1 Endagembogut 17:6 - Ala Wone Peenok Peebi Mbanak

⁶ Puk ari nagagerak time logonet, niyo mbuuluk nage nogo paga nengge, ndi, kuubondendok kenok, kiyoma kenok, towe nen oroti inom, enggaanggum inom, wogori wogwe nogo nengge, eeke nagagerak.

1 Endagembogut 17:6 ပူးပေါင်းရင်းမြစ်များ

1 Endagembogut 13:28

keledai amborowak paga kwi'na'nuk, wage nagagerik, aap nogo warak tu paga mbo pugu wonage kagak singa nen aap warak nogo nengge, keledai nogo eyak nibinogo nengge, eeka'lek keledai imbirak taati mi'ndak we arum wonogwe negen iyareegerak.

1 Endagembogut 17:5

Yoge mbareegi, Eliya nogo Aliku ALA nen yoreegerak ndak-ndak, niyo Yoraran oonegen lagi wage menggim pa'nggwe niyo Kerit aa'nggi paga nogome puk ari nagagerak.

1 Endagembogut 17:7

Ti eeppunuk, ne mande negen wonage kagak, mayu ambi woroolik me, niyo mbuuluk Kerit nage nogo porok yereegerak.

1 Endagembogut 19:6

Yoge mbareegi, eenik a'nuk, enegen ambo'me-enaame ari logonet, anobak me taati oroti worarak kani anggen paga wonage, niyo toolak wonage, enegen kage nagagerik, oroti inom, niyo inom, nengge nagagerik, ti'nuk, ambinom winnagagerak.

1 Endagembogut 19:8

Yoge mbareegi, Eliya nogo mi'nanuk, oroti inom, niyo inom, nenok, omaawi eekkolage nagagerik, nage tit kagak, nogo 40 yit Ala abuut, Puut Korep nogo paga ari nagagerak.

Ndawi 33:18

Togop aret kwe, It aap Aliku ALA inagabiti mbakwi nogo Iniki kunik mban eeginake menggerak me, “Nit kunduk iniki kunik ee'nabigin o,” yinuk, Iniki at paga lunik wonogwe ti, It kanggwi iyo, inagap ndake, Mbi noogelo wonogwe kwe, Ineebe op logowak nduk eeppiige, Eerikit nduk, Aliku ALA nen enegen wogonake menggerak o.

Ndawi 37:19

Aaninggin mendek inoba ari wage kenok, inenggali ogwe, Mbi noogelo aremenggerak kwe, Inambi lek age, Eerigin lek Ndonggorogon aret nonggo logogun o.

Ndawi 37:3

Kiniki Aliku ALA oba panggombunuk obeelom mban eekwi, Ndomba inikilom paga iri'ngga mili nenet nugwi kwak, Kit togop aret o nggween yi paga wonogo logonet, Abe wone mban mugurok nogwe,

Wundeegwaarak 16:35

Ndi, it aakumi Iterali tahun 40 eeke kagak mbi mana mban nenet o Kanan aakumi wonogwe kuli paga aret ari wogogwaarak.

Yetaya 33:16

It aap puut tiyarogon yugum pak wurogo pereegim iniki ugun tayenak wonogo mengga kwak wonogwe iigak, Inambi pipuk eerak wonage, inaniyo lek arigin lek wonage mban wonage, Eeke kagak nonggo logogun o.

Yeremiya 37:21

Yoge mbareegi, at Terekiya nen at awi nggwok abe wurik arum waka inawoore'nggam, “Time logowak o,” yinuk, wone lengganogo yorage, ndi, “Tu it oroti worako menggam nen ko'lu-kii'me wonok iri wagak mban eekwi iigak, oroti ti lek aruwak o,” yinuk, yorage, eereegerak paga at Yeremiya nogo aap endagembogut awi nggwok abe wurik arum waka inawoore'nggam taati aret wonagagerak o.

Yeremiya 40:4

kat yogondak keenggi mbutigeele paga maarak wonage yi, an nen wondet eerogo pagagi o. Kat nimbirak o Mbaben noorak uugwe mbake keenok, nimbirak aret nawok o. Nimbirak nage keenok, an nen karum wake logogin o. Ndi, o Mbaben time nimbirak noorak, Neebi, mbake keenok, ti op mban aret o. O yime kat logorak op mban wonage me, o yime abok aret nege logonet, An yime aret logorak op kagi, mbake keenok, time aret logomunggun o.”

Linggineegwaarak 11:23

Yoge mbareegi, at Aliku ALA nen Muta yoge logonet, “Naliku an ALA nen eeriyak nobam lek nomba'nuk yagan ya? An yagarak ti, abet aret eeke neyaamunggun ilik, lek a? kenegen kaamunggun o,” yinuk, yoreegerak.

Matiyut 19:26

Yogo mbareegwa, at Yetut nogo enegen pegiige logonet, “Ti eeriyak nogo, it aakumi nen eeriyak meek aret kwe, Ala nen perak, yi mendek ndi mendek abok aret eeriyak op mban aret o.”

Lukat 22:35

Yoge nagagerik, it apit yorage logonet, “Kinawu nggerenak inom, wokkirogwe iinok yonggoliyak yum inom, kiniyogogut nggerenak sepatu inom, an nen wonok noorak mage o, yokkirage mbareegi, nogo logonet, kit kinamendek ambi lek kenok, Ao, mbako nogogutak ilik, lek a?” Yorage mbareegi, it nen, “Nit niniki togop ambi mbarulik o, ninogoba.”

Iberani 6:18

At Ala nen wone ambi iniki koombunuk Abarakam abok yoge, ndi, ti'nuk ambi, pilit mbarukwak at endage inom kunogo yoge, eereegerak nogo ti, at pilit puguniyak abu meek me, wone yugu alom mbere, lek eerogo puurak lek mendek aret yoreegerak. Ti yoreegerak paga at Ala nen, “An alik eeriyak niniki koombunuk, yokkiraagin lek o,” yinuk, nit ninagap ndarak mendek, “Wo'niraagin,” yo'niragagerak niniki lunik mugurok nogo monggoorak nogo nen abet mba'nuk, mugurok nogo logowok nduk, abok yoreegerak me, nit mondok mugurok nogo logowok o.

Owak Loongga 14:14

Yogo mbareegwa, at Timoton nen it yorage logonet, “Nengga mendek inikime nen Nonggo menggaarak mendek wungge, Ndi, at alilaakwi mendek inikime nen Ombat tele mendek wungge, Eekerak o,” yinuk, yoragagerak. Yorage mbareegi, wone eegu laarak alom kwaakwi iigak, ne 3 aret age mbareegi,