1 Endagembogut 17:13 - Ala Wone Peenok Peebi Mbanak

^13-14 Yoge mbareegi, Eliya nogo nen kwe nogo yoge, “Kagabiti mbarugun o. At Aliku Iterali inogoba Ala nen ari logonet, Tepung togolowa'na yonggolak nogo ti lek age, wam amburu toolak ti kunduk lek age, eeka'lek kagak, Naliku ALA nen o nggween paga yime mayu wuppi woraagin, yegerak me, kame nage logomenggendik, eerit noorak yagandak ti, op aret kwe, kagak, mbuuluk iluk wonage yagandak nogo, waganogo an aa'nduk nake oroti mbuuluk ambi worarogo niri wa'nuk, ti'nuk, kaagaluk kimbirak kinake worappatinuk namunggup o,” yoreegerak.

1 Endagembogut 17:13 ပူးပေါင်းရင်းမြစ်များ

Wakkagagerak 26:24

Nage nagagerik, oonikiya nogo yege me, at Aliku ALA at owagam wage nagagerik, yoge logonet, “Kat kogoba Abarakam ogoba Ala an aret o. An mondok-mondok karum wonage, ndi, nale'nggen koba pagage logonet, nayeloman Abarakam wone abuk nggaruk togon yoreegirak nogo ndak-ndak kat kapuri-kombowologwe ambik aret wiganogo piige, eerigin me, kagabiti mbarugun o.”

1 Endagembogut 17:12

Yoge mbareegi, at kwe togwe nogo nen onggo yoge, “At Aliku kogoba Ala eenik menggerak endage paga abet aret yokkiri o. An nambi oroti abu lek me, tepung we ne ambit woorak iluk togolowa'na yonggolak inom, wam amburu togolowa'na o'lu iluk inom, ti mban wonage me, kani aretop anebenggo'nok name nage logominggirik, kani yi paga oroti worarogo naagaluk nimbirak nenok kambuwok nduk, eeke agarik o.”

2 Endagembogut 6:16

Yoge mbareegi, at Elita nen at yoge, “Kagabiti mbarugun o. It inom ariyak ti, mbuuluk wonogwe kwe, nit ninom ariyak perak, ineebe ambik aago wonogwe o.”

2 Mbinineegwaarak 20:17

kinom namburiyak kina koonogo punuk kiigak, Aliku ALA nen kineegin tiyappinagagin me, wim eeka'lek nu'lek puk aret logomunggup o. Kit Yekura mendek inom, Yerutalem mendek inom, yi wae. At Aliku ALA kinom aret logogin me, kinagabiti mbakwi, kinomanggen tayok ari, eeka'lek ko'lu aret kinom wim eeri namunggup o,” yinuk, yoragagerak.

Wundeegwaarak 14:13

Yogo mbareegwa, Muta nen it yorage logonet, “At Aliku ALA nen nonggop agago kinagap ndarigin nogo yogondak aret kinigen kaamunggup me, kinagabiti mbaka'lek kiniki kwippunuk logonip o. It aakumi Metit mendek yogondak kinigen iigwi ti, peebi nen kinigen iyaamunggup mondok lek o.

Kini Wuppiige 3:9

Kat kamendek kiniki kundugu paga, Kamendek iyaalok yugu anggen mbanak paga, Aliku ALA endage tiyappege logot o.

Yetaya 41:10

An kit ninom wonage me, kinagabiti mbakwi, An kinogoba Ala aret me, kiniki piirik ogwe, Eerugup o. An nen kinomaawi eerogo pinagage, yeenggwa kirage, Aap ambi nen tebenogo pinagukwak, neenggi omaawi abe'nggan paga pikkinake, Eerigin o.

Yetaya 41:13

An nen aret yeenggwa kiraagin me, kinagabiti mbarugup o, yinuk, Kineenggi abe paga pippinaganuk, kinogoba Naliku Ala an nen aret yokkirage agarik o.

Maleyaki 3:10

Togop eerak logokwak, inamendek 10 wonage kenok, ambi yendenogo punuk, enaani aret an nake pugu pogo menggam pi wogo logowak o. Pi wogwe iinok, an nawi wurik me yabu eeka nogo inambi endak aret nunggo logogun o. Nake pugu nogo it aakumi pi wogo logonet, At nen mbogut paga tu paarogo pit nanuk, ale'nggen nen yi mendek ndi mendek ngginu-ngginu eerogo wuppinani woramenggerak paga niname yagabit age kenok, Eegu ngga patuwi o, yinuk, yuurak ee'ninake kaamun ilik, lek a? yinuk, an nabut mbanggo logonet pi wogo logowak o.

Matiyut 10:37

An kineebi negen nombako logonet, kinagalo a, kinogoba a, kiniki kunik eekwi kiinok ti, an ninom logorak meek aret o. Ndi, an kineebi negen nombako logonet, kinapuluk wulaga a, kolaga a, kiniki kunik eekwi kiinok kunduk, an ninom logorak meek mban aret o.

Matiyut 28:5

Ndi, at malayikat nogo nen it kumi nogo yorage logonet, “Kit nen aap Yetut eyo paga nabenogo pegaarak nogo kaawok nduk, wogotak kiigirak me, kinagabiti mbarugup o.

Matiyut 6:33

Kit aa'nduk kinogoba abu'me pinagarak, Ao, mbakwi, ndi, at obeelom lombok eeke logorak mbake nogo, kit ndak-ndak eeko logorak miikwi, eeko logonip o. Togop eekwi kiinok, kit nen, Ti mendek lek me, uugwe mbakwi nogo inom abok aret oba lunogo wokkirage kaamunggup o.

Nappiigak 27:24

Pawulut wae. Kagabiti yugun o. Kat Kayitat owagam aret mi'narumunggun me, Ala kabuwa nen kinom yiiro paga wonogwe yi, kat paga abok inagap ndarigin o, yinuk, yo'negerak me,

Iberani 11:17

Ala nen Abarakam abut mbanikit nduk yoge logonet, “Kaput warogo an nake kani kumbu o,” yoge mbareegi, Abarakam nen, “Kaput Itak paga nen kombowologwe apit wigannarugun o, yinuk, yo'nege mbaki, abet aret mbakirak kwe, Waru o, yo'nege me, nonggop togon wari?” ti mbarulik. Ata, “Ala nen kanggaatak ineenik eerogo mippiige menggerak neenu me, togop aret eenik eerogo mippigin kagi,” yinuk, abet mbake logonet, “Naput ambolom ndarak yi kagak aret warikit,” mbareegerak. Ndi, Ala nen kanggaatak ineenik agago mippiige menggerak abet mbareegerak nogo ndak-ndak, iniki nen abu warikit mbareegerak ti paga abet aret wakerak mba'nuk, Ala nen eenik agago mippereegerak negen aret mbaruwok o.

1 Peterut 1:7

Mbuti emas nogo ti, we luulu lek ariyak mendek kagak, “At mendek ilik, alik mendek a?” yinuk, kani paga abut mbanggo menggaarak nogo ndak-ndak, kit abet mbakwi nogo ti, mbuti emas ndak-ndak lek o. Kit abet mbakwi nogo ti, mondok iya lombok me, at Ala nen, “Nu'lek wonogwe iyaamun ilik, lek a?” yinuk, kinabut mbangge logonet, aaninggin-paaninggin kinoba pinagage me, kiniki ale'nggen mbakwi kiinok, peebi Yetut Keritut eebe tena'me ari wage logonet, “Op eekotak o,” yinuk, ale'nggen kinoba pinagage, kinendage tiyappinagage, wogoppinagage, eeri woraagin o.