganogo Akap wogoriyak yagan o?”

1 Endagembogut 2:24

An nogoba Ndawut endagembogut logonet, wone lengganogo yorage nagagim obaane'me nendagembogut nu'lek logowak nduk, eeppanege, ndi, at wone abuk nggaruk togon yoreegerak nogo napuri ndarak paga mban aakumi inoweewi inendagembogut logowak nduk, eerogo panege, eereegerak Aliku ALA eenik menggerak endage paga at Aroniya ti, o yogondak yi paga aret kambuwak nduk, warogo pigino,” yinuk,

1 Endagembogut 22:14

Yoreegerak kwe, at Mika nogo nen, “At Aliku ALA nen yo'nege kenok mban yorigin abet nombarenok nduk, at mondok eenik menggerak Aliku ALA endage paga yokkigi o,” yoreegerak.

Ndawi 10:2

It maluk eeka nen iniki wogoppako logonet, “Aap ineenggi lek ti, ndogop eeppiyaawok o,” Yinuk, kote koonogo punuk, Kwaarinabit namenggaarak kwe, It aret yilunggologwe,

Ndawi 31:20

Aap maluk eeko menggaarak nen eeppiyoorak kote koonit nugwi nogo eeppiyookwak, It ineebe op logowak nduk, kenggaawak paga piige, Aakumi inoone agan nugwi paga inom yawi pukwak, Kat wonage menggenom kumaappiige, Eeke menggendak o.

Ndawi 91:1

Aap ambi eebe op logokit nduk, at Tiyanak Lombok abu'me wonage kenok, At Omaawi Lombok Menggerak angguna'me logogin o.

Yeremiya 36:19

Yorage mbareegi, it aap inengga warak nogo nen at Mbaruk yogwi, “Kat Yeremiya kimbirak mbet kumaa'nari nanip o. Ndi, kumaarak wonogo logonet, Nit yime ogoorik o, yinuk, aakumi yoroorak abu mage o,” yinuk, yoreegwaarak.

Yeremiya 36:26

At aap endagembogut nogo nen it yogwi, nogo inoone konembunuk, puk ariyak op kwe, kagak aret, at aput endage warak Yera'meen nogo inom, Atiriyen aput Teraya inom, Aberen aput Telemiya inom, nen aap liiru mbangga Mbaruk kunduk, Ala yoge kagak yoraga Yeremiya kunduk, imbirak piginabi nawak nduk, yoragagerak kwe, Aliku ALA nen it aap ti, ineebe kumaappiyareegerak me, kwaariyoolik aret.

Yaya 8:59

Yoragagerak ti paga it yugum waganogo Yetut waruwok nduk eereegwaarak mendek at Yetut nogo, Ala awi wurik me nen wundi nanuk eenggi-iyok lek aret lek agagerak.

1 Tamuwen 23:23

At kumaa'narit nege menggim abok aret abu liippogo logomonggotik, wone lik togon wonok an yo'niri wogwe kiinok, an kit ninom nogo logomonggoorik, eebe wonage kenok, it aakumi Yekura ineebe ambik togon wonogwe inenggela'me iyok mugurok-magarok eerit pigaakit o,” yinuk, yoragagerak.

1 Tamuwen 29:6

Yogo mbareegwa, aap Akit nen Ndawut wiireegerak wage mbareegi, yoge logonet, “Kat o maan an neya wagagindak nen yogondak kuli, maluk ambi eeka'lek logonet, kiniki abu koonak, aap abu obeelom lombok nawuri wim eeka kinom a'nuk, wim namburiyak op aret keegirak nogo, abet aret mbake logonok nduk, at eenik menggerak Aliku ALA endage paga yokkege kwe, it aap Pilitin mendek inendagembogut eegu nen perak, ineebi kombakwi me,