1 Endagembogut 17:24 - Ala Wone Peenok Peebi Mbanak

²⁴ Yoge mbareegi, kwe nen Eliya yoge logonet, “Kat Ala wone liirogon eeka logonet, Aliku ALA nen yokkege kagak ari menggendak nogo ti, o yogondak yi paga abet aret neenu aga o,” yinuk, yoreegerak.

1 Endagembogut 17:24 ပူးပေါင်းရင်းမြစ်များ

1 Endagembogut 12:22

Kuwak eeginabeegerak kwe, at Ala nen aap Ala wone liirogon eeka Temaya wone yoreegerak yi aret. “Talomo aput it Yekura inowe endagembogut Erekabeyam inom, it aakumi Yekura mendek inom, Mbeniyamin mendek inom, it inanebunu ambik Iterali ando nogo inom, wone yora nanok nduk yokkiri o.

1 Endagembogut 17:23

Eenik age mbareegi, aap Eliya nogo nen wulaga nogo tilaabaga nen wonok agalo owagam wambi wage nagagerik, yoge logonet, “Kwe yi wae! Kaagaluk nogo muk eenik agaarak yi o,” yoreegerak.

2 Endagembogut 4:16

at Elita nen kwe nogo yoge, “Tahun ambi eeppunuk, ne yogondak yi ndak-ndak, kaagaluk aap aret kogome kolaamunggun o.” Yoge mbareegi, kwe nogo nen, “Nogoba o. Kat Ala wone liirogon eeka aret me, koone pilit kayeloman an yo'niriyak ti mage o,” yoreegerak.

2 Endagembogut 4:9

Togop eeke kenok, kwe nogo nen ogonggelo yoge, “Aap kulinik niname niniya wage menggerak nogo ti, Ala wone liirogon eeka at ake leenak menggerak kagarak me,

Wone Alom Kibingga 12:10

At nen yi wone ndi wone iniki ale'nggen mbariyak wone kwaarit nage, kwaake nagaatik, yogo nogogwaarak nogo ndak-ndak liiru mbanikit nduk, wakkagak mban eeke, eereegerak.

Yaya 11:15

Ndi, kit kiniki noba panggombunuk abet nombarubagip nduk, an time logolik yime wonagarak nogo kit kinake aret wonagarak me, nale'nggen mbake agarik. Yogondak perak, at wonage me nawok o.”

Yaya 11:42

Kat an noone mondok konengge menggendak nogo, an abu neenu aret kwe, it aakumi ugun mi'ndak wonogwe yi nogo, kat nen nappani wagagindak abet aret mbaruwak nduk, yokkigi o.”

Yaya 15:24

An it inenggela'me logonet, eekulik mendek eeke logonetak lek en, it maluk ineenggo'lek ugun aret logonetak kwe, yogondak perak, an eeke nagagirak nogo, it muk neego nagaarik, an nogoba nimbirak aret ineebi ninombako agaarik o.

Yaya 16:30

Yogondak kat yi wone ndi wone abok keenu aret me, Wone ngge koonggo ogotik o, yinuk, aakumi kin wogiyoorak lek aret keego o. Ti paga kat Ala wonage me nen wagagindak abet aret kombako o,” yoreegwaarak.

Yaya 2:11

At Yetut nen ineenu ariyak inagabiti warak mendek aa'nduk lombok eereegerak nogo ti, o Nggalileya yaga'lelo Kana nogome logonet, eereegerak ti aret. Time logonet, at tiyanak menggerak nogo abok paganeegerak me, at oone waganggwi nogo iniki at oba panggombunuk, abet mbareegwaarak.

Yaya 3:2

At nogo ne ambi oonikiya paga Yetut owagam wage nagagerik, yoge logonet, “Ngguru wae! Kat aakumi mamuninake logonok nduk, Ala nen nappagi wagaarak nineenu aret o. Aakumi Ala inom kunik lek kenok, ineenu ariyak inagabiti warak mendek kat eerit nege menggendak nogo, it nen eeriyak abu meek o.”

1 Tetalonika 2:13

Togop me, Ala wone yokkirogogurak konenggo logonet, “Yi we aakumi inoone lek o. Yi Ala wone nit abet mbakwi ninikime koonninake menggerak wone abet aret o,” yinuk, waganeegutak me, nit puk aga'lek kulinik-kalinik, “Ala wa,” yogo monggoorak.

1 Yaya 2:21

Ala ndogop menggerak wone nogo kit kineenggo'lek me nduk liiru yi mbanggirage lek o. Kineenu aret me, it aap nen Ala ndogop menggerak wone yogo logonet, alik ambi inom nabenogo yogwe iinok, “Yi pilit aret yogwe o,” yinuk, yelok kaabagip nduk liiru yi, mbanggirage agarik o.